40 ਦੇ ਕਰੀਬ ਮਰੀਜ ਸਿਵਲ ਹਸਪਤਾਲ ਵਿਖੇ ਦਾਖਿਲ, ਇੱਕ ਮਰੀਜ ਨੂੰ 32 ਚੰਡੀਗੜ੍ਹ ਨੂੰ ਕੀਤਾ ਰੈਫਰ
ਸ੍ਰੀ ਅਨੰਦਪੁਰ ਸਾਹਿਬ,17 ਸਤੰਬਰ (ਤਰਲੋਚਨ ਸਿੰਘ) : ਗੁਰੂ ਨਗਰੀ ਅਤੇ ਇਸ ਦੇ ਪਾਸ ਦੇ ਖੇਤਰਾਂ ਵਿੱਚ ਡੇੰਗੂ ਬੁਖਾਰ ਦਾ ਕਹਿਰ ਲਗਾਤਾਰ ਜਾ ਰਹੀ ਹੈ। ਪਿਛਲੇ ਕਈ ਦਿਨਾਂ ਤੋਂ ਵੱਡੀ ਗਿਣਤੀ 'ਚ ਡੇੰਗੂ ਬੁਖਾਰ ਦੇ ਮਰੀਜ ਸਥਾਨਕ ਭਾਈ ਜੈਤਾ ਜੀ ਸਿਵਲ ਹਸਪਤਾਲ ਅਤੇ ਪ੍ਰਾਈਵੇਟ ਹਸਪਤਾਲਾਂ 'ਚ ਦ?ਾਖਿਲ ਹੋ ਰਹੇ ਹਨ। ਅੱਜ ਸਿਵਲ ਹਸਪਤਾਲ ਦੇ ਡਾਕਟਰਾਂ ਵੱਲੋਂ ਜੇਰੇ ਇਲਾਜ ਦੋ ਸਕੇ ਭਰਾਵਾਂ 'ਚੋ ਇੱਕ ਨੂੰ ਚੰਡੀਗੜ੍ਹ ਦੇ 32 ਸੈਕਟਰ ਦੇ ਸਿਵਲ ਹਸਪਤਾਲ ਲਈ ਰੈਫਰ ਕੀਤਾ ਗਿਆ। ਦੱਸਣਯੋਗ ਹੈ ਕਿ ਨਜ਼ਦੀਕੀ ਪਿੰਡ ਦੇ ਵਾਸੀ ਦੋ ਸਕੇ ਭਰਾ ਸੰਜੀਵ ਪੁਰੀ ਅਤੇ ਨੰਦਲਾਲ ਪੁਰੀ ਜੋ ਪਿਛਲੇ ਕਈ ਦਿਨਾਂ ਤੋਂ ਸਿਵਲ ਹਸਪਤਾਲ ਵਿਖੇ ਜੇਰੇ ਇਲਾਜ ਸਨ ਦੇ ਭਤੀਜੇ ਸੁਮਿਤ ਪੁਰੀ ਨੇ ਦੱਸਿਆ ਕਿ ਸੰਜੀਵ ਪੁਰੀ ਦੇ ਸੈਲ ਕੱਟ ਜਾਣ ਕਾਰਨ ਉਨ੍ਹਾ ਨੂੰ ਸਿਵਲ ਹਸਪਤਾਲ 32 ਚੰਡੀਗੜ੍ਹ ਲਈ ਰੈਫਰ ਕਰ ਦਿੱਤਾ ਗਿਆ ਜਦੋਂ ਕਿ ਨੰਦਲਾਲ ਪੁਰੀ ਆਪਣੀ ਮਰਜੀ ਨਾਲ ਇਲਾਜ ਲਈ ਸੋਹਾਨਾ ਵਿਖੇ ਚਲਾ ਗਏ ਹਨ। ਇੱਕ ਨਿੱਜੀ ਲੈਬ ਦੇ ਮਾਲਕ ਨੇ ਆਪਣਾ ਨਾਮ ਨਾ ਛਾਪਣ ਦੀ ਸੂਰਤ 'ਚ ਦੱਸਿਆ ਕਿ ਰੋਜਾਨਾ ਉਨਾਂ ਦੀ ਲੈਬ 'ਚ ਪੜਤਾਲ ਕਰਨ ਉਪਰੰਤ 15 ਤੋ 20 ਮਰੀਜ਼ ਡੇਂਗੂ ਬੁਖਾਰ ਨਾਲ ਪੀੜਤ ਪਾਏ ਜਾਂਦੇ ਹਨ ਜਦੋਂ ਕਿ ਗੁਰੂ ਨਗਰੀ ਵਿਖੇ 10 ਤੋਂ 12 ਲੈਬ ਹਨ ਜਿਨ੍ਹਾਂ 'ਚ ਮਰੀਜਾਂ ਦੀ ਜਾਂਚ ਕੀਤੀ ਜਾਂਦੀ ਹੈ। ਇਸ ਸਬੰਧੀ ਜਦੋਂ ਭਾਈ ਜੈਤਾ ਜੀ ਸਿਵਲ ਹਸਪਤਾਲ ਦੇ ਸੀਨੀਅਰ ਮੈਡੀਕਲ ਅਫਸਰ ਡਾ.ਚਰਨਜੀਤ ਕੂਮਾਰ ਅਤੇ ਡਾ.ਰਣਬੀਰ ਸਿੰਘ ਨੇ ਦੱਸਿਆ ਕਿ ਪਿਛਲੇ ਕਈ ਦਿਨਾਂ ਤੋਂ ਵੱਡੀ ਗਿਣਤੀ 'ਚ ਬੁਖਾਰ ਦੇ ਮਰੀਜ਼ ਆ ਰਹੇ ਹਨ ਜਿਨ੍ਹਾਂ 'ਚੋ ਵੱਡੀ ਗਿਣਤੀ ਮਰੀਜ ਹਸਪਤਾਲ ਵਿਖੇ ਜੇਰੇ ਇਲਾਜ ਹਨ ਜਿਨਾਂ ਦਾ ਇਲਾਜ ਕੀਤਾ ਜਾ ਰਿਹਾ ਹੈ। ਅੱਜ 35 ਤੋਂ 40 ਮਰੀਜ਼ ਦਾਖਿਲ ਹੋਏ ਹਨ ਜਿਨਾਂ 'ਚੋ ਇੱਕ ਨੂੰ ਚੰਡੀਗੜ੍ਹ ਲਈ ਰੈਫਰ ਕੀਤਾ ਗਿਆ ਹੈ।