Monday, April 22, 2024  

ਕੌਮੀ

ਮੁਖਤਾਰ ਅੰਸਾਰੀ ਨੂੰ ਦਫ਼ਨਾਇਆ, ਜਨਾਜ਼ੇ ’ਚ ਹਜ਼ਾਰਾਂ ਲੋਕ ਸ਼ਾਮਲ

March 30, 2024

ਏਜੰਸੀਆਂ
ਲਖਨਊ/30 ਮਾਰਚ : ਮਾਫੀਆ ਤੋਂ ਨੇਤਾ ਬਣੇ ਸਾਬਕਾ ਵਿਧਾਇਕ ਮੁਖਤਾਰ ਅੰਸਾਰੀ ਦੀ ਮਿ੍ਰਤਕ ਦੇਹ ਨੂੰ ਸਖ਼ਤ ਸੁਰੱਖਿਆ ਦਰਮਿਆਨ ਸ਼ਨੀਵਾਰ ਨੂੰ ਗਾਜ਼ੀਪੁਰ ਜ਼ਿਲ੍ਹੇ ਦੇ ਉਨ੍ਹਾਂ ਦੇ ਜੱਦੀ ਘਰ ਯੁਸੂਫਪੁਰ ਮੁਹੰਮਦਾਬਾਦ ਨੇੜੇ ਕਾਲੀਬਾਗ ਸਥਿਤ ਕਬਰਸਤਾਨ ’ਚ ਸਪੁਰਦ-ਏ-ਖਾਕ ਕਰ ਦਿੱਤਾ ਗਿਆ। ਪਰਿਵਾਰਕ ਸੂਤਰਾਂ ਨੇ ਦੱਸਿਆ ਕਿ ਇਸ ਤੋਂ ਪਹਿਲਾਂ ਮੁਖਤਾਰ ਦੇ ਜੱਦੀ ਘਰ ਤੋਂ ਸਵੇਰੇ ਦੇ ਸਮੇਂ ਜਨਾਜ਼ਾ ਕੱਢਿਆ ਗਿਆ, ਜਿਸ ਵਿਚ ਉਸ ਦੇ ਭਰਾ ਅਫਜ਼ਾਲ ਅੰਸਾਰੀ, ਪੁੱਤਰ ਉਮਰ ਅੰਸਾਰੀ ਅਤੇ ਭਤੀਜੇ ਵਿਧਾਇਕ ਸੁਹੇਬ ਅੰਸਾਰੀ ਸਮੇਤ ਪਰਿਵਾਰਕ ਮੈਂਬਰ ਅਤੇ ਸਮਰਥਕ ਸ਼ਾਮਲ ਰਹੇ । ਉਨ੍ਹਾਂ ਦੇ ਵੱਡੇ ਭਰਾ ਅਤੇ ਸਾਬਕਾ ਵਿਧਾਇਕ ਸਿਗਬਤੁਲਾਹ ਅੰਸਾਰੀ ਸਮੇਤ ਪਰਿਵਾਰ ਅਤੇ ਰਿਸ਼ਤੇਦਾਰ ਵੀ ਜਨਾਜ਼ੇ ਵਿਚ ਸ਼ਾਮਲ ਹੋਏ । ਇਸ ਦੌਰਾਨ ਭੀੜ ਨੇ ਨਾਅਰੇ ਵੀ ਲਾਏ । ਅਫਜ਼ਾਲ ਅੰਸਾਰੀ ਨੇ ਕਬਰਸਤਾਨ ਪਹੁੰਚ ਕੇ ਲੋਕਾਂ ਨੂੰ ਸਮਝਾਇਆ ਕਿ ਭੀੜ ਇਕੱਠੀ ਨਾ ਕਰੋ ਅਤੇ ਸ਼ਾਂਤੀ ਬਣਾ ਕੇ ਰੱਖੋ । ਜਨਾਜ਼ੇ ਦੀ ਨਮਾਜ਼ ਮਗਰੋਂ ਕਾਲੀਬਾਗ ਕਬਰਸਤਾਨ ਵਿਚ ਅੰਸਾਰੀ ਦੀ ਲਾਸ਼ ਦਫ਼ਨਾਈ ਗਈ ।
ਪੁਲਿਸ ਬਲ ਅਤੇ ਸੁਰੱਖਿਆ ਏਜੰਸੀਆਂ ਇੱਥੇ ਸਥਿਤੀ ’ਤੇ ਲਗਾਤਾਰ ਨਜ਼ਰ ਬਣਾਈ ਰੱਖੀ ਅਤੇ ਅੰਸਾਰੀ ਦੀ ਰਿਹਾਇਸ਼ ਤੋਂ ਕਰੀਬ ਅੱਧਾ ਕਿਲੋਮੀਟਰ ਦੂਰ ਕਾਲੀਬਾਗ ਕਬਰਸਤਾਨ ਤੱਕ ਸੁਰੱਖਿਆ ਘੇਰਾ ਵਧਾ ਦਿੱਤਾ ਗਿਆ ਸੀ । ਪੁਲਿਸ, ਪੀਏਸੀ ਅਤੇ ਅਰਧ ਸੈਨਿਕ ਬਲ ਹਰ ਨੁੱਕਰ ’ਤੇ ਤਾਇਨਾਤ ਰਹੇ । ਭੀੜ ਵਧਦੀ ਦੇਖ ਕੇ ਬਾਅਦ ਵਿਚ ਹੋਰ ਸੁਰੱਖਿਆ ਮੁਲਾਜ਼ਮ ਤਾਇਨਾਤ ਕਰ ਦਿੱਤੇ ਗਏ । ਪੁਲਿਸ ਹੈੱਡਕੁਆਰਟਰ ਦੇ ਇਕ ਅਧਿਕਾਰੀ ਨੇ ਦੱਸਿਆ ਕਿ ਸੁਰੱਖਿਆ ਦੇ ਸਖਤ ਇੰਤਜ਼ਾਮ ਕੀਤੇ ਗਏ ਸਨ । ਪੁਲਿਸ ਨੇ ਜਾਂਚ ਤੋਂ ਬਾਅਦ ਹੀ ਲੋਕਾਂ ਨੂੰ ਕਬਰਸਤਾਨ ਅੰਦਰ ਜਾਣ ਦਿੱਤਾ ।
ਇਸ ਤੋਂ ਪਹਿਲਾਂ ਮੁਹੰਮਦਾਬਾਦ ਵਿਧਾਨ ਸਭਾ ਹਲਕੇ ਤੋਂ ਸਮਾਜਵਾਦੀ ਪਾਰਟੀ (ਸਪਾ) ਦੇ ਵਿਧਾਇਕ ਅਤੇ ਅੰਸਾਰੀ ਦੇ ਭਤੀਜੇ ਮੁਹੰਮਦ ਸੁਹੇਬ ਅੰਸਾਰੀ ਉਰਫ ਮੰਨੂ ਅੰਸਾਰੀ ਨੇ ਦੱਸਿਆ ਕਿ ਉਨ੍ਹਾਂ ਦੇ ਚਾਚਾ ਮੁਖਤਾਰ ਅੰਸਾਰੀ ਦੀ ਦੇਹ ਨੂੰ ਸ਼ਨੀਵਾਰ ਸਵੇਰੇ 10 ਵਜੇ ਯੂਸਫਪੁਰ ਮੁਹੰਮਦਾਬਾਦ ਦੇ ਕਾਲੀਬਾਗ ਕਬਰਸਤਾਨ ’ਚ ਦਫਨਾਇਆ ਜਾਵੇਗਾ । ਹਾਲਾਂਕਿ ਸਾਢੇ 10 ਵਜੇ ਤੱਕ ਪ੍ਰਕਿਰਿਆ ਪੂਰੀ ਨਹੀਂ ਹੋ ਸਕੀ ਸੀ ।
ਇਕ ਸਥਾਨਕ ਨਾਗਰਿਕ ਨੇ ਦੱਸਿਆ ਕਿ ਅੰਸਾਰੀ ਪਰਿਵਾਰ ਨੂੰ ਕਾਲੀਬਾਗ ਵਿਚ ਹੀ ਦਫਨਾਇਆ ਜਾਂਦਾ ਰਿਹਾ ਹੈ ਅਤੇ ਮੁਖਤਾਰ ਦੀ ਲਾਸ਼ ਨੂੰ ਉਸ ਦੇ ਮਾਤਾ-ਪਿਤਾ ਦੀ ਕਬਰ ਕੋਲ ਦਫਨਾਇਆ ਗਿਆ ਹੈ । ਵੀਰਵਾਰ ਨੂੰ ਮੁਖਤਾਰ ਅੰਸਾਰੀ ਦੀ ਸਿਹਤ ਵਿਗੜਨ ਤੋਂ ਬਾਅਦ ਬਾਂਦਾ ਜ਼ਿਲ੍ਹਾ ਜੇਲ੍ਹ ਤੋਂ ਰਾਣੀ ਦੁਰਗਾਵਤੀ ਮੈਡੀਕਲ ਕਾਲਜ ਲਿਜਾਇਆ ਗਿਆ ਸੀ, ਜਿੱਥੇ ਦਿਲ ਦਾ ਦੌਰਾ ਪੈਣ ਕਾਰਨ ਉਸ ਦੀ ਮੌਤ ਹੋ ਗਈ । ਮੁਖਤਾਰ ਦੇ ਪਰਿਵਾਰ ਨੇ ਅੰਸਾਰੀ ’ਤੇ ਜੇਲ੍ਹ ’ਚ ਉਸ ਨੂੰ ਧੀਮਾ ਜ਼ਹਿਰ ਦੇਣ ਦਾ ਦੋਸ਼ ਲਗਾਇਆ ਸੀ । ਹਾਲਾਂਕਿ ਹਸਪਤਾਲ ਦੇ ਸੂਤਰਾਂ ਮੁਤਾਬਕ ਅੰਸਾਰੀ ਦੇ ਪੋਸਟਮਾਰਟਮ ਤੋਂ ਪੁਸ਼ਟੀ ਹੋਈ ਹੈ ਕਿ ਉਸ ਦੀ ਮੌਤ ਦਿਲ ਦਾ ਦੌਰਾ ਪੈਣ ਨਾਲ ਹੋਈ ਹੈ ।

 

ਕੁਝ ਕਹਿਣਾ ਹੋ? ਆਪਣੀ ਰਾਏ ਪੋਸਟ ਕਰੋ

 

ਹੋਰ ਖ਼ਬਰਾਂ

ਹਰੇ, ਛੋਟੇ ਕੈਪਸ ਵਿੱਚ ਜ਼ਿਆਦਾਤਰ ਸੈਕਟਰਲ ਸੂਚਕਾਂਕ ਵਧੀਆ ਪ੍ਰਦਰਸ਼ਨ ਕਰਦੇ

ਹਰੇ, ਛੋਟੇ ਕੈਪਸ ਵਿੱਚ ਜ਼ਿਆਦਾਤਰ ਸੈਕਟਰਲ ਸੂਚਕਾਂਕ ਵਧੀਆ ਪ੍ਰਦਰਸ਼ਨ ਕਰਦੇ

ਸੈਂਸੈਕਸ 300 ਤੋਂ ਵੱਧ ਅੰਕ ਵਧਿਆ

ਸੈਂਸੈਕਸ 300 ਤੋਂ ਵੱਧ ਅੰਕ ਵਧਿਆ

ਜਿਵੇਂ-ਜਿਵੇਂ ਲੋਕ ਸਭਾ ਚੋਣਾਂ ਦੀ ਤਾਰੀਖ ਨੇੜੇ ਆ ਰਹੀ ਹੈ, ਕੀ ED CM ਵਿਜਯਨ ਦੀ ਧੀ ਤੋਂ ਪੁੱਛਗਿੱਛ ਕਰੇਗੀ?

ਜਿਵੇਂ-ਜਿਵੇਂ ਲੋਕ ਸਭਾ ਚੋਣਾਂ ਦੀ ਤਾਰੀਖ ਨੇੜੇ ਆ ਰਹੀ ਹੈ, ਕੀ ED CM ਵਿਜਯਨ ਦੀ ਧੀ ਤੋਂ ਪੁੱਛਗਿੱਛ ਕਰੇਗੀ?

ਭਲਕੇ ਭਾਰਤ ਪੁੱਜਣਗੇ ਸੋਸ਼ਲ ਮੀਡੀਆ ਪਲੇਟਫਾਰਮ ‘ਐਕਸ’ ਦੇ ਮੁਖੀ ਐਲਨ ਮਸਕ

ਭਲਕੇ ਭਾਰਤ ਪੁੱਜਣਗੇ ਸੋਸ਼ਲ ਮੀਡੀਆ ਪਲੇਟਫਾਰਮ ‘ਐਕਸ’ ਦੇ ਮੁਖੀ ਐਲਨ ਮਸਕ

ਓਡੀਸ਼ਾ : ਮਹਾਂਨਦੀ ’ਚ ਕਿਸ਼ਤੀ ਪਲਟਣ ਕਾਰਨ 2 ਦੀ ਮੌਤ, ਕਈ ਲਾਪਤਾ

ਓਡੀਸ਼ਾ : ਮਹਾਂਨਦੀ ’ਚ ਕਿਸ਼ਤੀ ਪਲਟਣ ਕਾਰਨ 2 ਦੀ ਮੌਤ, ਕਈ ਲਾਪਤਾ

ਯੂ.ਪੀ : ਲਖ਼ੀਮਪੁਰ ਖੀਰੀ ਦੇ ਦੁਧਵਾ ਟਾਈਗਰ ਰਿਜ਼ਰਵ ਦੇ 2 ਚੀਤੇ ਮਰੇ ਮਿਲੇ

ਯੂ.ਪੀ : ਲਖ਼ੀਮਪੁਰ ਖੀਰੀ ਦੇ ਦੁਧਵਾ ਟਾਈਗਰ ਰਿਜ਼ਰਵ ਦੇ 2 ਚੀਤੇ ਮਰੇ ਮਿਲੇ

ਦਿਨੇਸ਼ ਤ੍ਰਿਪਾਠੀ ਜਲ ਸੈਨਾ ਦੇ ਮੁਖੀ ਨਿਯੁਕਤ, 30 ਅਪ੍ਰੈਲ ਨੂੰ ਸੰਭਾਲਣਗੇ ਅਹੁਦਾ

ਦਿਨੇਸ਼ ਤ੍ਰਿਪਾਠੀ ਜਲ ਸੈਨਾ ਦੇ ਮੁਖੀ ਨਿਯੁਕਤ, 30 ਅਪ੍ਰੈਲ ਨੂੰ ਸੰਭਾਲਣਗੇ ਅਹੁਦਾ

ਨੈਸਲੇ ਦੇ ਬੇਬੀ ਫੂਡ ’ਚ ਵੱਧ ਖੰਡ ਦਾ ਮਾਮਲਾ

ਨੈਸਲੇ ਦੇ ਬੇਬੀ ਫੂਡ ’ਚ ਵੱਧ ਖੰਡ ਦਾ ਮਾਮਲਾ

ਪਹਿਲੇ ਗੇੜ ’ਚ 102 ਸੀਟਾਂ ’ਤੇ ਪਈਆਂ 67 ਫੀਸਦੀ ਤੋਂ ਵੱਧ ਵੋਟਾਂ

ਪਹਿਲੇ ਗੇੜ ’ਚ 102 ਸੀਟਾਂ ’ਤੇ ਪਈਆਂ 67 ਫੀਸਦੀ ਤੋਂ ਵੱਧ ਵੋਟਾਂ

ਰੱਖਿਆ ਸਬੰਧਾਂ ਨੂੰ ਹੁਲਾਰਾ ਦਿੰਦੇ ਹੋਏ, ਭਾਰਤ ਨੇ ਫਿਲੀਪੀਨਜ਼ ਨੂੰ ਬ੍ਰਹਮੋਸ ਮਿਜ਼ਾਈਲ ਪ੍ਰਣਾਲੀ ਪ੍ਰਦਾਨ ਕੀਤੀ

ਰੱਖਿਆ ਸਬੰਧਾਂ ਨੂੰ ਹੁਲਾਰਾ ਦਿੰਦੇ ਹੋਏ, ਭਾਰਤ ਨੇ ਫਿਲੀਪੀਨਜ਼ ਨੂੰ ਬ੍ਰਹਮੋਸ ਮਿਜ਼ਾਈਲ ਪ੍ਰਣਾਲੀ ਪ੍ਰਦਾਨ ਕੀਤੀ