ਰਾਜਿੰਦਰ ਸਿੰਘ ਚਾਨੀ ਪ੍ਰਧਾਨ ਰੋਟਰੀ ਗ੍ਰੇਟਰ ਨੇ ਰਾਸ਼ਟਰੀ ਮੀਟਿੰਗ ਵਿੱਚ ਭਾਗ ਲਿਆ

ਆਗਰਾ ਵਿਖੇ 350 ਡੈਲੀਗੇਟ ਭਾਰਤ ਦੇ ਵੱਖ ਵੱਖ ਰਾਜਾਂ ਤੋਂ ਪਹੁੰਚੇ
ਰੋਟਰੀ ਇੰਟਰਨੈਸ਼ਨਲ ਵੱਲੋਂ ਰੋਟਰੀ ਕਾਰਜਾਂ ਦਾ ਲੋਕਾਂ ਤੱਕ ਸੁਨੇਹਾ ਪਹੁੰਚਾਉਣ ਲਈ ਆਧੁਨਿਕ ਤਕਨਾਲੋਜੀ ਅਤੇ ਸ਼ੋਸ਼ਲ ਨੈਟਵਰਕਿੰਗ ਸਮੇਂ ਦੀ ਲੋੜ - ਰਾਜਿੰਦਰ ਸਿੰਘ ਚਾਨੀ ਪ੍ਰਧਾਨ ਰੋਟਰੀ ਕਲੱਬ ਰਾਜਪੁਰਾ ਗ੍ਰੇਟਰ

ਰਾਜਪੁਰਾ, 3 ਅਕਤੂਬਰ  :  ਰੋਟਰੀ ਇੰਟਰਨੈਸ਼ਨਲ ਦੇ ਜ਼ੋਨ 4 ਦੀ ਆਗਰਾ ਵਿਖੇ ਕਰਵਾਈ ਗਈ ਤਿੰਨ ਦਿਨਾਂ ਮੈਂਬਰਸ਼ਿਪ ਮੀਟਿੰਗ ਵਿੱਚ ਰਾਜਿੰਦਰ ਸਿੰਘ ਚਾਨੀ ਪ੍ਰਧਾਨ ਰੋਟਰੀ ਕਲੱਬ ਰਾਜਪੁਰਾ ਗ੍ਰੇਟਰ ਨੇ ਹਿੱਸਾ ਲਿਆ। ਇਹ ਮੀਟਿੰਗ ਕਮ ਕਨਕਲੇਵ ਆਗਰਾ ਦੇ ਜੇਪੀ ਹੋਟਲ ਅਤੇ ਕਨਵੈਨਸ਼ਨ ਸੈਂਟਰ ਵਿਖੇ ਟੀ ਐਨ ਸੁਬਰਾਮਨੀਅਮ ਰਾਜੂ ਰੋਟਰੀ ਇੰਟਰਨੈਸ਼ਨਲ ਡਾਇਰੈਕਟਰ ਜੋਨ 4 ਦੀ ਅਗਵਾਈ ਹੇਠ ਰੋਟਰੀ ਕਲੱਬ ਭਿਵਾੜੀ ਡਿਸਟ੍ਰਿਕਟ 3053 ਦੀ ਮੇਜਬਾਨੀ ਵਿੱਚ ਹੋਈ।
ਇਸ ਮੀਟਿੰਗ ਦੌਰਾਨ ਵੱਖ-ਵੱਖ ਸ਼ੈਸ਼ਨ ਹੋਏ ਅਤੇ ਰਾਜਿੰਦਰ ਸਿੰਘ ਚਾਨੀ ਨੇ ਆਪਣੇ ਸੰਬੋਧਨ ਵਿੱਚ ਕਿਹਾ ਕਿ ਮੌਜੂਦਾ ਸਮਾਂ ਈ-ਤਕਨਾਲੋਜੀ ਅਤੇ ਸਮਾਰਟ ਕਾਰਜਾਂ ਦਾ ਸਮਾਂ ਹੈ। ਦੇਸ਼ ਦੇ ਨਾਗਰਿਕਾਂ ਨੂੰ ਰੋਟਰੀ ਦੇ ਸਮਾਜ ਸੇਵੀ ਕਾਰਜਾਂ ਦੀ ਜਾਣਕਾਰੀ ਦੇਣ ਅਤੇ ਇਲਾਕੇ ਦੀਆਂ ਸਤਿਕਾਰਤ ਸ਼ਖਸ਼ੀਅਤਾਂ ਨੂੰ ਰੋਟਰੀ ਸੇਵਾ ਕਾਰਜਾਂ ਨਾਲ ਜੋੜਣ ਲਈ ਮਲਟੀਮੀਡੀਆ ਤਕਨੀਕ ਦੀ ਵਰਤੋਂ ਕਰਕੇ ਸ਼ੋਸ਼ਲ ਨੈਟਵਰਕਿੰਗ ਮੀਡੀਆ ਦੀ ਸੁਚੱਜੀ ਵਰਤੋਂ ਕੀਤੀ ਜਾ ਸਕਦੀ ਹੈ।

ਇਸ ਨਾਲ ਜਿੱਥੇ ਪ੍ਰਿੰਟਿੰਗ ਦਾ ਵਾਧੂ ਖਰਚਾ ਬਚੇਗਾ ਉੱਥੇ ਦਰਖਤਾਂ ਦੀ ਕਟਾਈ ਵੀ ਘਟੇਗੀ। ਉਹਨਾਂ ਕਿਹਾ ਕਿ ਰੋਟਰੀ ਕਲੱਬ ਰਾਜਪੁਰਾ ਗ੍ਰੇਟਰ ਵੱਲੋਂ 1 ਜੁਲਾਈ ਤੋਂ ਵੈਬਸਾਈਟ ਤੇ ਕੰਮ ਸ਼ੁਰੂ ਕਰ ਦਿੱਤਾ ਗਿਆ ਸੀ ਜਿਸਦੀ ਲਾਂਚਿੰਗ ਰਾਜਪੁਰਾ ਦੀ ਵਿਧਾਇਕਾ ਰੋਟੇਰੀਅਨ ਨੀਨਾ ਮਿੱਤਲ ਵੱਲੋਂ ਕੀਤੀ ਗਈ ਸੀ। ਇਸ ਨਾਲ ਪੇਪਰ ਦੀ ਵਰਤੋਂ ਘਟੀ ਹੈ ਅਤੇ ਮੀਟਿੰਗ ਸੁਨੇਹੇ ਵੀ ਸਾਇਟ ਤੇ ਫਲੈਸ਼ ਹੁੰਦੇ ਰਹਿੰਦੇ ਹਨ। ਇਸਦੇ ਨਾਲ ਹੀ ਸ਼ੋਸ਼ਲ ਨੈਟਵਰਕਿੰਗ ਸਾਇਟ ਜਿਵੇਂ ਕਿ ਫੇਸਬੁੱਕ ਆਦਿ ਨੂੰ ਵੀ ਲਿੰਕ ਕਰ ਕੇ ਰੋਟਰੀ ਕਲੱਬ ਰਾਜਪੁਰਾ ਗ੍ਰੇਟਰ ਦੀਆਂ ਗਤੀਵਿਧੀਆਂ ਆਮ ਅਤੇ ਖਾਸ ਲੋਕਾਂ ਤੱਕ ਪਹੁੰਚ ਰਹੀਆਂ ਹਨ।