ਜੇਕਰ ਕਿਸਾਨਾਂ ਦੀ ਦਿੱਲੀ ’ਚ ਨੋ ਐਂਟਰੀ ਤਾਂ ਬੀਜੇਪੀ ਦੀ ਪਿੰਡਾਂ ਵਿੱਚ ਨੋ ਐਂਟਰੀ ਹੋਵੇ - ਕਿਸਾਨ ਆਗੂ
ਗਿੱਦੜਬਾਹਾ, 3 ਅਪ੍ਰੈਲ (ਸੁਰਿੰਦਰ ਸਿੰਘ ਚੱਠਾ) : ਹਲਕਾ ਗਿੱਦੜਬਾਹਾ ਦੇ ਪਿੰਡ ਬੁੱਟਰ ਬਖੂਆ ਵੱਲੋਂ ਭਾਰਤੀ ਜਨਤਾ ਪਾਰਟੀ ( ਬੀ ਜੇ ਪੀ ) ਦਾ ਪੂਰਣ ਤੌਰ ਤੇ ਬਾਈਕਾਟ ਕੀਤਾ ਗਿਆ ਹੈ। ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਸਿੱਧੂਪੁਰ ਪਿੰਡ ਬੁੱਟਰ ਬਖੂਆ ਦੀ ਇਕਾਈ ਵੱਲੋਂ ਪਿੰਡ ਦੀ ਜਨਤਕ ਥਾਵਾਂ ਤੇ ਫਲੈਕਸ ਬੋਰਡ ਲਗਾ ਕੇ ਕੇਂਦਰ ਦੀ ਭਾਜਪਾ ਸਰਕਾਰ ਵਿਰੁੱਧ ਆਪਣਾ ਰੋਸ਼ ਜਾਹਿਰ ਕੀਤਾ ਹੈ। ਬੋਰਡ ਵਿੱਚ ਲਿਖਿਆ ਗਿਆ ਹੈ ਕਿ ਪਿੰਡ ਬੁੱਟਰ ਬਖੂਆ ਵੱਲੋਂ ਬੀ.ਜੇ.ਪੀ. ਦਾ ਪੂਰਨ ਤੌਰ ਤੇ ਬਾਈਕਾਟ ਕੀਤਾ ਜਾਂਦਾ ਹੈ ਕੋਈ ਵੀ ਬੀ.ਜੇ.ਪੀ. ਲੀਡਰ ਪਿੰਡ ਵਿੱਚ ਨਾ ਆਵੇ ਜੇਕਰ ਕੋਈ ਵੀ ਬੀ.ਜੇ.ਪੀ. ਆਗੂ ਪਿੰਡ ਵਿੱਚ ਆਉਂਦਾ ਹੈ ਤਾਂ ਉਸਦੀ ਜਵਾਬੀ ਕਾਰਵਾਈ ਦਾ ਉਹ ਖੁੱਦ ਜਿਮੇਵਾਰ ਹੋਵੇਗਾ। ਇਸ ਸਬੰਧ ਵਿੱਚ ਜਾਣਕਾਰੀ ਦਿੰਦੇ ਹੋਏ ਗੁਰਤੇਜ ਸਿੰਘ ਬੁੱਟਰ, ਸੁਖਵਿੰਦਰ ਸਿੰਘ ਬੁੱਟਰ, ਬਲਕਰਨ ਸਿੰਘ ਖਾਲਸਾ , ਕੁਲਵੀਰ ਸਿੰਘ ਬੁੱਟਰ, ਦਰਸ਼ਨ ਸਿੰਘ ਬੁੱਟਰ,ਜਗਰੂਪ ਸਿੰਘ ਨੇ ਦੱਸਿਆ ਕਿ ਪਿੰਡ ਭਾਰੂ ਵਾਸੀਆਂ ਨੇ ਭਾਰਤੀ ਜਨਤਾ ਪਾਰਟੀ ਦੇ ਖਿਲਾਫ ਬੋਰਡ ਲਗਾਇਆ ਹੈ ਉਹਨਾਂ ਕਿਹਾ ਕਿ ਇਸ ਦਾ ਮੁੱਖ ਕਾਰਨ ਕਿਸਾਨੀ ਅੰਦੋਲਨ ਹੈ ਉਹਨਾਂ ਕਿਹਾ ਕਿ ਕਿਸਾਨਾਂ ਉੱਤੇ ਗੋਲੀਆਂ ਚਲਾਈਆਂ ਕਿਸਾਨਾਂ ਨੂੰ ਇਹ ਲੋਕ ਅੱਤਵਾਦੀ ਕਹਿੰਦੇ ਹਨ । ਉਹਨਾਂ ਕਿਹਾ ਕਿ ਬੀਜੇਪੀ ਖਿਲਾਫ ਉਨੀ ਦੇਰ ਤੱਕ ਸਾਡਾ ਬਾਈਕਾਟ ਰਹੇਗਾ ਜਿੰਨੀ ਦੇਰ ਤੱਕ ਕਿਸਾਨੀ ਮੰਗਾਂ ਪੂਰੀਆਂ ਨਹੀਂ ਹੋ ਜਾਂਦੀਆਂ ਉਹਨਾਂ ਕਿਹਾ ਕਿ ਬੀਜੇਪੀ ਸਰਕਾਰ ਕਿਸਾਨ ਹਿਤੈਸ਼ੀ ਨਹੀਂ ਹੈ। ਇਸ ਮੌਕੇ ਗੋਬਿੰਦ ਸਿੰਘ ਬੁੱਟਰ, ਅਮਨਦੀਪ ਸਿੰਘ ਬੁੱਟਰ, ਬਚਿੱਤਰ ਸਿੰਘ ਸਰਾਂ, ਕੁਲਵਿੰਦਰ ਸਿੰਘ ਖਾਲਸਾ, ਮੇਜਰ ਸਿੰਘ ਬੁੱਟਰ, ਗੁਰਲਾਲ ਸਿੰਘ ਬੁੱਟਰ, ਇਕਬਾਲ ਸਿੰਘ ਬੁੱਟਰ, ਛਿੰਦਰਪਾਲ ਸਿੰਘ ਬੁੱਟਰ, ਬਿੱਕਰ ਸਿੰਘ ਬੁੱਟਰ,ਸੁਖਜੰਟ ਸਿੰਘ ਬੁੱਟਰ, ਦਲੀਪ ਸਿੰਘ ਬੁੱਟਰ, ਆਦਿ ਸ਼ਾਮਿਲ ਸਨ।