ਕਾਫ਼ੀ ਗਿਣਤੀ ਬੂਟੇ ਬਰਾਮਦ
ਡੱਬਵਾਲੀ, 1 ਮਾਰਚ (ਇਕਬਾਲ ਸਿੰਘ ਸ਼ਾਂਤ) : ਪਿੰਡ ਮਾਂਗੇਆਣਾ ਵਿਖੇ ਇੱਕ ਨੋਹਰੇ ਵਿੱਚ ਅਫੀਮ ਦੀ ਖੇਤੀ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਸੀਆਇਏ ਸਟਾਫ ਨੇ ਛਾਪੇਮਾਰੀ ਕਰਕੇ ਕਾਫੀ ਗਿਣਤੀ ਵਿੱਚ ਉਗਾਏ ਅਫੀਮ ਦੇ ਬੂਟੇ ਬਰਾਮਦ ਕੀਤੇ ਹਨ। ਜਿਨ੍ਹਾਂ ਦੇ ਉੱਪਰ ਹਰੇ ਰੰਗ ਦੇ ਡੋਡੇ ਵੀ ਉੱਗੇ ਹੋਏ ਸਨ। ਇਸ ਮਾਮਲੇ ’ਚ ਥਾਣਾ ਸਦਰ ਡੱਬਵਾਲੀ ’ਚ ਇੱਕ ਬਜ਼ੁਰਗ ਵਿਅਕਤੀ ਦਰਸ਼ਨ ਸਿੰਘ ਦੇ ਖਿਲਾਫ਼ ਮੁਕੱਦਮਾ ਦਰਜ ਕੀਤਾ ਗਿਆ ਹੈ। ਸੀਆਈਏ ਕਾਲਾਂਵਾਲੀ ਨੂੰ ਮੁਖ਼ਬਰੀ ਮਿਲੀ ਸੀ ਕਿ ਮਾਂਗੇਆਣਾ ’ਚ ਦਰਸ਼ਨ ਸਿੰਘ ਨਾਮਕ ਵਿਅਕਤੀ ਪੋਸਤ ਦਾ ਨਸ਼ਾ ਕਰਦਾ ਹੈ। ਉਸਨੇ ਘਰ ਦੇ ਨਾਲ ਲੱਗਦੇ ਨੋਹਰੇ ਵਿੱਚ ਅਫੀਮ ਦੀ ਖੇਤੀ ਕਰ ਰੱਖੀ ਹੈ। ਸੀਆਈਏ ਵੱਲੋਂ ਬੀ.ਈ.ਓ. ਲਛਮਣ ਦਾਸ ਦੇ ਨਾਲ ਛਾਪੇਮਾਰੀ ਕੀਤੀ। ਜਿਸ ਵਿੱਚ ਖੁਲਾਸਾ ਹੋਇਆ ਕਿ ਦਰਸ਼ਨ ਸਿੰਘ ਨੇ ਨੋਹਰੇ ਵਿੰਚ ਕਰੀਬ 5 ਫੁੱਟ ਚੌੜੀ ਅਤੇ ਕਰੀਬ 10 ਫੁੱਟ ਲੰਬੀ ਜਗ੍ਹਾ ’ਤੇ ਅਫੀਮ ਦੇ ਬੂਟੇ ਲਗਾ ਰੱਖੇ ਹਨ। ਅਫੀਮ ਦੀ ਖੇਤੀ ਦਾ ਲਾਇਸੰਸ ਮੰਗਣ ’ਤੇ ਦਰਸ਼ਨ ਸਿੰਘ ਨੇ ਉਸਦੇ ਕੋਲ ਕੋਈ ਲਾਇਸੰਸ ਨਾ ਹੋਣ ਦੀ ਗੱਲ ਆਖੀ। ਜਿਸ ’ਤੇ ਸੀਆਈਏ ਨੇ ਉਕਤ ਬੂਟਿਆਂ ਨੂੰ ਜੜ੍ਹ ਤੋਂ ਪੁਟਵਾ ਕੇ ਬਰਾਮਦ ਕਰ ਲਿਆ। ਜਿਨ੍ਹਾਂ ਦਾ ਵਜ਼ਨ ਕਰੀਬ 12 ਕਿੱਲੋ 400 ਗਰਾਮ ਹੈ। ਦਰਸ਼ਨ ਸਿੰਘ ਗ੍ਰਿਫਤਾਰ ਕਰ ਲਿਆ ਗਿਆ ਹੈ।