ਅਮਰਦੀਪ ਕੌਰ
ਖਰੜ, 19 ਮਾਰਚ : ਫਰੈਂਡਜ਼ ਫੌਰਐਵਰ ਵੈਲਫੇਅਰ ਸੋਸਾਇਟੀ (ਰਜਿ) ਦੇ ਪ੍ਰਧਾਨ ਸਰਦਾਰ ਜਸਵਿੰਦਰ ਸਿੰਘ ਨੇ ਦੱਸਿਆ ਕਿ ਸੁਸਾਇਟੀ ਵੱਲੋਂ ਦਸਵਾਂ ਅੱਖਾਂ ਦਾ ਮੁਫਤ ਜਾਂਚ, ਆਪਰੇਸ਼ਨ ਤੇ ਮੈਡੀਕਲ ਕੈਂਪ ਮਿਤੀ 24 ਮਾਰਚ ਐਤਵਾਰ ਨੂੰ ਸਵੇਰੇ 9 ਵਜੇ ਤੋਂ ਦੁਪਹਿਰ 2 ਵਜੇ ਤੱਕ ਲੱਗੇਗਾ । ਇਹ ਕੈਂਪ ਸ੍ਰੀ ਰਾਮ ਭਵਨ, ਦੁਸਹਿਰਾ ਗਰਾਊਂਡ, ਆਰੀਆ ਕਾਲਜ ਰੋਡ, ਖਰੜ ਵਿਖੇ ਲੱਗੇਗਾ । ਇਸ ਕੈਂਪ ਵਿੱਚ ਗਰੇਵਾਲ ਆਈ ਇੰਸਟੀਟਿਊਟ, ਸੈਕਟਰ -9, ਚੰਡੀਗੜ੍ਹ ਦੇ ਮਾਹਿਰ ਡਾਕਟਰ ਸ. ਸਰਤਾਜ ਸਿੰਘ ਗਰੇਵਾਲ ਤੇ ਉਹਨਾਂ ਦੀ ਟੀਮ ਵੱਲੋਂ ਅੱਖਾਂ ਦੀ ਮੁਫਤ ਜਾਂਚ ਕੀਤੀ ਜਾਵੇਗੀ ਅਤੇ ਸਫੈਦ ਮੋਤੀਆ ਬਿੰਦ ਦੇ ਆਪਰੇਸ਼ਨ ਗਰੇਵਾਲ ਅੱਖਾਂ ਦੇ ਹਸਪਤਾਲ ਚੰਡੀਗੜ੍ਹ ਵਿਖੇ ਹੀ ਮੁਫਤ ਕੀਤੇ ਜਾਣਗੇ । ਜਾਣਕਾਰੀ ਸਾਂਝੀ ਕਰਦੇ ਹੋਏ ਜਨਰਲ ਸੈਕਟਰੀ ਸ਼੍ਰੀ ਸਤੀਸ਼ ਕੁਮਾਰ ਨੇ ਦੱਸਿਆ ਕਿ ਮੁਫਤ ਆਪਰੇਸ਼ਨ ਦੇ ਨਾਲ ਨਾਲ ਮਰੀਜ਼ਾਂ ਦੇ ਲੇੰਜ਼ ਦਵਾਈਆਂ ਅਤੇ ਐਨਕਾਂ ਵੀ ਮੁਫਤ ਹੀ ਦਿੱਤੀਆਂ ਜਾਣਗੀਆ। ਇਸ ਤੋਂ ਇਲਾਵਾ ਹੋਲੀ ਬਾਸਿਲ ਹਸਪਤਾਲ ਖਰੜ ਵੱਲੋਂ ਮਾਹਿਰ ਡਾਕਟਰਾਂ ਦੀ ਟੀਮ ਜਿਸ ਵਿੱਚ ਜਨਰਲ ਮੈਡੀਸਨ, ਗਾਇਨੀ, ਬੱਚਿਆਂ ਦੇ ਮਾਹਰ, ਫੀਜੀਓਥਰੇਪੀ ਡਾਇਟੀਸ਼ੀਅਨ ਤੋਂ ਇਲਾਵਾ ਡੈਂਟਲ ਹੋਮਿਓਪੈਥੀ ਤੇ ਨੇਚਰਪੈਥੀ ਦੇ ਮਾਹਿਰ ਡਾਕਟਰ ਸੇਵਾਵਾਂ ਦੇਣਗੇ ਇਸ ਦੌਰਾਨ ਥਾਇਰਾਇਡ, ਬੀਪੀ, ਸ਼ੂਗਰ ਅਤੇ ਕੈਲਿਸਟ੍ਰੋਲ, ਈ.ਸੀ.ਜੀ ਅਤੇ ਨਿਊਰੋਪੈਥੀ ਟੈਸਟ ਮੁਫਤ ਕੀਤੇ ਜਾਣਗੇ । ਇਸ ਕੈਂਪ ਵਿੱਚ ਸੁਹਾਣਾ ਹਸਪਤਾਲ ਵੱਲੋਂ ਆਪਣਾ ਯੋਗਦਾਨ ਦਿੰਦੇ ਹੋਏ 40 ਸਾਲ ਤੋਂ ਵੱਧ ਦੀਆਂ ਔਰਤਾਂ ਦੇ ਛਾਤੀ ਦੇ ਕੈਂਸਰ ਤੋਂ ਰੋਕਥਾਮ ਲਈ ਮੈਮੋਗਰਾਫੀ ਟੈਸਟ ਮੁਫਤ ਕੀਤੇ ਜਾਣਗੇ ਫਰੈਂਡਸ ਫਾਰਐਵਰ ਵੈਲਫੇਅਰ ਸੋਸਾਇਟੀ ਦੇ ਅਹੁਦੇਦਾਰਾਂ ਅਤੇ ਮੈਬਰਾਂ ਵੱਲੋਂ ਅਪੀਲ ਕੀਤੀ ਗਈ ਹੈ ਇਸ ਕੈਂਪ ਦਾ ਵੱਧ ਤੋਂ ਵੱਧ ਲਾਭ ਲਿਆ ਜਾਵੇ ।