ਸ੍ਰੀ ਫ਼ਤਹਿਗੜ੍ਹ ਸਾਹਿਬ/ 22 ਅਪ੍ਰੈਲ:
(ਰਵਿੰਦਰ ਸਿੰਘ ਢੀਂਡਸਾ)
ਜ਼ਿਲਾ ਬਾਰ ਐਸੋਸੀਏਸ਼ਨ ਵੱਲੋਂ ਅੱਜ ਫ਼ਤਹਿਗੜ੍ਹ ਸਾਹਿਬ ਵਿਖੇ ਰੋਟਰੀ ਕਲੱਬ ਦੇ ਸਹਿਯੋਗ ਨਾਲ ਇੱਕ ਖੂਨਦਾਨ ਕੈਂਪ ਲਗਾਇਆ ਗਿਆ।ਬਾਰ ਐਸੋਸੀਏਸ਼ਨ ਦੇ ਪ੍ਰਧਾਨ ਐਡਵੋਕੇਟ ਅਮਰਦੀਪ ਸਿੰਘ ਧਾਰਨੀ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਅੱਜ ਧਰਤੀ ਦਿਵਸ ਦੇ ਮੌਕੇ 'ਤੇ ਇਹ ਖੂਨਦਾਨ ਕੈਂਪ ਲਗਾਇਆ ਗਿਆ ਸੀ ਜਿਸ ਵਿੱਚ ਬਾਰ ਐਸੋਸੀਏਸ਼ਨ ਦੇ ਮੈਂਬਰਾਂ ਅਤੇ ਕਲਰਕ ਐਸੋਸੀਏਸ਼ਨ ਦੇ ਮੈਂਬਰਾਂ ਨੇ ਵੱਡੀ ਗਿਣਤੀ 'ਚ ਸ਼ਮੂਲੀਅਤ ਕਰਦੇ ਹੋਏ ਖੂਨਦਾਨ ਕੀਤਾ ਜਿਨਾਂ ਦੀ ਹੌਸਲਾ ਅਫਜ਼ਾਈ ਕਰਨ ਲਈ ਜ਼ਿਲਾ ਸੈਸ਼ਨਜ਼ ਜੱਜ ਅਰੁਣ ਕੁਮਾਰ ਗੁਪਤਾ,ਐਡੀਸ਼ਨਲ ਸੈਸ਼ਨਜ਼ ਜੱਜ ਡਾ. ਹਰਪ੍ਰੀਤ ਕੌਰ,ਪ੍ਰਿੰਸੀਪਲ ਜੱਜ ਬਿਕਰਮਜੀਤ ਸਿੰਘ,ਸੀ.ਜੇ.ਐਮ. ਪਾਮੇਲਪ੍ਰੀਤ ਕੌਰ,ਜੇ.ਐਮ.ਆਈ.ਸੀ. ਅੰਕਿਤਾ ਗੁਪਤਾ,ਜੁਡੀਸ਼ੀਅਲ ਮੈਜਿਸਟ੍ਰੈਟ ਕ੍ਰਿਸ਼ਨਾਅਨੁਜਾ ਮਿੱਤਲ,ਜੁਡੀਸ਼ੀਲ ਮੈਜਿਸਟ੍ਰੈਟ ਅਮਿਤ ਬਖਸ਼ੀ ਅਤੇ ਜੱਜ ਪ੍ਰੇਰਨਾ ਗੁਪਤਾ ਵੀ ਵਿਸ਼ੇਸ਼ ਤੌਰ 'ਤੇ ਪਹੁੰਚੇ।ਐਡਵੋਕੇਟ ਧਾਰਨੀ ਨੇ ਕਿਹਾ ਕਿ ਐਡਵੋਕੇਟ ਮਨਪ੍ਰੀਤ ਸਿੰਘ ਸ਼ਾਹੀ ਵੱਲੋਂ ਅੱਜ 119ਵੀਂ ਵਾਰ ਖੂਨ ਦਾਨ ਕੀਤਾ ਗਿਆ ਹੈ।ਇਸ ਮੌਕੇ ਬਾਰ ਦੇ ਵਾਈਸ ਪ੍ਰਧਾਨ ਭਵਨਪੁਨੀਤ ਰੰਗੀ,ਸੈਕਟਰੀ ਵਿਵੇਕ ਸ਼ਰਮਾ,ਕੈਸ਼ੀਅਰ ਮਿਅੰਕ ਖੁਰਮੀ,ਜੁਆਇੰਟ ਸੈਕਟਰੀ ਕਮਲਜੀਤ ਸਿੰਘ ਅਤੇ ਰੀਨਾ ਰਾਣੀ ਆਦਿ ਵੀ ਮੌਜ਼ੂਦ ਸਨ।