ਜਸਵਿੰਦਰ ਸੰਧੂ ਮਾਸਟਰਜ਼ ਗੇਮਜ਼ ਫੈਡਰੇਸ਼ਨ ਪੰਜਾਬ ਦੇ ਉਪ ਪ੍ਰਧਾਨ ਚੁਣੇ ਗਏ

- ਚਰਨਜੀਤ ਸਿੰਘ ਤੇ ਸੁਧੀਰ ਕੁਮਾਰ ਬਣੇ ਸਟੇਟ ਕੋਆਰਡੀਨੇਟਰ

ਰਿੰਕੂ ਮਲਹੋਤਰਾ
ਕੋਟਕਪੂਰਾ/5 ਮਈ : ਖੇਡਾਂ ਜੀਵਨ ਦਾ ਅਨਿੱਖੜਵਾਂ ਅੰਗ ਹਨ ਤੇ ਖਿਡਾਰੀ ਕਦੇ ਵੀ ਬੁੱਢਾ ਨਹੀਂ ਹੁੰਦਾ। ਏਸੇ ਲੜੀ ਤਹਿਤ ਪੰਜਾਬ ਅੰਦਰ ਮਾਸਟਰ ਖੇਡਾਂ ਨੂੰ ਪ੍ਰਫੁੱਲਿਤ ਕਰਨ ਲਈ,ਮਾਸਟਰ ਗੇਮਜ਼ ਫੈਡਰੇਸ਼ਨ ਪੰਜਾਬ ਦੀ ਨਵੀਂ ਬਾਡੀ ਦਾ ਗਠਨ ਕਰਨ ਲਈ ਫਿਰੋਜ਼ਪੁਰ ਦੇ ਸ਼ਹੀਦ ਭਗਤ ਸਿੰਘ ਸਟੇਡੀਅਮ ਵਿੱਚ ਇੱਕ ਅਹਿਮ ਮੀਟਿੰਗ ਹੋਈ ਜਿਸ ਵਿੱਚ ਵੱਖ ਵੱਖ ਜਿਲ੍ਹਿਆਂ ਦੇ ਖੇਡ ਪ੍ਰੇਮੀਆਂ ਨੇ ਹਿੱਸਾ ਲਿਆ।
ਨੈਸ਼ਨਲ ਅਵਾਰਡੀ ਗੁਰਨਾਮ ਸਿੱਧੂ ਅਤੇ ਅੰਤਰਰਾਸ਼ਟਰੀ ਖਿਡਾਰੀ ਈਸ਼ਵਰ ਸ਼ਰਮਾਂ ਨੇ ਕਮੇਟੀ ਲਈ ਨਾਵਾਂ ਦੀ ਤਜ਼ਵੀਜ ਪੇਸ਼ ਕੀਤੀ ਅਤੇ ਹਾਊਸ ਵੱਲੋਂ ਸਰਬਸੰਮਤੀ ਨਾਲ ਇਸ ਤਜ਼ਵੀਜ ਨੂੰ ਪਾਸ ਕੀਤਾ ਗਿਆ। ਚੁਣੀ ਗਈ ਬਾਡੀ ’ਚ ਗੁਰਪਰਵੇਜ਼ ਸਿੰਘ ਸੰਧੂ ਸ਼ੈਲੇਨੂੰ ਪੰਜ਼ਾਬ ਪ੍ਰਧਾਨ, ਜਸਵਿੰਦਰ ਸੰਧੂ (ਫਰੀਦਕੋਟ) ਅਤੇ ਬੀ.ਪੀ.ਈ.ਓ ਭੁਪਿੰਦਰ ਸਿੰਘ ਜੋਸਨ ਉਪ ਪ੍ਰਧਾਨ, ਅਮਰੀਕ ਸੰਧੂ (ਮੋਗਾ) ਜਨਰਲ ਸਕੱਤਰ,ਏਸ਼ੀਅਨ ਐਥਲੀਟ ਪ੍ਰਗਟ ਸਿੰਘ ਜੁਆਇੰਟ ਸਕੱਤਰ, ਡਾਕਟਰ ਪ੍ਰਿੰਸੀਪਲ ਸੁਰਜੀਤ ਸਿੰਘ ਸਿੱਧੂ ਮੁੱਖ ਸਲਾਹਕਾਰ,ਗੋਲਡ ਮੈਡਲਿਸਟ ਈਸ਼ਵਰ ਸ਼ਰਮਾਂ ਸਟੇਟ ਕੋਆਡੀਨੇਟਰ, ਅਮਰੀਕ ਸਿੱਧੂ ਜੁਆਇੰਟ ਕੋਆਡੀਨੇਟਰ, ਅੰਗਰੇਜ ਸਿੰਘ ਮਮਦੋਟ ਸਪੋਕਸਮੈਨ, ਜਸਪਾਲ ਜੋਸਨ ਮੀਡੀਆ ਇੰਚਾਰਜ, ਰਾਕੇਸ਼ ਕਪੂਰ ਦਫਤਰ ਸਕੱਤਰ ਚੁਣੇ ਗਏ।
ਇਸ ਮੌਕੇ ਵੱਖ ਵੱਖ ਖੇਡਾਂ ਲਈ ਸਟੇਟ ਕੋਆਡੀਨੇਟਰ ਵੀ ਸਥਾਪਿਤ ਕੀਤੇ ਗਏ ਜਿਸ ਵਿੱਚ ਸੁਧੀਰ ਸ਼ਰਮਾਂ ਨੂੰ ਬੈਡਮਿੰਟਨ, ਚਰਨਜੀਤ ਸਿੰਘ ਨੂੰ ਕੁਸ਼ਤੀ, ਜਸਪ੍ਰੀਤ ਬਾਬਾ ਤੇ ਗੁਰਬਚਨ ਭੁੱਲਰ ਨੂੰ ਹਾਕੀ, ਰੋਹਿਤ ਸ਼ਰਮਾ ਨੂੰ ਟੇਬਲ ਟੈਨਿਸ, ਹਰਪ੍ਰੀਤ ਭੁੱਲਰ ਨੂੰ ਤੈਰਾਕੀ, ਸਰਬਜੀਤ ਸਿੰਘ ਤੇ ਮੈਡਮ ਅਵਤਾਰ ਕੌਰ ਨੂੰ ਕਬੱਡੀ,ਸੋਹਣ ਸਿੰਘ ਸੋਢੀ ਨੂੰ ਸਾਈਕਲਿੰਗ,ਭੁਪਿੰਦਰ ਸਿੰਘ ਨੂੰ ਤੀਰ ਅੰਦਾਜ਼ੀ ਗਣੇਸ਼ਦਾਸ ਸ਼ਕਤੀ ਸਿੰਘ ਤੇ ਜਗਸੀਰ ਸਿੰਘ ਪੁਰੀ (ਮੁਕਤਸਰ) ਨੂੰ ਬਾਸਕਿਟਬਾਲ, ਹਰਬਿੰਦਰ ਸਿੰਘ ਨੂੰ ਸ਼ੂਟਿੰਗ, ਅਮਨਦੀਪ ਅਜ਼ਾਦ ਸਿੰਘ ਨੂੰ ਫੁੱਟਬਾਲ ਕੋਆਡੀਨੇਟਰ ਲਾਇਆ ਗਿਆ। ਪ੍ਰਧਾਨ ਸ਼ੈਲੇ ਸੰਧੂ ਨੇ ਜਾਣਕਾਰੀ ਦਿੱਤੀ ਕਿ ਇਸ ਵਾਰ ਕੇਰਲਾ ਵਿਖੇ ਹੋ ਰਹੀਆਂ ਮਾਸਟਰਜ਼ ਨੈਸ਼ਨਲ ਖੇਡਾਂ ਵਿੱਚ ਪੰਜਾਬ ਦੇ ਖਿਡਾਰੀ ਵਧ ਚੜ ਕੇ ਹਿੱਸਾ ਲੈਣਗੇ।