ਰਿੰਕੂ ਮਲਹੋਤਰਾ
ਕੋਟਕਪੂਰਾ/2 ਮਈ : ਰਿਲਾਇੰਸ ਜੂਨੀਅਰ ਐਨ.ਬੀ.ਏ ਬਾਸਕਟਬਾਲ ਮੈਚ 13 ਅਪ੍ਰੈਲ 2022 ਤੋਂ 1 ਮਈ 2022 ਤੱਕ “ਗੁਰੂ ਨਾਨਕ ਸਟੇਡੀਅਮ“ ਲੁਧਿਆਣਾ ਵਿਖੇ ਸ. ਤੇਜਾ ਸਿੰਘ ਧਾਲੀਵਾਲ ਸਕੱਤਰ ਪੰਜਾਬ ਬਾਸਕਟਬਾਲ ਐਸੋਸੀਏਸਨ ਦੀ ਅਗਵਾਈ ਹੇਠ ਕਰਵਾਏ ਗਏ, ਇਸ ਮੁਕਾਬਲੇ ਵਿੱਚ ਲਗਭਗ 700 ਬੱਚਿਆਂ ਨੇ ਭਾਗ ਲਿਆ। ਇਸ ਮੁਕਾਬਲੇ ਵਿੱਚ ਵੈਸਟ ਪੁਆਇੰਟ ਸਕੂਲ ਦੀ ਬਾਸਕਟਬਾਲ ਟੀਮ ਲੜਕੇ ਅਤੇ ਲੜਕੀਆਂ ਨੇ ਭਾਗ ਲਿਆ। ਤਾਹਿਰਾ ਨਕਈ ਅਤੇ ਰਿਤਿਕ ਗਰੋਵਰ ਨੇ “ਅੰਡਰ-14“ ਹੁਨਰ ਚੁਣੌਤੀ ਜਿੱਤੀ ਅਤੇ ਅਮਰੀਕੀ ਐਨਬੀਏ ਕੋਚ ਸ੍ਰੀਮਤੀ ਡੌਨ ਦੁਆਰਾ ਪ੍ਰਮਾਣ ਪੱਤਰ ਦਿੱਤੇ ਗਏ। ਇਸ ਤੋਂ ਇਲਾਵਾ, ਰਿਤਿਕ ਗਰੋਵਰ ਅਤੇ ਤਰਸਨ ਬਰਾੜ ਨੂੰ ਨੋਇਡਾ ਵਿੱਚ ਐਨਬੀਏ ਨੈਸਨਲਜ ਲਈ ਚੁਣਿਆ ਗਿਆ ਹੈ। ਸਕੂਲ ਦੇ ਡਾਇਰੈਕਟਰ ਸ: ਹਿੰਮਤ ਸਿੰਘ ਨਕਈ ਅਤੇ ਪ੍ਰਿੰਸੀਪਲ ਸ੍ਰੀਮਤੀ ਹਰਲੀਨ ਨਕਈ ਨੇ ਵਿਦਿਆਰਥੀਆਂ ਨੂੰ ਉਨ੍ਹਾਂ ਦੀਆਂ ਪ੍ਰਾਪਤੀਆਂ ਨਾਲ ਸਕੂਲ ਅਤੇ ਆਪਣੇ ਸਹਿਰ ਦਾ ਮਾਣ ਵਧਾਉਣ ਲਈ ਵਧਾਈ ਦਿੱਤੀ . ਉਨ੍ਹਾਂ ਨੇ ਬਾਸਕਟ ਬਾਲ ਕੋਚ ਸੰਦੀਪ ਖਾਨ ਨੂੰ ਵੀ ਵਿਦਿਆਰਥੀਆਂ ਪ੍ਰਤੀ ਉਨ੍ਹਾਂ ਦੀ ਮਿਹਨਤ ਅਤੇ ਸਮਰਪਣ ਲਈ ਵਧਾਈ ਦਿੱਤੀ।