ਮਹਿਕਮਾ ਬਿਜਲੀ ਚਿੱਪ ਵਾਲੇ ਮੀਟਰ ਲਗਾਉਣ ਤੋਂ ਗੁਰੇਜ਼ ਕਰੇ --ਰੰਡਿਆਲਾ

ਜੀਤਾ ਸਿੰਘ ਨਾਰੰਗ 19 ਸਤੰਬਰ

ਹਲਕਾ ਧਰਮਕੋਟ ਵਿੱਚ ਪੈਂਦੇ ਪਿੰਡ ਦਾਤੇਵਾਲ ਦੇ 14 ਬਿਜਲੀ ਖਪਤਕਾਰ ਕਿਸਾਨਾ ਨੇ ਇੱਕ ਲਿਖਤੀ ਪੱਤਰ ਰਾਹੀਂ ਬੀਕੇਯੂ ਬਹਿਰਾਮਕੇ ਦੇ ਆਗੂਆਂ ਦੇ ਧਿਆਨ ਵਿਚ ਇਹ ਲਿਆਂਦਾ ਕਿ ਪਿਛਲੇ ਦਿਨੀ ਬਿਜਲੀ ਅਧਿਕਾਰੀਆਂ/ਕਰਮਚਾਰੀਆਂ ਨੇ ਘਰਾਂ ਤੋਂ ਬਾਹਰ ਲੱਗੇ ਅਲੱਗ -ਅਲੱਗ ਮੀਟਰ ਬਕਸਿਆਂ ਵਿਚ ਸਾਨੂੰ ਖਪਤਕਾਰਾਂ ਨੂੰ ਪੁੱਛੇ ਬਿਨਾਂ ਹੀ ਚਿੱਪ ਵਾਲੇ ਮੀਟਰ ਲਗਾ ਦਿੱਤੇ ਗਏ ਹਨ। ਇਸ ਸਬੰਧੀ ਜਥੇਬੰਦੀ ਨੇ ਤੁਰੰਤ ਹਰਕਤ ਵਿਚ ਆਉਂਦਿਆ ਇੱਕ ਵਿਸ਼ੇਸ਼ ਹੰਗਾਮੀ ਮੀਟਿੰਗ ਸੂਬਾ ਪ੍ਰਧਾਨ ਬਲਵੰਤ ਸਿੰਘ ਬਹਿਰਾਮਕ ਦੀ ਪ੍ਰਧਾਨਗੀ ਹੇਠ ਬੁਲਾਕੇ ਸਰਬਸੰਮਤੀ ਨਾਲ ਮਤਾ ਪਾਸ ਕਰਦਿਆਂ ਜਿਨ੍ਹਾਂ ਨਾਲ ਇਸ ਸਮੇਂ ਜਿਲਾ ਪ੍ਰਧਾਨ ਮੋਗਾ ਜਗਰੂਪ ਸਿੰਘ ਰੰਡਿਆਲਾ,ਇਕਬਾਲ ਸਿੰਘ ਦਾਤੇਵਾਲ ਬਲਾਕ ਮੀਤ ਪ੍ਰਧਾਨ ਵੀ ਸਨ। ਪਿੰਡ ਦਾਤੇਵਾਲ ਦੇ ਖਪਤਕਾਰ ਕਿਸਾਨਾ ਦੀ ਹਾਜਰੀ ਵਿੱਚ 14 ਘਰੇਲੂ ਚਿੱਪ ਵਾਲੇ ਮੀਟਰ ਉਤਾਰ ਕੇ ਸਬੰਧਤ ਐਸ.ਡੀ. ਉ ਕੋਟ ਈਸੇ ਖਾਂ ਨੂੰ ਸਪੁਰਦ ਕਰ ਦਿਤੇ ਗਏ। ਉਹਨਾਂ ਐਸਡੀਓ ਨੂੰ ਮੰਗ ਪੱਤਰ ਸੌਂਪਦੇ ਹੋਏ ਕਿਹਾ ਕਿ ਕਿਸਾਨ ਅੰਦੋਲਨ ਦੌਰਾਨ ਐਸ ਕੇ ਐਮ ਵਲੋਂ ਲਏ ਗਏ ਸਖਤ ਫੈਸਲੇ ਅਨੁਸਾਰ ਇਹ ਚਿੱਪ ਸਿਸਟਮ ਵਾਲੇ ਮੀਟਰ ਕਿਸੇ ਵੀ ਕੀਮਤ ਤੇ ਨਹੀ ਲੱਗਣ ਦਿੱਤੇ ਜਾਣਗੇ। ਉਹਨਾਂ ਇਹ ਵੀ ਕਿਹਾ ਕਿ ਪਤਾ ਲੱਗਿਆ ਹੈ ਕਿ ਸਥਾਨਕ ਬਿਜਲੀ ਦਫਤਰ ਦੇ ਇੱਕ ਜੇ ਈ ਦਾ ਕੰਮਕਾਰ ਕਰਵਾਉਣ ਆਉਦੇ ਖਪਤਕਾਰਾਂ ਪ੍ਰਤੀ ਵਤੀਰਾ ਠੀਕ ਨਹੀ ਹੈ ਕਿਉਂਕਿ ਉਹ ਬੁਰਾਭਲਾ ਵੀ ਬੋਲਦਾ ਹੈ ਤੇ ਰਿਸਵਤ ਦੀ ਮੰਗ ਵੀ ਕਰਦਾ ਰਹਿੰਦਾ ਹੈ । ਉਹਨਾਂ ਕਿਹਾ ਕਿ ਜੇਕਰ ਸਬੰਧਤ ਜੇ ਈ ਆਪਣੇ ਇਹਨਾਂ ਕਾਰਨਾਮਿਆਂ ਤੋਂ ਬਾਜ ਨਾਂ ਆਇਆ ਤਾ ਸਾਰਾ ਕੁਝ ਜਨਤਕ ਕੀਤਾ ਜਾਏਗਾ ਜਿਸਦੇ ਗੰਭੀਰ ਸਿੱਟੇ ਨਿਕਲਣਗੇ। ਇਸ ਮੌਕੇ ਕੁਲਦੀਪ ਸਿੰਘ, ਗੁਰਪ੍ਰੀਤ ਸਿੰਘ, ਗੁਰਜੀਤ ਸਿੰਘ, ਭੁਪਿੰਦਰ ਸਿੰਘ, ਹਰਫੂਲ ਸਿੰਘ, ਦਲਜੀਤ ਸਿੰਘ, ਤੇਜਪਾਲ ਸਿੰਘ, ਜਸਵਿੰਦਰ ਸਿੰਘ ਆਦਿ ਆਗੂ ਤੇ ਕਿਸਾਨ ਹਾਜਰ ਸਨ।