ਹਾਕੀ ਖਿਡਾਰਨ ਗੁਣਤਾਸ ਕੌਰ ਸੋਹੀ ਨੇ ਨੈਸ਼ਨਲ ਖੇਡ ਕੇ ਮਾਪਿਆਂ ਤੇ ਇਲਾਕੇ ਦਾ ਨਾਮ ਰੌਸ਼ਨ ਕੀਤਾ

ਅਮਰਗੜ੍ਹ, 29 ਮਾਰਚ (ਸੁਖਵਿੰਦਰ ਨੰਗਲ)  : ਬਾਗੜੀਆਂ ਦੀ ਜੰਮਪਲ ਧੀ ਗੁਣਤਾਸ ਕੌਰ ਸੋਹੀ ਨੇ ਸਾਬਤ ਕਰ ਦਿੱਤਾ ਹੈ ਪਰਿਵਾਰ ਅਤੇ ਸਮਾਜ ਸਹਿਯੋਗ ਦੇਣ ਤਾਂ ਧੀਆਂ ਵੀ ਕਿਸੇ ਤੋਂ ਘੱਟ ਨਹੀਂ ਹਨ ਵੱਖ ਵੱਖ ਖੇਤਰ ਵਿੱਚ ਸਫਲਤਾ ਹਾਸਲ ਕਰ ਸਕਦੀਆਂ ਹਨ। 67 ਵੀਆਂ ਨੈਸ਼ਨਲ ਗੇਮਜ਼ ਅੰਡਰ-17 ਗਰਲਜ਼ ਹਾਕੀ ਦੀਆਂ ਖੇਡਾਂ ਜੋ ਦੱਖਣੀ ਕਰਨਾਟਕ ਦੇ ਕੋਡਾਗੂ ਜ਼ਿਲ੍ਹੇ ਵਿੱਚ ਹੋਈਆਂ ,ਇਸ ਹਾਕੀ ਮੈਚ ਵਿੱਚ ਜ਼ਿਲ੍ਹਾ ਮਾਲੇਰਕੋਟਲਾ ਦੇ ਹਲਕੇ ਅਮਰਗੜ੍ਹ ਤੋਂ ਪਿੰਡ ਬਾਗੜੀਆਂ ਦੀ ਧੀ ਗੁਣਤਾਸ ਕੌਰ ਸੋਹੀ ਨੇ ਸੈਕਿੰਡ ਪੁਜੀਸ਼ਨ ਵਿੱਚ ਸਿਲਵਰ ਮੈਡਲ ਜਿੱਤ ਕੇ ਆਪਣੇ ਪਰਿਵਾਰ, ਪਿੰਡ, ਅਮਰਗੜ੍ਹ ਹਲਕੇ ਤੇ ਜਿਲ੍ਹੇ ਦਾ ਨਾਮ ਨੈਸ਼ਨਲ ਪੱਧਰ ਤੇ ਰੌਸ਼ਨ ਕੀਤਾ । ਅੱਜ ਪਿੰਡ ਬਾਗੜੀਆਂ ਵਿਖੇ ਗੁਣਤਾਸ ਕੌਰ ਸੋਹੀ ਦੇ ਪਿਤਾ ਜਗਦੀਪ ਸਿੰਘ ਸੋਹੀ ਤੇ ਮਾਤਾ ਸਰਬਜੀਤ ਕੌਰ ਸੋਹੀ ਆਪਣੀ ਬੇਟੀ ਦੀ ਜਿੱਤ ਤੇ ਬਹੁਤ ਖ਼ੁਸ਼ ਨਜਰ ਆ ਰਹੇ ਸਨ ਤੇ ਉਨ੍ਹਾ ਦੀ ਖੁਸ਼ੀ ਉਸ ਵੇਲੇ ਦੁੱਗਣੀ ਹੋ ਗਈ ਜਦੋਂ ਓਨ੍ਹਾਂ ਦੀ ਧੀ ਨੂੰ ਪਿ੍ਰੰਸੀਪਲ ਪ੍ਰਮਿੰਦਰ ਕੌਰ ਮੰਡੇਰ ਪਤਨੀ ਹਲਕਾ ਵਿਧਾਇਕ ਜਸਵੰਤ ਸਿੰਘ ਗੱਜਣਮਾਜਰਾ ਤੇ ਪਿੰਡ ਵਾਸੀਆਂ ਨੇ ਵਿਸੇਸ਼ ਤੌਰ ਤੇ ਸਨਮਾਨਿਤ ਕੀਤਾ। ਇਸ ਜਿੱਤ ਦਾ ਸਿਹਰਾ ਬੇਟੀ ਗੁਣਤਾਸ ਕੌਰ ਸੋਹੀ ਨੇ ਆਪਣੇ ਮਾਪਿਆ, ਕੋਚ ਗੋਲਡੀ ਨਾਮਧਾਰੀ, ਕੋਚ ਮਨਦੀਪ ਕੌਰ ਤੇ ਸੀਨਿਅਰ ਕੋਚ ਗੁਰਮਿੰਦਰ ਸਿੰਘਦੀ ਸਖਤ ਮਿਹਨਤ ਦਾ ਨਤੀਜਾ ਹੈ ਇਸ ਸਮੇਂ ਬਲਾਕ ਪ੍ਰਧਾਨ ਪ੍ਰਭਦੀਪ ਸਿੰਘ ਬੱਬਰ, ਅਭਿਜੋਤ ਸਿੰਘ, ਹਰਸੰਗਤ ਸਿੰਘ, ਰਾਮ ਸਿੰਘ ਸੋਹੀ ਕੈਨੇਡਾ, ਦਵਿੰਦਰ ਸਿੰਘ ਸੋਹੀ ਯੂ ਐਸ ਏ , ਪ੍ਰਦਮਨ ਸਿੰਘ, ਰਣਧੀਰ ਸਿੰਘ, ਜਰਨੈਲ ਸਿੰਘ, ਕ੍ਰਿਪਾਲ ਸਿੰਘ ਤੇ ਪਿੰਡ ਵਾਸੀ ਮੌਜ਼ੂਦ ਸਨ