ਸੇਵਾਮੁਕਤ ਅਧਿਆਪਕ ਅਤੇ ਦੌੜਾਕ ਸੁਰਿੰਦਰ ਕੁਮਾਰ ਨੇ ਜਲੰਧਰ ਵਿਖੇ ਹੋਈ ਦੋ ਰੋਜਾ ਅਥਲੈਟਿਕਸ ਮੀਟ ‘ਚ ਸੋਨ ਤਮਗਾ ਜਿੱਤਿਆ

 ਹੁਣ ਤੱਕ 24 ਗੋਲਡ ਮੈਡਲ,13 ਸਿਲਵਰ ਅਤੇ 6 ਕਾਂਸ਼ੀ ਦੇ ਤਮਗੇ ਜਿੱਤ

ਤਪਾ ਮੰਡੀ 26 ਮਾਰਚ (ਯਾਦਵਿੰਦਰ ਸਿੰਘ ਤਪਾ) :  ਤਪਾ ਮੰਡੀ ਦੀ ਗਲੀ ਨੰਬਰ 2 ਦੇ ਸੇਵਾਮੁਕਤ ਅਧਿਆਪਕ ਜਿਸ ਨੇ ਲਵਲੀ ਪ੍ਰੋਫੈਸ਼ਨਲ ਯੂਨੀਵਰਸਿਟੀ ਜਲੰਧਰ ਵਿਖੇ ਹੋਈ ਦੋ ਰੋਜਾ ਅਥਲੈਟਿਕਸ ਮੀਟ ‘ਚ 20 ਕਿਲੋਮੀਟਰ ਦੌੜ ‘ਚ ਗੋਲਡ ਮੈਡਲ,ਤਿੰਨ ਕਿਲੋਮੀਟਰ ਵਾਕ ਦੋੜ ‘ਚ ਸਿਲਵਰ ਮੈਡਲ ਅਤੇ ਤਿੰਨ ਕਿਲੋਮੀਟਰ ਦੋੜ ‘ਚ ਕਾਂਸ਼ੀ ਦਾ ਮੈਡਲ ਜਿੱਤਕੇ ਜਿਲਾ ਅਤੇ ਸ਼ਹਿਰ ਤਪਾ ਦਾ ਨਾਮ ਰੋਸ਼ਨ ਕੀਤਾ ਹੈ। ਇਸ ਬਾਰੇ ਦੌੜਾਕ ਅਤੇ ਸੇਵਾਮੁਕਤ 78 ਸਾਲਾ ਅਧਿਆਪਕ ਸੁਰਿੰਦਰ ਕੁਮਾਰ ਨੇ ਦੱਸਿਆ ਕਿ 17 ਮਾਰਚ ਨੂੰ ਬਠਿਡਾ ਹਾਫ ਮੈਰਾਥਨ ਕਲੱਬ ਵੱਲੋਂ ਕਰਵਾਈ ਹਾਫ ਮੈਰਾਥਨ ਦੇ 21 ਕਿਲੋਮੀਟਰ ‘ਚ ਸੋਨੇ ਦਾ ਤਮਗਾ ਤੋਂ ਇਲਾਵਾ 3 ਮਾਰਚ ਨੂੰ ਜੈਤੋ ਵਿਖੇ ਅਥਲੈਟਿਕਸ ਚੈਪੀਅਨਸ਼ਿਪ ਵਿੱਚ ਦੋ ਕਾਂਸ਼ੀ ਦੇ ਤਮਗੇ ਜਿੱਤੇ ਹਨ। ਉਨ੍ਹਾਂ ਦੱਸਿਆ ਕਿ ਉਹ ਹਰਰੋਜ ਦੌੜਨ ਦਾ ਅਭਿਆਸ ਕਰਦੇ ਰਹਿੰਦੇ ਹਨ,ਅਭਿਆਸ ਦੋਰਾਨ ਕੁਝ ਮਹੀਨੇ ਪਹਿਲਾਂ ਉਹ ਵਡੇਰੀ ਉਮਰ ਕਾਰਨ ਡਿੱਗਕੇ ਗੰਭੀਰ ਜਖਮੀ ਹੋ ਗਏ ਸੀ,ਪਰ ਉਨ੍ਹਾਂ ਅਪਣੀ ਹਿੰਮਤ ਨਾ ਛੱਡੀ ਅਤੇ ਲਗਾਤਾਰ ਅਭਿਆਸ ਕਰਨ ਤੋਂ ਬਾਅਦ ਸੂਬੇ ‘ਚ ਹੋ ਰਹੀਆਂ ਅਥਲੈਟਿਕਸ ਮੀਟ ‘ਚ ਬੇਝਿਜਕ ਹੋਕੇ ਭਾਗ ਲੈਂਦੇ ਰਹੇ ਅਤੇ ਉਕਤ ਪੁਜੀਸ਼ਨਾਂ ਹਾਸਲ ਕਰਕੇ ਜਿਲਾ ਬਰਨਾਲਾ ਅਤੇ ਸ਼ਹਿਰ ਤਪਾ ਦਾ ਨਾਂ ਰੋਸ਼ਨ ਕੀਤਾ ਹੈ। ਦੱਸਣਯੋਗ ਹੈ ਕਿ ਉਕਤ ਤੋਂ ਇਲਾਵਾ ਉਨ੍ਹਾਂ ਹੁਣ ਤੱਕ 24 ਗੋਲਡ ਮੈਡਲ,13 ਸਿਲਵਰ ਅਤੇ 6 ਕਾਂਸੀ ਤਮਗੇ ਜਿੱਤ ਚੁੱਕੇ ਹਨ।