Thursday, May 30, 2024  

ਰਾਜਨੀਤੀ

ਜੀਤਮਹਿੰਦਰ ਸਿੱਧੂ ਵੱਲੋਂ ਲੰਬੀ ਹਲਕੇ ’ਚ ਮਹੇਸ਼ਇੰਦਰ ਬਾਦਲ ਦੇ ਘਰੋਂ ਚੋਣ ਮੁਹਿੰਮ ਦਾ ਆਗਾਜ਼

April 22, 2024

ਮਹੇਸ਼ਇੰਦਰ ਦੇ ਲੋਕ-ਆਧਾਰ ਸਦਕਾ ਵਰਕਰ ਮੀਟਿੰਗ ਨੇ ਧਾਰਿਆ ਵਿਸ਼ਾਲ ਜਲਸੇ ਦਾ ਰੂਪ, ਮੌਕੇ ’ਤੇ ਪੰਡਾਲ ਵੱਡਾ ਕਰਨਾ ਪਿਆ
- ਤੇਜਾ ਸਿੰਘ ਬਾਦਲ ਦੀਆਂ ਬਰੂਹਾਂ ਨੇ ਮੁੱਖ ਮੰਤਰੀ, ਸੰਸਦ ਮੈਂਬਰ ਤੇ ਵਿਧਾਇਕ-ਮੰਤਰੀ: ਜੀਤਮਹਿੰਦਰ ਸਿੱਧੂ

ਡੱਬਵਾਲੀ, 22 ਅਪ੍ਰੈਲ (ਇਕਬਾਲ ਸਿੰਘ ਸ਼ਾਂਤ) : ਬਠਿੰਡਾ ਤੋਂ ਕਾਂਗਰਸ ਉਮੀਦਵਾਰ ਜੀਤਮਹਿੰਦਰ ਸਿੰਘ ਸਿੱਧੂ ਨੇ ਅੱਜ ਪਿੰਡ ਬਾਦਲ ਵਿਖੇ ਸਾਊ ਸਿਆਸਤ ਦੇ ਧਾਰਨੀ ਪ੍ਰਮੁੱਖ ਕਾਂਗਰਸ ਆਗੂ ਮਹੇਸ਼ਇੰਦਰ ਸਿੰਘ ਬਾਦਲ ਦੀ ਰਿਹਾਇਸ਼ ’ਤੇ ਵਿਸ਼ਾਲ ਇਕੱਠ ਦੀ ਮੌਜੂਦਗੀ ’ਚ ਲੰਬੀ ਹਲਕੇ ’ਚ ਚੋਣ ਮੁਹਿੰਮ ਦਾ ਆਗਾਜ਼ ਕੀਤਾ। ਲੰਬੀ ਹਲਕੇ ਦੀ ਸਿਆਸੀ ਦਿਸ਼ਾ ਤੈਅ ਕਰਨ ਦਾ ਵਜੂਦ ਰੱਖਦੇ ਮਹੇਸ਼ਇੰਦਰ ਸਿੰਘ ਬਾਦਲ ਅਤੇ ਫਤਿਹ ਸਿੰਘ ਬਾਦਲ ਦੇ ਲੋਕ-ਆਧਾਰ ਸਦਕਾ ਸਰਗਰਮ ਵਰਕਰਾਂ ਦੀ ਮੀਟਿੰਗ ਵਿਸ਼ਾਲ ਜਲਸੇ ਦਾ ਰੂਪ ਧਾਰ ਗਈ। ਚੱਲਦੀ ਮੀਟਿੰਗ ਦੌਰਾਨ ਹੋਰ ਟੈਂਟ ਲਗਾ ਕੇ ਪੰਡਾਲ ਦਾ ਦਾਇਰਾ ਵਧਾਉਣਾ ਪੈ ਗਿਆ। ਸਭ ਤੋਂ ਵੱਡੀ ਵਿਸ਼ੇਸ਼ਤਾ ਰਹੀ ਕਿ ਸਮਾਗਮ ਦੇ ਪ੍ਰਬੰਧਕ ਮਹੇਇੰਦਰ ਸਿੰਘ ਬਾਦਲ ਖੁਦ ਪੰਡਾਲ ’ਚ ਅਖੀਰਲੀ ਕਤਾਰ ’ਚ ਵਰਕਰਾਂ ’ਚ ਬੈਠੇ ਰਹੇ।


ਇਸ ਮੌਕੇ ਸੀਨੀਅਰ ਕਾਂਗਰਸ ਆਗੂ ਫਤਿਹ ਸਿੰਘ ਬਾਦਲ ਨੇ ਕਾਂਗਰਸ ਉਮੀਦਵਾਰ ਦਾ ਸਵਾਗਤ ਕਰਦੇ ਲੰਬੀ ਹਲਕੇ ਵਿੱਚੋਂ ਜੀਤਮਹਿੰਦਰ ਸਿੰਘ ਸਿੱਧੂ ਨੂੰ ਵੱਡੇ ਫ਼ਰਕ ਨਾਲ ਜਿਤਾ ਕੇ ਭੇਜਣ ਦਾ ਵਿਸ਼ਵਾਸ ਦਿੱਤਾ। ਇਸ ਮੌਕੇ ਜੀਤ ਮਹਿੰਦਰ ਸਿੰਘ ਸਿੱਧੂ ਨੇ ਸਿੱਝਵੇਂ ਭਾਸ਼ਨ ’ਚ ਆਖਿਆ ਕਿ ਉਨ੍ਹਾਂ ਨੂੰ ਲੰਬੀ ’ਚ ਉਸ ਘਰੋਂ ਚੋਣ ਮੁਹਿੰਮ ਆਰੰਭਣ ਦਾ ਮੌਕਾ ਮਿਲਿਆ ਹੈ, ਜਿਸਦੇ ਮੋਢੀ ਸਵ. ਸ. ਤੇਜਾ ਸਿੰਘ ਬਾਦਲ ਦੀ ਸਰਪ੍ਰਸਤੀ ਹੇਠ ਸਵ. ਸ੍ਰੀ ਪ੍ਰਕਾਸ਼ ਸਿੰਘ ਬਾਦਲ ਨੂੰ ਪਹਿਲੀ ਵਾਰ ਮੁੱਖ ਮੰਤਰੀ ਅਤੇ ਜਗਮੀਤ ਸਿੰਘ ਬਰਾੜ ਨੂੰ ਸੰਸਦ ਮੈਂਬਰ ਅਤੇ ਕਈਆਂ ਨੂੰ ਵਿਧਾਇਕ-ਮੰਤਰੀ ਬਣਨ ਦਾ ਮੌਕਾ ਮਿਲਿਆ ਹੈ। ਸਿੱਧੂ ਨੇ ਮਹੇਸ਼ਇੰਦਰ ਸਿੰਘ ਬਾਦਲ ਨੂੰ ਰਿਸ਼ਤੇ ’ਚ ‘ਮਾਮਾ’ ਦੱਸਦੇ ਹਨ ਕਿ ਸਾਊ ਲੋਕ ਆਗੂ ਮਹੇਸ਼ ਜੀ ਦਾ ਸਮਾਜਿਕ ਨਿੱਘ ਵਾਲੀ ਛਤਰੀ ਦਾ ਫੈਲਾਅ ਇੰਨਾ ਵਿਸ਼ਾਲ ਹੈ ਕਿ ਲੋਕਾਂ ਦਾ ਸੈਲਾਬ ਇਨ੍ਹਾਂ ਦੀ ਨਿਮਰਤਾ ਤੇ ਸੁਭਾਅ ਪ੍ਰਤੀ ਵਿਲੱਖਣ ਖਿੱਚ ਰੱਖਦਾ ਹੈ।


ਸ੍ਰੀ ਸਿੱਧੂ ਨੇ ਲੰਬੀ ਹਲਕੇ ਦੇ ਵਰਕਰਾਂ ਨੂੰ ਫਤਿਹ ਸਿੰਘ ਬਾਦਲ ਦੀ ਅਗਵਾਈ ਹੇਠਾਂ ਭਖਵੀਂ ਚੋਣ ਮੁਹਿੰਮ ਵਿੱਢਣ ਦਾ ਸੱਦਾ ਦਿੰਦੇ ਕਿਹਾ ਕਿ ਇਹ ਲੜਾਈ ਅਣਖ, ਸੱਚਾਈ, ਇਲਾਕੇ ਦੀ ਬਿਹਤਰੀ ਤੇ ਵਿਕਾਸ ਲਈ ਜਿੱਤਣ ਦੀ ਹੈ। ਉਨ੍ਹਾਂ 30 ਸਾਲਾਂ ਤੋਂ ਤਲਵੰਡੀ ਸਾਬੋ ਦੀ ਸੇਵਾ ਦਾ ਵੇਰਵੇ ਪਾਉਂਦੇ ਕਿਹਾ ਕਿ ਉਵੇਂ ਹੀ ਬਠਿੰਡਾ ਦੇ 9 ਹਲਕਿਆਂ ਦੇ ਵਰਕਰਾਂ ਨਾਲ ਖੜ੍ਹਨਗੇ। ਉਨ੍ਹਾਂ ਵਿਰੋਧੀ ਧਿਰਾਂ ’ਤੇ ਤਿੱਖੇ ਹਮਲੇ ਕਰਦੇ ਕਿਹਾ ਕਿ ਕੋਈ ਆਗੂ ਚੋਣ ਹਲਕਿਆਂ ਦੀ ਰਜਿਸਟਰੀ ਕਰਵਾ ਕੇ ਨਹੀਂ ਆਉਂਦਾ। ਉਹ 24 ਘੰਟੇ ਵਰਕਰਾਂ ਦੀ ਸੇਵਾ ਵਿੱਚ ਹਾਜ਼ਰ ਰਹਿਣਗੇ।
ਜੀਤਮਹਿੰਦਰ ਸਿੱਧੂ ਨੇ ਮੰਤਰੀ ਗੁਰਮੀਤ ਖੁੱਡੀਆਂ ’ਤੇ ਨਿਸ਼ਾਨਾ ਸਾਧਦੇ ਕਿਹਾ ਕਿ ਜਿੰਨੇ ਉਤਸਾਹ ਨਾਲ ਲੋਕਾਂ ਨੇ ਪੰਜ ਵਾਰ ਦੇ ਮੁੱਖ ਮੰਤਰੀ ਨੂੰ ਹਰਾਉਣ ਦਾ ਮੌਕਾ ਬਖਸ਼ਿਆ, ਉਸਦੇ ਮੁਤਾਬਕ ਜਥੇਦਾਰ ਲੋਕ ਉਮੀਦਾਂ ’ਤੇ ਖ਼ਰਾ ਨਹੀਂ ਉੱਤਰਿਆ, ਸਗੋਂ ਕੁੱਝ ਬੰਦਿਆਂ ’ਚ ਘਿਰ ਕੇ ਰਹਿ ਗਿਆ। ਸਟੇਜ ਦਾ ਸੰਚਾਲਨ ਬਚਿੱਤਰ ਸਿੰਘ ਹਾਕੂਵਾਲਾ ਨੇ ਕੀਤਾ।
ਇਸ ਮੌਕੇ ਜ਼ਿਲ੍ਹਾ ਕਾਂਗਰਸ ਦੇ ਪ੍ਰਧਾਨ ਸ਼ੁਭਦੀਪ ਸਿੰਘ ਬਿੱਟੂ, ਹਲਕਾ ਬੱਲੂਆਣਾ ਦੇ ਇੰਚਾਰਜ਼ ਬੀਬੀ ਰਾਜਿੰਦਰ ਕੌਰ, ਜੈਵੀਰ ਸਿੰਘ ਬਾਦਲ, ਗੁਰਬਾਜ਼ ਸਿੰਘ ਸਿੱੱਧੂ, ਬਲਾਕ ਪ੍ਰਧਾਨ ਕੁਲਵੰਤ ਭੀਟੀਵਾਲਾ, ਬਲਰਾਜ ਲੰਬੀ, ਬਹਾਦਰ ਗਰੇਵਾਲ, ਸਰਪੰਚ ਪਰਮਜੀਤ ਕੰਦੂਖੇੜਾ, ਗੁਰਜੰਟ ਸਿੰਘ ਬਰਾੜ, ਜ਼ਿਲ੍ਹਾ ਸੀਨੀਅਰ ਮੀਤ ਪ੍ਰਧਾਨ ਬੱਗਾ ਜਟਾਣਾ, ਨੱਥਾ ਸਿੰਘ ਰੋੜਾਂਵਾਲੀ, ਨੈਬ ਸਿੰਘ ਢਿੱਲੋਂ, ਰਛਪਾਲ ਸਿੰਘ ਨੰਬਦਦਾਰ, ਸਰਪੰਚ ਜ਼ਬਰਜੰਗ ਸਿੰਘ ਬਾਦਲ, ਸਰਪੰਚ ਮਨਦੀਪ ਸਿੰਘ ਫਤੂਹੀਵਾਲਾ, ਗੋਰਾ ਸੰਧੂ ਰਾਣੀਵਾਲਾ, ਸਰਪੰਚ ਸਵਰਨ ਖਿਉਵਾਲੀ, ਸਰਪੰਚ ਮੇਵਾ ਸਿੰਘ ਲਾਲਬਾਈ, ਤੋਜੀ ਮਿੱਡਾ, ਨਛੱਤਰ ਸਿੰਘ ਕਰਮਗੜ੍ਹ, ਸੰਨੀ ਕਰਮਗੜ੍ਹ, ਸੰਤੋਖ ਸਿੰਘ ਵਕੀਲ, ਬੌਬੀ ਲਾਲਬਾਈ, ਸਰਪੰਚ ਵਿੱਕੀ ਤਰਮਾਲਾ, ਟੋਨੀ ਸਰਪੰਚ ਡੂਮਵਾਲੀ, ਸਾਹਿਬ ਸਿੰਘ ਭੁੱਲਰ, ਰਾਜੂ ਜਟਾਣਾ, ਜਗਤਾਰ ਪਥਰਾਲਾ, ਹਰਮੀਤ ਸਿੰਘ ਮਾਨ, ਪੱਪੀ ਮਿਠੜੀ, ਰਾਜਾ ਭੁੱਲਰਵਾਲਾ, ਦੇਵੀ ਲਾਲ ਘੁਮਿਆਰਾ, ਸੁਰਿੰਦਰ ਸਿੰਘ ਢਿੱਲੋਂ, ਲਾਲ ਚੰਦ ਮੈਂਬਰ, ਗੁਰਜੰਟ ਸਿੰਘ ਭੁਪਾਲ, ਸੁਖਵਿੰਦਰ ਚੰਦੀ, ਗੁਰਵਿੰਦਰ ਲੰਬੀ, ਰੋਮੀ ਲੰਬੀ ਅਤੇ ਛਿੰਦਰ ਲੰਬੀ ਵੀ ਮੌਜੂਦ ਸਨ।

ਜੀਤਮਹਿੰਦਰ ਸਿੱਧੂ ਦੀ ਕੁੱਤੀਵਾਲ ਨਾਲ ਕਮਰਾਬੰਦ ਮੀਟਿੰਗ
ਪਿੰਡ ਬਾਦਲ ’ਚ ਮਹੇਸ਼ਇੰਦਰ ਸਿੰਘ ਬਾਦਲ ਦੇ ਯਤਨਾਂ ਸਦਕਾ ਸਾਬਕਾ ਵਿਧਾਇਕ ਗੁਰਜੰਟ ਸਿੰਘ ਕੁੱਤੀਵਾਲ ਵੀ ਕਾਂਗਰਸ ਉਮੀਦਵਾਰ ਜੀਤਮਹਿੰਦਰ ਸਿੱਧੂ ਦੀ ਚੋਣ ਮੁਹਿੰਮ ਹੁਲਾਰਾ ਦੇਣ ਲਈ ਤੁਰ ਪਏ ਹਨ। ਉਨ੍ਹਾਂ ਦੀ ਮਹੇਸ਼ਇੰਦਰ ਬਾਦਲ ਦੀ ਰਿਹਾਇਸ਼ ’ਤੇ ਜੀਤ ਮਹਿੰਦਰ ਸਿੱਧੂ ਦੀ ਬੰਦ ਕਮਰਾ ਮੀਟਿੰਗ ਹੋਈ। ਬਾਅਦ ’ਚ ਕੁੱਤੀਵਾਲ ਨੇ ਰਾਬਤਾ ਕਰਨ ’ਤੇ ਆਖਿਆ ਕਿ ਬਿਹਤਰ ਮਾਹੌਲ ’ਚ ਮੀਟਿੰਗ ਹੋਈ।

 

 

ਕੁਝ ਕਹਿਣਾ ਹੋ? ਆਪਣੀ ਰਾਏ ਪੋਸਟ ਕਰੋ

 

ਹੋਰ ਖ਼ਬਰਾਂ

ਯੂਪੀ ਵਿੱਚ ਬ੍ਰਿਜ ਭੂਸ਼ਣ ਸਿੰਘ ਦੇ ਬੇਟੇ ਦੇ ਕਾਫਲੇ ਦੀ ਕਾਰ ਦੀ ਲਪੇਟ ਵਿੱਚ ਆਉਣ ਕਾਰਨ ਦੋ ਬੱਚਿਆਂ ਦੀ ਮੌਤ, ਇੱਕ ਜ਼ਖ਼ਮੀ

ਯੂਪੀ ਵਿੱਚ ਬ੍ਰਿਜ ਭੂਸ਼ਣ ਸਿੰਘ ਦੇ ਬੇਟੇ ਦੇ ਕਾਫਲੇ ਦੀ ਕਾਰ ਦੀ ਲਪੇਟ ਵਿੱਚ ਆਉਣ ਕਾਰਨ ਦੋ ਬੱਚਿਆਂ ਦੀ ਮੌਤ, ਇੱਕ ਜ਼ਖ਼ਮੀ

CM ਕੇਜਰੀਵਾਲ ਨੇ ਅੰਤਰਿਮ ਜ਼ਮਾਨਤ ਦੇ 7 ਦਿਨਾਂ ਦੇ ਵਾਧੇ ਦੀ ਮੰਗ ਵਾਲੀ ਅਰਜ਼ੀ 'ਤੇ SC 'ਚ ਤੁਰੰਤ ਸੁਣਵਾਈ ਦੀ ਮੰਗ ਕੀਤੀ

CM ਕੇਜਰੀਵਾਲ ਨੇ ਅੰਤਰਿਮ ਜ਼ਮਾਨਤ ਦੇ 7 ਦਿਨਾਂ ਦੇ ਵਾਧੇ ਦੀ ਮੰਗ ਵਾਲੀ ਅਰਜ਼ੀ 'ਤੇ SC 'ਚ ਤੁਰੰਤ ਸੁਣਵਾਈ ਦੀ ਮੰਗ ਕੀਤੀ

ਮੋਦੀ ਜੀ ਹਿਮਾਚਲ ’ਚ ਆਫ਼ਤ ਸਮੇਂ ਨਹੀਂ ਆਏ : ਪ੍ਰਿਯੰਕਾ ਗਾਂਧੀ

ਮੋਦੀ ਜੀ ਹਿਮਾਚਲ ’ਚ ਆਫ਼ਤ ਸਮੇਂ ਨਹੀਂ ਆਏ : ਪ੍ਰਿਯੰਕਾ ਗਾਂਧੀ

ਕਿਸੇ ਦਹਿਸ਼ਤਗਰਦ ਜਾਂ ਪੱਥਰਬਾਜ਼ ਦੇ ਪਰਿਵਾਰਕ ਮੈਂਬਰ ਨੂੰ ਜੰਮੂ ਕਸ਼ਮੀਰ ’ਚ ਨਹੀਂ ਮਿਲੇਗੀ ਸਰਕਾਰੀ ਨੌਕਰੀ : ਸ਼ਾਹ

ਕਿਸੇ ਦਹਿਸ਼ਤਗਰਦ ਜਾਂ ਪੱਥਰਬਾਜ਼ ਦੇ ਪਰਿਵਾਰਕ ਮੈਂਬਰ ਨੂੰ ਜੰਮੂ ਕਸ਼ਮੀਰ ’ਚ ਨਹੀਂ ਮਿਲੇਗੀ ਸਰਕਾਰੀ ਨੌਕਰੀ : ਸ਼ਾਹ

ਕੇਜਰੀਵਾਲ ਨੇ ਸੁਪਰੀਮ ਕੋਰਟ ’ਚ 7 ਦਿਨ ਹੋਰ ਜ਼ਮਾਨਤ ਵਧਾਉਣ ਲਈ ਦਿੱਤੀ ਅਰਜ਼ੀ

ਕੇਜਰੀਵਾਲ ਨੇ ਸੁਪਰੀਮ ਕੋਰਟ ’ਚ 7 ਦਿਨ ਹੋਰ ਜ਼ਮਾਨਤ ਵਧਾਉਣ ਲਈ ਦਿੱਤੀ ਅਰਜ਼ੀ

ਮੁੱਖ ਮੰਤਰੀ ਕੇਜਰੀਵਾਲ ਨੇ ਅੰਤਰਿਮ ਜ਼ਮਾਨਤ ਦੀ ਮਿਆਦ 7 ਦਿਨਾਂ ਲਈ ਵਧਾਉਣ ਲਈ ਸੁਪਰੀਮ ਕੋਰਟ 'ਚ ਪਟੀਸ਼ਨ ਦਾਇਰ ਕੀਤੀ

ਮੁੱਖ ਮੰਤਰੀ ਕੇਜਰੀਵਾਲ ਨੇ ਅੰਤਰਿਮ ਜ਼ਮਾਨਤ ਦੀ ਮਿਆਦ 7 ਦਿਨਾਂ ਲਈ ਵਧਾਉਣ ਲਈ ਸੁਪਰੀਮ ਕੋਰਟ 'ਚ ਪਟੀਸ਼ਨ ਦਾਇਰ ਕੀਤੀ

 ਸ਼੍ਰੋਮਣੀ ਅਕਾਲੀ ਦਲ ਨੇ ਆਦੇਸ਼ ਪ੍ਰਤਾਪ ਕੈਰੋਂ ਨੂੰ ਪਾਰਟੀ ’ਚੋਂ ਕੱਢਿਆ

ਸ਼੍ਰੋਮਣੀ ਅਕਾਲੀ ਦਲ ਨੇ ਆਦੇਸ਼ ਪ੍ਰਤਾਪ ਕੈਰੋਂ ਨੂੰ ਪਾਰਟੀ ’ਚੋਂ ਕੱਢਿਆ

‘ਇੰਡੀਆ’ ਗੱਠਜੋੜ ਨੂੰ ਘੱਟੋ-ਘੱਟ 300 ਸੀਟਾਂ ਮਿਲਣੀਆਂ : ਕਾਂਗਰਸ

‘ਇੰਡੀਆ’ ਗੱਠਜੋੜ ਨੂੰ ਘੱਟੋ-ਘੱਟ 300 ਸੀਟਾਂ ਮਿਲਣੀਆਂ : ਕਾਂਗਰਸ

ਮੋਦੀ ਦੀਆਂ ਰੈਲੀਆਂ ਤੋਂ ਪਹਿਲਾਂ ਪੁਲਿਸ ਨੇ ਕਿਸਾਨ ਆਗੂ ਕੀਤੇ ਨਜ਼ਰਬੰਦ ਤੇ ਗ੍ਰਿਫ਼ਤਾਰ

ਮੋਦੀ ਦੀਆਂ ਰੈਲੀਆਂ ਤੋਂ ਪਹਿਲਾਂ ਪੁਲਿਸ ਨੇ ਕਿਸਾਨ ਆਗੂ ਕੀਤੇ ਨਜ਼ਰਬੰਦ ਤੇ ਗ੍ਰਿਫ਼ਤਾਰ

ਰਾਹੁਲ ਅੱਜ ਅੰਮ੍ਰਿਤਸਰ ’ਚ ਚੋਣ ਰੈਲੀ ਨੂੰ ਕਰਨਗੇ ਸੰਬੋਧਨ

ਰਾਹੁਲ ਅੱਜ ਅੰਮ੍ਰਿਤਸਰ ’ਚ ਚੋਣ ਰੈਲੀ ਨੂੰ ਕਰਨਗੇ ਸੰਬੋਧਨ