ਗੁਰੂ ਗੋਬਿੰਦ ਸਿੰਘ ਜੀ ਦੇ ਸਾਹਿਬਜ਼ਾਦਿਆਂ ਤੇ ਮਾਤਾ ਗੁਜਰੀ ਜੀ ਦੀਆਂ ਸ਼ਹਾਦਤਾਂ ਨੂੰ ਸਮਰਪਿਤ ਕਵੀ ਦਰਬਾਰ ਤੇ ਭਾਸ਼ਣ

 

ਸਮਾਗਮ ਦੇ ਦੂਜੇ ਮੁੱਖ ਬੁਲਾਰੇ ਐਡ. ਗਗਨਦੀਪ ਸਿੰਘ ਗੁਰਾਇਆ ਨੇ ਕਿਹਾ ਕਿ ਛੋਟੇ ਸਾਹਿਬਜ਼ਾਦਿਆਂ ਤੇ ਮਾਤਾ ਗੁਜਰੀ ਜੀ ਵਰਗੀ ਸ਼ਹਾਦਤ ਦੀ ਮਿਸਾਲ ਦੁਨੀਆਂ ਭਰ ਵਿੱਚ ਕਿਤੇ ਨਹੀਂ ਮਿਲਦੀ, ਜਿਨ੍ਹਾਂ ਨੂੰ 'ਨਿੱਕੀਆਂ ਜਿੰਦਾਂ ਵੱਡੇ ਸਾਕੇ' ਕਰ ਕੇ ਜਾਣਿਆ ਜਾਂਦਾ ਹੈ। ਸਭਾ ਦੀ ਪ੍ਰਧਾਨ ਬੀਬੀ ਪਰਮਜੀਤ ਕੌਰ ਸਰਹਿੰਦ ਨੇ ਕਵੀਆਂ ਵੱਲੋਂ ਪੜ੍ਹੀਆਂ ਕਵਿਤਾਵਾਂ ਦੀ ਸਮੀਖਿਆ ਕਰਦਿਆਂ ਕਿਹਾ ਕਿ ਇਹ ਸ਼ਹੀਦਾਂ ਦੀ ਧਰਤੀ ਦਾ ਹੀ ਅਸਰ ਹੈ, ਜਿਸ ਕਾਰਨ ਕਵੀਆਂ ਨੇ ਉਨ੍ਹਾਂ ਸ਼ਹੀਦਾਂ ਨੂੰ ਆਪਣੀ ਅਕੀਦਤ ਭੇਟ ਕੀਤੀ ਹੈ। ਪਰਮਜੀਤ ਕੌਰ ਸਰਹਿੰਦ ਨੇ ਕਿਹਾ ਕਿ ਸ਼ਹੀਦਾਂ ਨੂੰ ਸਮਰਪਿਤ ਇਹ ਸਮਾਗਮ ਗੁਰਬਾਣੀ ਆਸ਼ੇ ਨੂੰ ਮੁੱਖ ਰੱਖ ਕੇ ਕੀਤਾ ਗਿਆ ਹੈ।ਇਸ ਤੋਂ ਪਹਿਲਾਂ ਸਮਾਗਮ ਦੀ ਸ਼ੁਰੂਆਤ ਮੌਕੇ ਐਡਵੋਕੇਟ ਜਸਵਿੰਦਰ ਸਿੰਘ ਨੇ ਆਏ ਸਾਹਿਤਕਾਰਾਂ ਤੇ ਸਰੋਤਿਆਂ ਨੂੰ ਜੀ ਆਇਆਂ ਆਖਿਆ। ਇਸ ਉਪਰੰਤ ਕਵੀਆਂ ਮਹਿੰਦਰ ਮਿੰਦੀ, ਹਰਲੀਨ ਕੌਰ, ਸਾਧੂ ਸਿੰਘ ਪਨਾਗ, ਗੁਰਪ੍ਰੀਤ ਸਿੰਘ ਬੀੜ ਕਿਸ਼ਨ, ਲਛਮਣ ਸਿੰਘ ਤਰੌੜਾ, ਅਮਰਬੀਰ ਸਿੰਘ ਚੀਮਾ, ਦਰਵਾਰਾ ਸਿੰਘ ਢੀਂਡਸਾ, ਮਨਜੀਤ ਸਿੰਘ ਘੁੰਮਣ, ਬਲਤੇਜ ਸਿੰਘ ਬਠਿੰਡਾ, ਪਰਮਜੀਤ ਕੌਰ ਸਰਹਿੰਦ, ਪ੍ਰੇਮ ਲਤਾ, ਦੇਵ ਮਲਿਕ, ਗੁਰਨਾਮ ਸਿੰਘ ਬਿਜਲੀ, ਨੇ ਸਾਹਿਬਜ਼ਾਦਿਆਂ ਤੇ ਮਾਤਾ ਗੁਜਰੀ ਜੀ ਨੂੰ ਸਮਰਪਿਤ ਕਵਿਤਾਵਾਂ ਸੁਣਾਈਆਂ।ਸਮਾਗਮ ਦੌਰਾਨ ਅਜੈਪਾਲ ਸਿੰਘ ਬਾਠ ਕੈਲੀਫੋਰਨੀਆ, ਜ਼ਫ਼ਰਨਾਮਾ ਗਾਇਨ ਕਰਨ ਵਾਲੀ ਬੀਬਾ ਹਰਲੀਨ ਕੌਰ, ਭਾਸ਼ਣ ਦੇਣ ਵਾਲੇ ਬੁਲਾਰਿਆਂ ਤੇ ਪਹੁੰਚੇ ਕਵੀਆਂ ਦਾ ਵਿਸ਼ੇਸ਼ ਸਨਮਾਨ ਵੀ ਕੀਤਾ ਗਿਆ।ਸਮਾਗਮ ਦੇ ਅਖ਼ੀਰ ਵਿਚ ਜ਼ਿਲ੍ਹਾ ਭਾਸ਼ਾ ਅਫ਼ਸਰ ਜਗਜੀਤ ਸਿੰਘ ਨੇ ਪਹੁੰਚੇ ਕਵੀਆਂ ਤੇ ਸਰੋਤਿਆਂ ਦਾ ਧੰਨਵਾਦ ਕੀਤਾ। ਸਮਾਗਮ ਦੀ ਦੇਖ-ਰੇਖ ਸਾਬਕਾ ਮੈਨੇਜਰ ਊਧਮ ਸਿੰਘ, ਪ੍ਰੋ. ਸੁਖਵਿੰਦਰ ਸਿੰਘ ਢਿੱਲੋਂ ਤੇ ਅਮਰਬੀਰ ਸਿੰਘ ਚੀਮਾ ਨੇ ਕੀਤੀ। ਇਸ ਮੌਕੇ ਪੰਜਾਬ ਸਕੂਲ ਸਿੱਖਿਆ ਬੋਰਡ ਦੇ ਡਿਪਟੀ ਡਾਇਰੈਕਟਰ ਰਾਮਿੰਦਰਜੀਤ ਸਿੰਘ ਵਾਸੂ, ਭੂਟਵਾੜਾ ਵੈਲਫੇਅਰ ਫਾਊਂਡੇਸ਼ਨ ਤੋਂ ਕੁਲਦੀਪ ਸਿੰਘ ਸਨੌਰ ਤੇ ਡਾ. ਆਸ਼ਾ ਕਿਰਨ, ਮਲਿਕਾ ਰਾਣੀ, ਡਾ. ਗੁਰਮੀਤ ਸਿੰਘ, ਪਰਮਿੰਦਰ ਕੌਰ, ਹਰਜੀਤ ਕੌਰ, ਸਾਨੀਪੁਰ ਤੋਂ ਬੀਬਾ ਹਰਲੀਨ ਕੌਰ ਦੇ ਮਾਤਾ- ਪਿਤਾ ਗੁਰਿੰਦਰ ਕੌਰ ਕੁਲਵਿੰਦਰ ਸਿੰਘ, ਭਰਾ ਕਾਕਾ ਰਮਣੀਕ ਸਿੰਘ ਤੇ ਜਸਵੀਰ ਕੌਰ ਜੱਸੀ ਸਮੇਤ ਪਰਿਵਾਰਕ ਮੈਂਬਰ, ਕੁਲਜੀਤ ਸਿੰਘ ਬਾਠ , ਭਜਨ ਸਿੰਘ ਹਰਗਣਾ,ਰਾਜ‌ ਕੌਰ ,ਸਿਮਰਨ ਕੌਰ , ਬਲਵਿੰਦਰ ਸਿੰਘ ਸੋਹੀ, ਪਿੰਡ ਸੈਂਪਲੀ ਤੋਂ ਬੀਬੀ ਰਵਿੰਦਰ ਕੌਰ, ਸਿੰਮੀ ਤੇ ਪਰਵੀਨ ਕੌਰ ਆਪਣੀ ਪੂਰੀ ਟੀਮ ਨਾਲ ਸ਼ਾਮਲ ਹੋਏ।