ਸ੍ਰੀ ਫ਼ਤਹਿਗੜ੍ਹ ਸਾਹਿਬ/20 ਅਪ੍ਰੈਲ:
(ਰਵਿੰਦਰ ਸਿੰਘ ਢੀਂਡਸਾ)
ਸਟੀਵਰਟ ਵੀਲਰ ਡਿਪਟੀ ਹਾਈ ਕਮਿਸ਼ਨਰ ਕੈਨੇਡਾ ਦਿੱਲੀ, ਇੰਡਿਆ ਵੱਲੋਂ ਬ੍ਰਾਇਨ ਐਮਸਟਰਾਂਗ ਨਾਲ ਮੇਹਰ ਬਾਬਾ ਚੈਰੀਟੇਬਲ ਟਰੱਸਟ ਦੇ ਮਾਤਾ ਹਰਨਾਮ ਕੌਰ ਕਮਿਊਨਿਟੀ ਡਿਵੈਲਪਮੈਟ ਸੈਟਰ, ਬਸੀ ਪਠਾਨਾਂ ਦਾ ਦੌਰਾ ਕੀਤਾ ਗਿਆ।ਟਰੱਸਟ ਦੇ ਟਰੱਸਟੀ ਅਲਫਰੈਡ ਸਿੰਘ ਮੇਜੀ,ਮੇਜਰ ਜਨਰਲ ਸੂਰਤ ਸਿੰਘ ਸੰਧੂ, ਡਾਂ ਕਵਿਤਾ ਮਾਰੀਆਂ ਅਤੇ ਸਲਾਹਕਾਰ ਹਰਕਿਰਨ ਕੌਰ ਮੇਜੀ ਅਤੇ ਟਰੱਸਟ ਦੇ ਸਿਿਖਆਰਥੀਆਂ ਵੱਲੋਂ ਉਨ੍ਹਾਂ ਦਾ ਨਿੱਘਾ ਸੁਆਗਤ ਕੀਤਾ ਗਿਆ।ਮੈਨੇਜਿੰਗ ਟਰੱਸਟੀ ਹਸਨ ਸਿੰਘ ਮੇਜੀ ਨੇ ਆਏ ਮਹਿਮਾਨਾਂ ਨੂੰ ਸਵਰਗੀ ਪ੍ਰੋ: ਹਰਦਰਸ਼ਨ ਸਿੰਘ ਮੇਜੀ ਦੁਆਰਾ ਟਰੱਸਟ ਦੀ ਸਥਾਪਨਾ ਅਤੇ 2014 ਤੱਕ 10 ਸਾਲਾਂ ਤੱਕ ਇਸ ਨੂੰ ਚਲਾਉਣ ਵਿੱਚ ਨਿਭਾਈ ਗਈ ਅਹਿਮ ਭੂਮਿਕਾ ਬਾਰੇ ਅਤੇ ਟਰੱਸਟ ਦੇ ਚਲ ਰਹੇ ਹੋਰ ਪ੍ਰੋਜੈਕਟਾਂ ਬਾਰੇ ਵਿਸਥਾਰ ਵਿੱਚ ਜਾਣਕਾਰੀ ਦਿੱਤੀ। ਸਟੀਵਰਟ ਵੀਲਰ ਨੇ ਸੀ.ਐਫ.ਐਲ.ਆਈ ਦੇ 2023-24 “ ਡਿਜਾਇਨ ਅਤੇ ਡਿਜੀਟਲ ਟੈਕਨਾਲੋਜੀ ਦੇ ਨਾਲ ਰਵਾਇਤੀ ਸ਼ਿਲਪਕਾਰੀ ਦੇ ਵਿਕਾਸ ਦੁਆਰਾ ਪੇਂਡੂ ਪੰਜਾਬੀ ਔਰਤਾਂ ਦੇ ਜੀਵਨ ਵਿੱਚ ਸੁਧਾਰ” ਦੀਆਂ ਲਾਭਪਾਤਰੀ ਸਿਿਖਆਰਥੀਆਂ ਨੂੰ ਵੀ ਮਿਲੇ।ਠਾਕੁਰ ਸਿੰਘ ਮੇਜੀ ਨੇ ਟਰੱਸਟ ਦੀ ਹਾਕੀ ਨਰਸਰੀ, ਸੀ.ਐਫ.ਐਲ.ਆਈ. ਫੰਡਿਗ,ਫਰੈਜਰ ਵੈਲੀ ਯੂਨੀਵਰਸਿਟੀ,ਯੂਟਾ ਯੂਨੀਵਰਸਿਟੀ,ਸਿਡਨੀ ਯੂਨੀਵਰਸਿਟੀ, ਪੰਜਾਬ ਯੂਨੀਵਰਸਿਟੀ ਅਤੇ ਪੀ.ਜੀ.ਆਈ ਚੰਡੀਗੜ੍ਹ ਦੇ ਸਹਿਯੋਗ ਨਾਲ ਕੀਤੇ ਗਏ ਪ੍ਰੋਜੈਕਟਾਂ ਅਤੇ ਪ੍ਰੋਗਰਾਮਾਂ ਬਾਰੇ ਸੰਖੇਪ ਜਾਣਕਾਰੀ ਦਿੱਤੀ ਅਤੇ ਟਰੱਸਟੀ ਠਾਕੁਰ ਸਿੰਘ ਮੇਜੀ ਨੇ ਬਾਕੀ ਟਰੱਸਟੀਆਂ ਨਾਲ ਆਏ ਮੁੱਖ ਮਹਿਮਾਨ ਜੀ ਨੂੰ ਟਰੱਸਟ ਦੇ ਵੋਕੇਸ਼ਨਲ ਟ੍ਰੇਨਿੰਗ ਸੈਂਟਰ, ਕੰਪਿਊਟਰ ਸੈਟਰ ਅਤੇ ਫੁਲਕਾਰੀ ਮੇਕਰਸ ਬਸੀ ਪਠਾਨਾਂ ਦਾ ਦੌਰਾ ਵੀ ਕਰਵਾਇਆ। ਸਟੀਵਰਟ ਵੀਲਰ ਨੇ ਇਨ੍ਹਾਂ ਵੱਖ-ਵੱਖ ਵਿਭਾਗਾਂ ਵਿੱਚ ਜਾ ਕੇ ਬਹੁਤ ਖੁਸ਼ ਹੋਏ ਅਤੇ ਸਿਿਖਆਰਥਨਾਂ ਦੇ ਮਹਿੰਦੀ ਲਗਾਉਣ ਦੇ ਹੁਨਰ ਤੋਂ ਪ੍ਰਭਾਵਿਤ ਹੋਏ। ਉਨਾਂ ਪਿੰਡਾਂ ਦੀਆਂ ਲੜਕੀਆਂ, ਔਰਤਾਂ ਅਤੇ ਲੜਕਿਆਂ ਦੇ ਜੀਵਨ ਪੱਧਰ ਨੂੰ ਉੱਚਾ ਚੁੱਕਣ ਲਈ ਟਰੱਸਟ ਵੱਲੋਂ ਕੀਤੇ ਜਾ ਰਹੇ ਯਤਨਾਂ ਦੀ ਸ਼ਲਾਘਾ ਕੀਤੀ।ਡਿਪਟੀ ਹਾਈ ਕਮਿਸ਼ਨਰ ਕੈਨੇਡਾ ਦਿੱਲੀ, ਇੰਡਿਆ ਤੋਂ ਇਲਾਵਾ ਰੋਮਲ ਅਲੀ ਬਾਜੀ, ਤੇਜਿੰਦਰ ਸਿੰਘ ਸੇਠੀ, ਸਥਾਨਕ ਸਲਾਹਕਾਰ ਅਮਰਇਸ਼ਵਰ ਸਿੰਘ ਗੋਰਾਇਆ, ਬਲਦੇਵ ਸਿੰਘ ਦਮਹੇੜੀ ਸਾਬਕਾ ਸਰਪੰਚ, ਹਰਭਜਨ ਸਿੰਘ ਜੱਲੋਵਾਲ ਵੀ ਇਸ ਮੌਕੇ ਹਾਜ਼ਰ ਸਨ । ਟਰੱਸਟੀਆਂ ਨੇ ਮੁੱਖ ਮਹਿਮਾਨ ਅਤੇ ਕੈਨੇਡਾ ਦੇ ਹਾਈ ਕਮਿਸ਼ਨ ਨਵੀ ਦਿੱਲੀ ਅਤੇ ਸੀ.ਐਫ.ਐਲ.ਆਈ. ਦੇ ਸਾਰੇ ਅਧਿਕਾਰੀਆਂ ਦਾ ਜਿਲ੍ਹਾ ਫਤਿਹਗੜ੍ਹ ਸਾਹਿਬ ਦੇ ਪਿੰਡਾਂ ਦੀਆਂ ਔਰਤਾਂ ਦੇ ਸਮਰਥਨ ਲਈ ਵਿਸ਼ੇਸ਼ ਧੰਨਵਾਦ ਕੀਤਾ।