ਖਰੜ, 30 ਮਾਰਚ :
ਸੀ.ਆਈ.ਏ ਸਟਾਫ਼ ਕੈਂਪ ਖਰੜ ਦੀ ਟੀਮ ਨੇ ਦੋ ਵਿਅਕਤੀਆਂ ਨੂੰ ਪੰਜ ਕਿੱਲੋ 400 ਗ੍ਰਾਮ ਅਫ਼ੀਮ ਸਮੇਤ ਗ੍ਰਿਫ਼ਤਾਰ ਕਰਨ ਵਿੱਚ ਸਫ਼ਲਤਾ ਹਾਸਲ ਕੀਤੀ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਹਰਸਿਮਰਤ ਸਿੰਘ ਚੇਤੜਾ ਡੀ. ਐੱਸ.ਪੀ ਨੇ ਦੱਸਿਆ ਕਿ ਜਾਂਚ ਇੰਚਾਰਜ ਇੰਸਪੈਕਟਰ ਹਰਮਿੰਦਰ ਸਿੰਘ ਸੀ. ਆਈ., ਸਟਾਫ਼ ਮੁਹਾਲੀ ਦੀ ਨਿਗਰਾਨੀ ਹੇਠ ਟੀਮ ਨੇ ਬੀਤੀ ਸ਼ਾਮ ਬਲੌਂਗੀ ਬੈਰੀਅਰ ’ਤੇ ਨਾਕਾਬੰਦੀ ਕੀਤੀ ਹੋਈ ਸੀ।
ਇਸ ਦੌਰਾਨ ਉਨ੍ਹਾਂ ਨੂੰ ਮੁਖਬਰ ਖਾਸ ਨੇ ਇਤਲਾਹ ਦਿੱਤੀ ਕਿ ਝਾਰਖੰਡ ਦੇ 2 ਵਿਅਕਤੀ ਜੋ ਕਿ ਝਾਰਖੰਡ ਤੋਂ ਵੱਡੀ ਮਾਤਰਾ 'ਚ ਅਫੀਮ ਲਿਆ ਕੇ ਮੋਹਾਲੀ ਅਤੇ ਇਸ ਦੇ ਆਸ-ਪਾਸ ਦੇ ਇਲਾਕੇ 'ਚ ਸਪਲਾਈ ਕਰਦੇ ਹਨ, ਕੁਝ ਸਮੇਂ ਬਾਅਦ ਬਲੌਂਗੀ ਬੈਰੀਅਰ 'ਤੇ ਪੁੱਜਣ ਜਾ ਰਹੇ ਹਨ। ਉਨ੍ਹਾਂ ਦੱਸਿਆ ਕਿ ਜਦੋਂ ਟੀਮ ਬਲੌਂਗੀ ਵਿਖੇ ਸਪਲਾਈ ਦੇਣ ਆਈ ਤਾਂ ਗੌਮਾ ਸੈਂਡੀ ਪੁੱਤਰ ਸੋਮਾ ਸੈਂਡੀ ਵਾਸੀ ਪਿੰਡ ਬਿਦੜਾ ਅਤੇ ਸੀਤਾ ਰਾਮ ਬੋਦਰਾ ਪੁੱਤਰ ਪਾਂਡੂ ਬੋਦਰਾ ਵਾਸੀ ਜਾਰਕੈਲ ਝਾਰਖੰਡ ਨੂੰ ਕਾਬੂ ਕਰਕੇ ਉਨ੍ਹਾਂ ਕੋਲੋਂ ਪੰਜ ਕਿੱਲੋ 400 ਉਨ੍ਹਾਂ ਦੇ ਕਬਜ਼ੇ 'ਚੋਂ ਗ੍ਰਾਮ ਅਫੀਮ ਬਰਾਮਦ ਹੋਈ। ਉਨ੍ਹਾਂ ਦੱਸਿਆ ਕਿ ਇਨ੍ਹਾਂ ਦੋਵਾਂ ਕੋਲੋਂ ਦੋ ਕਿੱਲੋ 700 ਗ੍ਰਾਮ ਅਤੇ ਦੋ ਕਿੱਲੋ 700 ਗ੍ਰਾਮ ਕੁੱਲ ਪੰਜ ਕਿੱਲੋ 400 ਗ੍ਰਾਮ ਅਫ਼ੀਮ ਬਰਾਮਦ ਕੀਤੀ ਗਈ ਹੈ |