ਵਿਜੇਪੁਰਾ (ਕਰਨਾਟਕ), 13 ਅਪ੍ਰੈਲ
ਕਰਨਾਟਕ ਦੇ ਵਿਜੇਪੁਰਾ ਜ਼ਿਲੇ ਦੇ ਅਰਜੁਨਾਗੀ ਪਿੰਡ 'ਚ ਸ਼ਨੀਵਾਰ ਸਵੇਰੇ ਹੋਏ ਸੜਕ ਹਾਦਸੇ 'ਚ 4 ਲੋਕਾਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ।
ਮ੍ਰਿਤਕਾਂ ਦੀ ਪਛਾਣ 32 ਸਾਲਾ ਅਰਜੁਨ ਕੁਸ਼ਲ ਸਿੰਘ ਰਾਜਪੂਤ, 52 ਸਾਲਾ ਰਵੀਨਾਥ ਪੱਟਰ, 40 ਸਾਲਾ ਪੁਸਪਾ ਰਵੀਨਾਥ ਪੱਟਰ ਅਤੇ 12 ਸਾਲਾ ਮੇਘਰਾਜਾ ਰਾਜਪੂਤ ਵਜੋਂ ਹੋਈ ਹੈ।
ਪੁਲਿਸ ਮੁਤਾਬਕ ਇਹ ਹਾਦਸਾ ਉਨ੍ਹਾਂ ਦੀ ਕਾਰ ਅਤੇ ਟਰੱਕ ਦੀ ਆਹਮੋ-ਸਾਹਮਣੇ ਟੱਕਰ ਤੋਂ ਬਾਅਦ ਵਾਪਰਿਆ। ਸਾਰੇ ਮ੍ਰਿਤਕ ਵਿਜੇਪੁਰਾ ਸ਼ਹਿਰ ਤੋਂ ਜਮਖੰਡੀ ਸ਼ਹਿਰ ਦੇ ਇਕ ਮੰਦਰ ਜਾ ਰਹੇ ਸਨ।
ਸੀਮਿੰਟ ਦਾ ਟਰੱਕ ਜਮਖੰਡੀ ਤੋਂ ਵਿਜੇਪੁਰਾ ਵੱਲ ਆ ਰਿਹਾ ਸੀ। ਹਾਦਸੇ ਦੇ ਸਹੀ ਕਾਰਨਾਂ ਦਾ ਪਤਾ ਲਗਾਉਣ ਲਈ ਜਾਂਚ ਜਾਰੀ ਹੈ।
ਇਹ ਘਟਨਾ ਬਾਬਲੇਸ਼ਵਰ ਥਾਣਾ ਖੇਤਰ ਦੀ ਹੈ।
ਵਿਜੇਪੁਰਾ ਦੇ ਐਸਪੀ ਰਿਸ਼ੀਕੇਸ਼ ਸੋਨਾਵਾਨੇ ਭਗਵਾਨ ਨੇ ਘਟਨਾ ਸਥਾਨ ਦਾ ਦੌਰਾ ਕੀਤਾ ਜਿੱਥੇ ਹਾਦਸੇ ਤੋਂ ਬਾਅਦ ਕਾਰ ਨੁਕਸਾਨੀ ਗਈ ਸੀ। ਅਗਲੇਰੀ ਜਾਂਚ ਜਾਰੀ ਹੈ।