ਰੂਪਨਗਰ, 19 ਅਪ੍ਰੈਲ (ਰਾਜਨ ਵੋਹਰਾ) : ਰੂਪਨਗਰ ਦੀ ਪ੍ਰੀਤ ਕਲੋਨੀ ਚ ਗਿਰੇ ਮਕਾਨ ਦੇ ਮਲਬੇ ਵਿਚ ਦਬੇ ਮਜ਼ਦੂਰਾਂ ਨੂੰ ਵਿਚੋਂ ਤਿੰਨ ਦੀ ਮੌਤ ਹੋ ਗਈ ਹੈ। ਜਦਕਿ ਇਕ ਮਜ਼ਦੂਰ ਦਾ ਚੰਡੀਗੜ੍ਹ ਪੀ ਜੀ ਆਈ ਵਿੱਖੇ ਇਲਾਜ਼ ਚਲ ਰਿਹਾ ਹੈ। ਐਨ ਡੀ ਆਰ ਐਫ, ਐਸ ਡੀ ਆਰ ਏਫ਼, ਆਈ ਟੀ ਬੀ ਪੀ ਦੀ ਟੀਮ ਸਮੇਤ ਸਥਾਨਕ ਪ੍ਰਸ਼ਾਸਨ ਦੇ ਕਰਮਚਾਰੀ ਰਾਹਤ ਕਾਰਜ ਵਿਚ ਲੱਗੇ ਹੋਏ ਹਨ ਪਰ ਇਕ ਮਜ਼ਦੂਰ ਅਭਿਸ਼ੇਕ ਦਾ ਪਤਾ ਨਹੀਂ ਲੱਗਿਆ ਹੈ।ਉਧਰ ਇਸ ਸੰਬੰਧ ਵਿੱਚ ਪੁਲਸ ਨੇ ਮਕਾਨ ਦੇ ਮਾਲਕ ਸੁੱਖਵਿੰਦਰ ਸਿੰਘ ਅਤੇਲੈਂਟਰ ਚੁੱਕਣ ਵਾਲੇ ਠੈਕੇਦਰ ਅਤੇ ਫ਼ਰਮ ਦੇ ਮਾਲਕ ਸੁਨੀਲ ਕੁਮਾਰ ਵਾਸੀ ਪਿੰਡ ਕਲਾਸੀ ਜਿਲਾ ਕਰਨਾਲ ਹਰਿਆਣਾ ਖਿਲਾਫ ਮਾਮਲਾ ਦਰਜ ਕਰ ਲਿਆ ਹੈ। ਠੇਕੇਦਾਰ ਨੂੰ ਵੀ ਗਿਰਫ਼ਤਾਰ ਕਰ ਲਿਆ ਹੈ।ਇਨਾ ਦੋਨਾਂ ਤੇ ਧਾਰਾ 304ਏ, 337ਅਤੇ 338 ਤਹਿਤ ਮਾਮਲਾ ਦਰਜ ਕੀਤਾ ਹੈ।ਇਸ ਅਣਸੁਖਾਵੀਂ ਘਟਨਾ ਵਿਚ ਮਰਨ ਵਾਲਿਆਂ ਵਿਚ ਰਮੇਸ਼ (39,) ਕੁਮਾਰ ਵਾਸੀ ਕਲਸੀ,ਕਾਰਤਿਕ(23) ਅਤੇ ਸਾਹਿਲ(23) ਵਾਸੀ ਪਿੰਡ ਹਰਡਾ ਜਿਲਾ ਅੰਬਾਲਾ ਸ਼ਾਮਿਲ ਹਨ।