ਏਜੰਸੀਆਂ
ਬਾਗਲਕੋਟ (ਕਰਨਾਟਕ), 3 ਮਈ : ਕਰਨਾਟਕ ਦੇ ਮੁੱਖ ਮੰਤਰੀ ਸਿੱਧਰਮਈਆ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਹਸਨ ਲੋਕ ਸਭਾ ਸੀਟ ਤੋਂ ਜਨਤਾ ਦਲ (ਐਸ)-ਭਾਜਪਾ ਗਠਜੋੜ ਦੇ ਉਮੀਦਵਾਰ ਪ੍ਰਜਵਲ ਰੇਵੰਨਾ ਵਿਰੁੱਧ ਬਲਾਤਕਾਰ ਦਾ ਮਾਮਲਾ ਦਰਜ ਕੀਤਾ ਗਿਆ ਹੈ।
ਪੁਲਿਸ ਨੇ ਕਿਹਾ ਕਿ ਇਹ ਕੇਸ ਪੀੜਤਾਂ ਦੇ 20 ਸਾਲਾ ਪੁੱਤਰ ਦੀ ਸ਼ਿਕਾਇਤ ਦੇ ਆਧਾਰ ’ਤੇ ਦਰਜ ਕੀਤਾ ਗਿਆ ਸੀ, ਜਿਸ ਨੇ ਇਹ ਸ਼ਿਕਾਇਤ ਕੀਤੀ ਸੀ ਕਿ ਉਸ ਦੀ ਮਾਂ ਨੂੰ ਪ੍ਰਜਵਲ ਦੇ ਪਿਤਾ ਅਤੇ ਜਨਤਾ ਦਲ (ਐਸ) ਦੇ ਵਿਧਾਇਕ ਐਚਡੀ ਰੇਵੰਨਾ ਅਤੇ ਉਸ ਦੇ ਵਿਸ਼ਵਾਸਪਾਤਰ ਸਤੀਸ਼ ਬਬੰਨਾ ਨੇ ਅਗਵਾ ਕੀਤਾ ਸੀ। ਉਨ੍ਹਾਂ ਨੇ ਦੋ ਵੱਖ-ਵੱਖ ਕੇਸ ਦਰਜ ਕਰਵਾਏ ਹਨ।
ਪੁਲਿਸ ਨੇ ਦੱਸਿਆ ਕਿ ਮਾਮਲੇ ਦੀ ਪੀੜਤਾ, ਜੋ ਤਿੰਨ ਬੱਚਿਆਂ ਦੀ ਮਾਂ ਹੈ, ਨੂੰ ਹੋਲੇਨਰਸੀਪੁਰਾ ਦੇ ਵਿਧਾਇਕ ਐਚਡੀ ਰੇਵੰਨਾ ਅਤੇ ਬਬੰਨਾ ਨੇ ਮੈਸੂਰ ਜ਼ਿਲੇ ਦੇ ਕ੍ਰਿਸ਼ਨਾਰਾਜ ਨਗਰ ਕਸਬੇ ਵਿੱਚ ਉਸਦੇ ਘਰ ਤੋਂ ਕਥਿਤ ਤੌਰ ’ਤੇ ਅਗਵਾ ਕਰ ਲਿਆ ਸੀ। ਸਿੱਧਰਮਈਆ ਨੇ ਕਿਹਾ ਕਿ ਉਨ੍ਹਾਂ ਨੇ ਪੁਲਿਸ ਨੂੰ ਪੀੜਤਾ ਦੀ ਪਛਾਣ ਕਰਨ, ਉਸ ਦਾ ਪਤਾ ਲਗਾਉਣ ਅਤੇ ਸੁਰੱਖਿਆ ਯਕੀਨੀ ਬਣਾਉਣ ਦੇ ਨਿਰਦੇਸ਼ ਦਿੱਤੇ ਹਨ।
ਪੁਲਿਸ ਨੇ ਦੱਸਿਆ ਕਿ ਸ਼ਿਕਾਇਤਕਰਤਾ ਨੇ ਪੁਲਿਸ ਨੂੰ ਦੱਸਿਆ ਕਿ ਕੁਝ ਵੀਡੀਓ ਵਿੱਚ ਦਿਖਾਇਆ ਗਿਆ ਹੈ ਕਿ ਉਸਦੀ ਮਾਂ ਨੂੰ ਪ੍ਰਜਵਲ ਰੇਵੰਨਾ ਦੁਆਰਾ ਕਥਿਤ ਤੌਰ ’ਤੇ ਬੰਨਿ੍ਹਆ ਗਿਆ ਸੀ ਅਤੇ ਬਲਾਤਕਾਰ ਕੀਤਾ ਗਿਆ ਸੀ। ਇੱਕ ਪੁਲਿਸ ਸੂਤਰ ਨੇ ਦੱਸਿਆ ਕਿ ਪੁਲਿਸ ਨੇ ਸਤੀਸ਼ ਬਬੰਨਾ ਨੂੰ ਗਿ੍ਰਫ਼ਤਾਰ ਕਰ ਲਿਆ ਹੈ ਅਤੇ ਮਾਮਲੇ ਦੇ ਸਬੰਧ ਵਿੱਚ ਉਸ ਤੋਂ ਪੁੱਛਗਿੱਛ ਕਰ ਰਹੀ ਹੈ।
ਦੱਸਣਾ ਬਣਦਾ ਹੈ ਕਿ ਐਚਡੀ ਰੇਵੰਨਾ ਸਾਬਕਾ ਪ੍ਰਧਾਨ ਮੰਤਰੀ ਅਤੇ ਜੇਡੀ(ਐਸ) ਦੇ ਮੁਖੀ ਐਚਡੀ ਦੇਵਗੌੜਾ ਦਾ ਪੁੱਤਰ ਹੈ। ਮੁੱਖ ਮੰਤਰੀ ਨੇ ਕਿਹਾ ਕਿ ਭਾਜਪਾ ਨੇ ਪ੍ਰਜਵਲ ਰੇਵੰਨਾ ਮੁੱਦੇ ’ਤੇ ਗਲਤੀ ਕੀਤੀ ਹੈ। “ਭਾਜਪਾ ਅਤੇ ਜੇਡੀ(ਐਸ) ਦੋਵੇਂ ਪ੍ਰਜਵਲ ਰੇਵੰਨਾ ਦੇ ਵੀਡੀਓ ਬਾਰੇ ਜਾਣਦੇ ਸਨ। ”ਸਿਧਾਰਮਈਆ ਨੇ ਕਿਹਾ ਕਿ ਪ੍ਰਜਵਲ ਰੇਵੰਨਾ ਦਾ ਮਾਮਲਾ ਸਿਰਫ਼ ਜਿਨਸੀ ਸ਼ੋਸ਼ਣ ਦਾ ਨਹੀਂ ਹੈ, ਉਸ ਨੇ ਔਰਤਾਂ ਨਾਲ ਬਲਾਤਕਾਰ ਕੀਤਾ ਹੈ। ਉਸ ਦੇ ਖਿਲਾਫ਼ ਬਲਾਤਕਾਰ ਦਾ ਮਾਮਲਾ ਦਰਜ ਕੀਤਾ ਗਿਆ ਹੈ।