ਹਿਮਾ ਦਾਸ ਆਸਾਮ ’ਚ ਬਣੀ ਡੀਐਸਪੀ

- ਕਿਹਾ, ਜਾਰੀ ਰਹੇਗਾ ਐਥਲੈਟਿਕਸ ਕਰੀਅਰ

ਗੁਹਾਟੀ, 26 ਫਰਵਰੀ (ਏਜੰਸੀਆਂ): ਸਟਾਰ ਫਰਾਟਾ ਦੌੜਾਕ ਹਿਮਾ ਦਾਸ ਨੇ ਸ਼ੁੱਕਰਵਾਰ ਨੂੰ ਆਸਾਮ ਪੁਲਿਸ ’ਚ ਡਿਪਟੀ ਸੁਪਰਡੈਂਟ ਬਣਾਇਆ ਗਿਆ ਹੈ। ਜਿਸ ਨੇ ਹਿਮਾ ਨੇ ਬਚਪਨ ਦਾ ਸੁਫਨਾ ਸੱਚ ਹੋਣ ਵਰਗਾ ਦੱਸਿਆ। ਹਿਮਾ ਨੂੰ ਨਿਯੁਕਤੀ ਪੱਤਰ ਆਸਾਮ ਦੇ ਮੁੱਖ ਮੰਤੀਰ ਸਰਵਾਨੰਦ ਸੋਨੋਵਾਲ ਨੇ ਸੌਂਪਿਆ, ਜੋ ਕੇਂਦਰ ’ਚ ਖੇਡ ਮੰਤਰੀ ਵੀ ਰਹਿ ਚੁੱਕੇ ਹਨ। ਇੱਥੇ ਆਯੋਜਿਤ ਇਕ ਸਮਾਰੋਹ ’ਚ ਪੁਲਿਸ ਜਨਰਲ ਡਾਇਰੈਕਟਰ ਸਮੇਤ ਸੀਨੀਅਰ ਪੁਲਿਸ ਅਧਿਕਾਰੀ ਅਤੇ ਪ੍ਰਦੇਸ਼ ਸਰਕਾਰ ਦੇ ਅਧਿਕਾਰੀ ਹਾਜ਼ਰ ਸਨ। ਹਿਮਾ ਨੇ ਬਾਅਦ ’ਚ ਕਿਹਾ ਕਿ ਉਹ ਬਚਪਨ ਤੋਂ ਪੁਲਿਸ ਅਧਿਕਾਰੀ ਬਣਨ ਦਾ ਸੁਫਨਾ ਦੇਖਦੀ ਆਈ ਹੈ। ਉਸ ਨੇ ਕਿਹਾ,‘‘ਇੱਥ ਲੋਕਾਂ ਨੂੰ ਪਤਾ ਹੈ। ਮੈਂ ਕੁਝ ਵੱਖ ਨਹੀਂ ਕਹਿਣ ਜਾ ਰਹੀ। ਸਕੂਲੀ ਦਿਨਾਂ ਤੋਂ ਹੀ ਮੈਂ ਪੁਲਿਸ ਅਧਿਕਾਰੀ ਬਣਨਾ ਚਾਹੁੰਦੀ ਸੀ ਅਤੇ ਇਹ ਮੇਰੀ ਮਾਂ ਦਾ ਵੀ ਸੁਫਨਾ ਸੀ।’’
ਹਿਮਾ ਨੇ ਕਿਹਾ,‘‘ਉਹ ਦੁਰਗਾ ਪੂਜਾ ਦੌਰਾਨ ਮੈਨੂੰ ਖਿਡੌਣੇ ’ਚ ਬੰਦੂਕ ਦਿਵਾਉਂਦੀ ਸੀ। ਮਾਂ ਕਹਿੰਦੀ ਸੀ ਕਿ ਮੈਂ ਆਸਾਮ ਪੁਲਿਸ ਦੀ ਸੇਵਾ ਕਰਾਂ ਅਤੇ ਚੰਗੀ ਇਨਸਾਨ ਬਣਾਂ।’’ ਏਸ਼ੀਆਈ ਖੇਡਾਂ ਦੀ ਰਜਤ ਮੈਡਲ ਜੇਤੂ ਅਤੇ ਜੂਨੀਅਰ ਵਿਸ਼ਵ ਚੈਂਪੀਅਨ ਹਿਮਾ ਨੇ ਕਿਹਾ ਕਿ ਉਹ ਪੁਲਿਸ ਦੀ ਨੌਕਰੀ ਨਾਲ ਖੇਡਾਂ ’ਚ ਆਪਣਾ ਕਰੀਅਰ ਵੀ ਜਾਰੀ ਰੱਖੇਗੀ। ਉਸ ਨੇ ਕਿਹਾ,‘‘ਮੈਨੂੰ ਸਭ ਕੁਝ ਖੇਡਾਂ ਦੀ ਤਰ੍ਹਾਂ ਮਿਲਿਆ ਹੈ। ਮੈਂ ਪ੍ਰਦੇਸ਼ ’ਚ ਖੇਡ ਦੀ ਬਿਹਤਰੀ ਲਈ ਕੰਮ ਕਰਾਂਗੀ ਅਤੇ ਆਸਾਮ ਨੂੰ ਹਰਿਆਣਾ ਦੀ ਤਰ੍ਹਾਂ ਸਭ ਤੋਂ ਚੰਗਾ ਪ੍ਰਦਰਸ਼ਨ ਕਰਨ ਵਾਲਾ ਸੂਬਾ ਬਣਾਉਣ ਦੀ ਕੋਸ਼ਿਸ਼ ਕਰਾਂਗੀ। ਆਸਾਮ ਪੁਲਿਸ ਲਈ ਕੰਮ ਕਰਦੇ ਹੋਏ ਆਪਣਾ ਕਰੀਅਰ ਵੀ ਜਾਰੀ ਰੱਖਾਂਗੀ।’’