ਚੰਡੀਗੜ੍ਹ, 25 ਨਵੰਬਰ :
ਚੰਡੀਗੜ੍ਹ ਪ੍ਰਸ਼ਾਸਨ ਤੇ ਅਜੀਬ ਭੂਤ ਸਵਾਰ ਹੈ ਅਜਕਲ, ਰੋਜ਼ ਨਿਵੇਕਲੇ ਫੈਸਲੇ ਅਤੇ ਰੋਜ਼ ਯੂ ਟਰਨ। ਦੀਵਾਲੀ ਦੇ ਮੌਕੇ ਉੱਤੇ ਪ੍ਰਸ਼ਾਸਨ ਨੇ ਪਟਾਖੇ ਵੇਚਣ, ਖਰੀਦਣ ਅਤੇ ਚਲਾਉਣ ਦੀ ਇਜ਼ਾਜਤ ਦਿੱਤੀ ਸੀ, ਉਸੇ ਦਿਨ ਗੁਰੂ ਨਾਨਕ ਦੇਵ ਜੀ ਦੇ ਗੁਰਪੁਰਬ ਤੇ ਵੀ ਪਟਾਖੇ ਚਲਾਉਣ ਦੀ ਇਜ਼ਾਜਤ ਦਿੱਤੀ ਗਈ ਸੀ। ਪਟਾਖੇ ਵੇਚਣ ਦੀ ਇਜ਼ਾਜਤ ਸਿਰਫ ਦੀਵਾਲੀ ਤਕ ਹੀ ਦਿੱਤੀ। ਹੁਣ ਗੁਰਪੁਰਬ ਤੇ ਪਟਾਖੇ ਚਲਾਉਣ ਦੀ ਇਜ਼ਾਜਤ ਤਾਂ ਹੈ ਪਰ ਵੇਚਣ ਤਾਂ ਖਰੀਦਣ ਦੀ ਨਹੀਂ। ਕੁਛ ਸਿੱਖ ਸੰਸਥਾਵਾਂ ਨਾਲ ਗੱਲ ਕੀਤੀ ਤਾਂ ਉਹਨਾਂ ਨੇ ਕਿਹਾ ਕਿ ਇਹ ਪ੍ਰਸ਼ਾਸਨ ਦਾ ਕਿ ਬੇਤੁਕਾ ਫੈਸਲਾ ਹੈ, ਪਹਿਲਾਂ ਤਾਂ ਹਰ ਸਾਲ ਦੀਵਾਲੀ ਦੇ ਨਾਲ ਨਾਲ ਗੁਰਪੁਰਬ ਤੇ ਵੀ ਪਟਾਖੇ ਵੇਚਣ ਤੇ ਖਰੀਦਣ ਦੀ ਇਜ਼ਾਜਤ ਹੁੰਦੀ ਸੀ , ਇਸ ਵਾਰ ਪ੍ਰਸ਼ਾਸਨ ਨੂੰ ਕਿ ਸਮੱਸਿਆ ਹੋ ਗਈ। ਦੀਵਾਲੀ ਵਾਂਗ ਹੀ ਗੁਰਪੁਰਬ ਵੀ ਏਕ ਵੱਡਾ ਤਿਉਹਾਰ ਹੈ ਅਤੇ ਦੀਵਾਲੀ ਵਾਂਗ ਆਤਿਸ਼ਬਾਜ਼ੀ ਵੀ ਚਲਾਈ ਜਾਂਦੀ ਹੈ। ਪਰ ਲਗਦਾ ਹੈ ਪ੍ਰਸ਼ਾਸਨ ਦੇ ਅੜੀਅਲ ਰਵਈਏ ਕਾਰਨ ਚੰਡੀਗੜ੍ਹ ਵਿੱਚ ਇਸ ਸਾਲ ਇਹ ਧਾਰਮਿਕ ਉਤਸਵ ਫਿੱਕਾ ਹੀ ਰਹੂਗਾ।