ਸ੍ਰੀ ਫ਼ਤਹਿਗੜ੍ਹ ਸਾਹਿਬ, 23 ਅਪ੍ਰੈਲ (ਰਵਿੰਦਰ ਸਿੰਘ ਢੀਂਡਸਾ) : “ਜੋ ਆਮ ਆਦਮੀ ਪਾਰਟੀ ਦਾ ਚੋਣ ਮਨੋਰਥ ਪੱਤਰ ਹੈ, ਉਸ ਵਿਚ ਰਾਮ ਰਾਜ ਦੇ ਬਚਨ ਆਉਦੇ ਹਨ । ਬੀਜੇਪੀ ਨੇ ਜੋ ਸਤਿਕਾਰਯੋਗ ਇੰਡੀਆਂ ਦੇ ਨਾਮ ਉਤੇ ‘ਭਾਰਤ’ ਨਾਮ ਰੱਖਣ ਦਾ ਅਮਲ ਕੀਤਾ ਹੈ, ਉਸ ਸੰਬੰਧੀ ਇਤਿਹਾਸ ਵਰਣਨ ਕਰਦਾ ਹੈ ਕਿ ਭਾਰਤ ਤੇ ਸ੍ਰੀ ਰਾਮ ਜੀ ਜੋ ਕਸੱਤਰੀ ਉਹ ਧਰਮੀ ਬਣੇ ਸੀ ਅਤੇ ਮੰਨੂਸਮ੍ਰਿਤੀ ਦੀ ਸੋਚ ਕਸੱਤਰੀ ਰਾਜ ਭਾਗ ਦੀ ਹੀ ਗੱਲ ਕਰਦੀ ਹੈ ਜੋ ਸੂਦਰ ਅਤੇ ਮਲੇਸ ਹਨ, ਉਨ੍ਹਾਂ ਨੂੰ ਰਾਜ ਭਾਗ ਦੇਣ ਉਤੇ ਇੰਝ ਪੇਸ਼ ਕਰਦੀ ਹੈ ਜਿਵੇ ਇਕ ਗਊ ਦਲਦਲ ਵਿਚ ਫਸ ਜਾਵੇ ਅਤੇ ਇਨ੍ਹਾਂ ਨੂੰ ਰਾਜ ਭਾਗ ਦੇ ਕੇ ਮੁਲਕ ਖਤਮ ਹੋ ਜਾਵੇਗਾ । ਉਸਦੇ ਉਲਟ ਭਗਤ ਰਵੀਦਾਸ ਜੀ ਜੋ ਹੋਏ ਹਨ, ਉਨ੍ਹਾਂ ਦੀ ਬਾਣੀ ਸਰਬਸਾਂਝੇ ਬੇਗਮਪੁਰੇ ਦੀ ਗੱਲ ਕਰਦੀ ਹੈ । ਜਿਸ ਨੂੰ ਸਮੁੱਚੀ ਮਨੁੱਖਤਾ ਲਈ ਇਕ ਸਵਰਗ ਵੱਲ ਲੈਕੇ ਜਾਂਦੀ ਹੈ । ਸਾਡੀ ਸਿੱਖ ਕੌਮ ਦੀ ‘ਮਾਨਸਿ ਕੀ ਜਾਤ ਸਭੈ ਏਕੋ ਪਹਿਚਾਨਬੋ’ ਜੀ ਦੀ ਅਹਿਮ ਸੋਚ ਨੂੰ ਹੀ ਪ੍ਰਗਟ ਕਰਦੀ ਹੈ ।”ਇਹ ਵਿਚਾਰ ਇਮਾਨ ਸਿੰਘ ਮਾਨ ਸਰਪ੍ਰਸਤ ਯੂਥ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਅੱਜ ਇਥੇ ਗੁਰਦੁਆਰਾ ਫਤਹਿਗੜ੍ਹ ਸਾਹਿਬ ਵਿਖੇ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਵੱਲੋਂ ਪਾਰਲੀਮੈਂਟ ਹਲਕੇ ਤੋਂ ਪਾਰਟੀ ਵੱਲੋ ਖੜਾਏ ਜਾਣ ਵਾਲੇ ਰਾਜ ਜਤਿੰਦਰ ਸਿੰਘ ਬਿੱਟੂ ਅਤੇ ਸਮੁੱਚੇ ਪਾਰਟੀ ਮੈਬਰਾਂ ਨਾਲ ਇਸ ਮਹਾਨ ਅਸਥਾਂਨ ਉਤੇ ਨਤਮਸਤਕ ਹੁੰਦੇ ਹੋਏ ਅਤੇ ਉਨ੍ਹਾਂ ਦੇ ਚੋਣ ਪ੍ਰਚਾਰ ਲਈ ਆਗਾਜ ਕਰਨ ਹਿੱਤ ਸਮੂਹਿਕ ਤੌਰ ਤੇ ਅਰਦਾਸ ਕਰਨ ਉਪਰੰਤ ਪ੍ਰੈਸ ਨਾਲ ਵਿਚਾਰ ਸਾਂਝੇ ਕਰਦੇ ਹੋਏ ਪ੍ਰਗਟ ਕੀਤੇ । ਉਨ੍ਹਾਂ ਕਿਹਾ ਕਿ ਅਸੀਂ ਕੇਵਲ ਫਤਿਹਗੜ੍ਹ ਸਾਹਿਬ ਪਾਰਲੀਮੈਟ ਹਲਕੇ ਵਿਚ ਹੀ ਨਹੀ ਬਲਕਿ ਸਮੁੱਚੇ ਪੰਜਾਬ ਦੀਆਂ 13 ਲੋਕ ਸਭਾ ਸੀਟਾਂ, 2 ਹਰਿਆਣਾ ਦੀਆਂ ਕਰਨਾਲ ਅਤੇ ਕੁਰੂਕਸੇਤਰ ਪਾਰਲੀਮੈਟ ਹਲਕੇ, 1 ਚੰਡੀਗੜ੍ਹ ਅਤੇ 1 ਜੰਮੂ ਕਸਮੀਰ ਦੇ ਸ੍ਰੀਨਗਰ ਹਲਕੇ ਤੋਂ ਆਪਣੇ ਪਾਰਟੀ ਉਮੀਦਵਾਰ ਖੜ੍ਹੇ ਕਰਦੇ ਹੋਏ ਇਸ ਸੋਚ ਤੇ ਸਿਧਾਤ ਨੂੰ ਲੈਕੇ ਹੀ ਚੋਣ ਲੜ ਰਹੇ ਹਾਂ ਕਿ ਇਥੇ ਬਿਨ੍ਹਾਂ ਕਿਸੇ ਭੇਦਭਾਵ, ਜਾਤ-ਪਾਤ, ਊਚ-ਨੀਚ, ਅਮੀਰ-ਗਰੀਬ ਆਦਿ ਦੇ ਵਖਰੇਵਿਆ ਤੋ ਬਿਨ੍ਹਾਂ ਬਰਾਬਰਤਾ ਦੇ ਆਧਾਰ ਤੇ ਅੱਜ ਪ੍ਰਣ ਕਰਦੇ ਹਾਂ ਕਿ ਇਸ ਦੇਸ ਦਾ ਨਾਮ ਭਾਰਤ ਦੇ ਥਾਂ ਤੇ ‘ਬੇਗਮਪੁਰਾ’ ਰੱਖਣ ਲਈ ਇਹ ਉਮੀਦਵਾਰ ਜਿੱਤਕੇ ਪਾਰਲੀਮੈਟ ਵਿਚ ਇਸ ਲਈ ਆਵਾਜ ਉਠਾਉਣਗੇ ਤਾਂ ਕਿ ਬਰਾਬਰਤਾ ਤੇ ਇਨਸਾਫ ਨੂੰ ਮੁੱਖ ਰੱਖਦੇ ਹੋਏ ਇਸ ਵਿਧਾਨ ਦੇ ਰਚਣਹਾਰੇ ਡਾ. ਬੀ.ਆਰ.ਅੰਬੇਦਕਰ ਦੀ ਸੋਚ ਨੂੰ ਪੂਰਨ ਰੂਪ ਵਿਚ ਇਸ ਬੇਗਮਪੁਰਾ ਦੇ ਮੁਲਕ ਵਿਚ ਸਹੀ ਮਾਇਨਿਆ ਵਿਚ ਲਾਗੂ ਕੀਤਾ ਜਾ ਸਕੇ।