ਹਰਭਜਨ
ਪੱਟੀ, 3 ਅਪ੍ਰੈਲ : ਸਥਾਨਕ ਸ਼ਹਿਰ ਦੀ ਵਾਰਡ ਨੰਬਰ 7 ਅਧੀਨ ਸਰਹਾਲੀ ਰੋਡ ਅਮਰ ਆਈ ਟੀ ਆਈ (ਸਿਖਲਾਈ ਸੈਂਟਰ) ਵਾਲਿਆਂ ਦੀ ਗਲੀ ਅੰਦਰ ਪਿਛਲੇ ਕਈ ਹਫਤਿਆਂ ਤੋਂ ਸੀਵਰੇਜ ਸਿਸਟਮ ਬੰਦ ਹੋਣ ਕਾਰਨ ਮਹੱਲਾ ਨਿਵਾਸੀ ਡਾਢੇ ਪਰੇਸ਼ਾਨ ਹਨ। ਬੰਦ ਸੀਵਰੇਜ ਸਿਸਟਮ ਤੋਂ ਪੀੜਿਤ ਜਸਬੀਰ ਸਿੰਘ ,ਸਵਿੰਦਰ ਸਿੰਘ , ਲਵਲੀ ਸ਼ਰਮਾ,ਸ੍ਰੀਮਤੀ ਅਮਰਜੀਤ ਕੌਰ, ਸ੍ਰੀਮਤੀ ਗੁਰਮੀਤ ਕੌਰ, ਸ੍ਰੀਮਤੀ ਰਾਜਵਿੰਦਰ ਕੌਰ, ਸ੍ਰੀਮਤੀ ਹਰਜੀਤ ਕੌਰ, ਸ਼੍ਰੀਮਤੀ ਪਰਮਜੀਤ ਕੌਰ ਅਤੇ ਸ਼੍ਰੀ ਮਤੀ ਰਣਧੀਤ? ਕੋਰ, ਆਦਿ ਮੁਹੱਲਾ ਨਿਵਾਸੀਆਂ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਸਾਡੀ ਗਲੀ ਅੰਦਰ ਸੀਵਰੇਜ ਸਿਸਟਮ ਪਿਛਲੇ ਲਗਭਗ ਚਾਰ ਹਫਤਿਆਂ ਤੋਂ ਬੰਦ ਪਿਆ ਹੈ। ਜਿਸ ਕਾਰਨ ਸਵੇਰੇ -ਸ਼ਾਮ ਗਲੀ ਵਿੱਚੋਂ ਲੰਘਣਾ ਬੜਾ ਮੁਸ਼ਕਿਲ ਹੋ ਜਾਂਦਾ ਹੈ।
ਮੁਹੱਲਾ ਨਿਵਾਸੀਆਂ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਪਿਛਲੇ ਚਾਰ ਹਫਤਿਆਂ ਤੋਂ ਹਰ ਰੋਜ਼ ਸੀਵਰੇਜ ਸਿਸਟਮ ਬੰਦ ਹੋਣ ਸਬੰਧੀ ਸੀਵਰੇਜ ਇੰਚਾਰਜ ਨੂੰ ਜਾਣੂ ਕਰਵਾ ਕੇ ਪਾਣੀ ਦੀ ਨਿਕਾਸੀ ਕਰਵਾਉਣੀ ਪੈਂਦੀ ਹੈ।
ਸੀਵਰੇਜ ਇੰਚਾਰਜ ਨਾਲ ਫੋਨ ਤੇ ਰਾਬਤਾ ਕਾਇਮ ਕੀਤਾ ਤਾਂ ਉਹਨਾਂ ਦਾ ਕਹਿਣਾ ਸੀ ਕਿ ਸੀਵਰੇਜ ਬੰਦ ਸਬੰਧੀ ਸਾਨੂੰ ਹਰ ਰੋਜ਼ ਜਾਣੂ ਕਰਵਾਉਂਦੇ ਹਨ। ਉਹਨਾਂ ਦੱਸਿਆ ਕਿ ਸਰਹਾਲੀ ਰੋਡ ਅਤੇ ਵਾਰਡ ਨੰ: 7 ਡਾ: ਕਰਤਾਰ ਸਿੰਘ ਵਾਲੀ ਵੱਡੀ ਗਲੀ ਦਾ ਸਾਰਾ ਸੀਵਰੇਜ ਪਾਣੀ ਕਹੀਆਂ ਵਾਲੇ ਚੌਂਕ ਨਜ਼ਦੀਕ ਆਣ ਕੇ ਜੁੜਦਾ ਹੈ। ਲੋਕ ਸੀਵਰੇਜ ਵਿੱਚ ਗੋਬਰ, ਸਬਜ਼ੀ ਵਿਕਰੇਤਾ ਖਰਾਬ ਸਬਜ਼ੀਆਂ, ਨਾ ਗਲਣ- ਸੜਨ ਯੋਗ ਪਲਾਸਟਿਕ ਦੀਆਂ ਚੀਜਾਂ ਆਦਿ ਸੀਵਰੇਜ ਵਿੱਚ ਰੋੜ ਦਿੰਦੇ ਹਨ ਜਿਸ ਕਾਰਨ ਕਲੀਆਂ ਵਾਲੇ ਗੁਰਦੁਆਰੇ ਦੇ ਗੇਟ ਅੱਗੇ ਸੀਵਰੇਜ ਹੌਦੀ ਬੰਦ ਹੋ ਜਾਂਦੀ ਹੈ ਜਿਸ ਕਾਰਨ ਗਲੀ ਅੰਦਰ ਗੰਦਾ ਪਾਣੀ ਉਵਰ ਫਲੋ ਹੋ ਕੇ ਇਕੱਠਾ ਹੋ ਜਾਂਦਾ ਹੈ।
ਭਰੋਸੇ ਯੋਗ ਵਸੀਲਿਆਂ ਤੋਂ ਪ੍ਰਾਪਤ ਕੀਤੀ ਗਈ ਜਾਣਕਾਰੀ ਅਨੁਸਾਰ ਕਲੀਆਂ ਵਾਲੇ ਗੁਰਦੁਆਰਾ ਸਾਹਿਬ ਦੇ ਮੁੱਖ ਗੇਟ ਅੱਗੇ ਸੀਵਰੇਜ ਹੋਦੀ ਵਿੱਚ ਕੋਈ ਨਾ ਗਲਨ ਸੜਨ ਯੋਗ ਚੀਜ਼ ਅੜੀ ਹੋਈ ਹੈ। ਜੋ ਸੀਰਜ ਮਸ਼ੀਨ ਨਾਲ ਹੀ ਸਾਫ ਕੀਤੀ ਜਾ ਸਕਦੀ ਹੈ। ਮੁਹੱਲਾ ਨਿਵਾਸੀਆਂ ਨੇ ਕਾਰਜ ਸਾਧਕ ਅਫਸਰ ਅਤੇ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਕਿ ਬੰਦ ਸੀਵਰੇਜ ਨੂੰ ਖੋਲਿਆ ਜਾਵੇ।