ਏਜੰਸੀਆਂ
ਅਲੀਗੜ੍ਹ/23 ਅਪ੍ਰੈਲ : 2014 ਤੋਂ ਅਲੀਗੜ੍ਹ ਮੁਸਲਿਮ ਯੂਨੀਵਰਸਿਟੀ ਦੇ ਮਹਿਲਾ ਕਾਲਜ ਦੀ ਪ੍ਰਿੰਸੀਪਲ ਨਈਮਾ ਖਾਤੂਨ ਗੁਲਰੇਜ਼ ਨੂੰ ਯੂਨੀਵਰਸਿਟੀ ਦੀ ਪਹਿਲੀ ਮਹਿਲਾ ਵਾਈਸ-ਚਾਂਸਲਰ ਵਜੋਂ ਨਿਯੁਕਤ ਕੀਤਾ ਗਿਆ ਹੈ। ਦੱਸਣਾ ਬਣਦਾ ਹੈ ਕਿ 104 ਸਾਲ ਵਿੱਚ ਇਸ ਯੂਨੀਵਰਸਿਟੀ ’ਚ ਉਨ੍ਹਾਂ ਨੂੰ ਪਹਿਲੀ ਮਹਿਲਾ ਵੀਸੀ ਵਜੋਂ ਨਿਯੁਕਤ ਕੀਤਾ ਗਿਆ ਹੈ। ਉਨ੍ਹਾਂ ਨੇ ਨਵੇਂ ਵਾਈਸ ਚਾਂਸਲਰ ਵਜੋਂ ਚਾਰਜ ਸੰਭਾਲ ਲਿਆ ਹੈ। ਇਸ ਅਹੁਦੇ ਲਈ ਏਐਮਯੂ ਵੱਲੋਂ ਤਿੰਨ ਉਮੀਦਵਾਰਾਂ ਨੂੰ ਸ਼ਾਰਟਲਿਸਟ ਕੀਤਾ ਗਿਆ ਸੀ ਤੇ ਪਿਛਲੇ ਨਵੰਬਰ ਵਿੱਚ ਅੰਤਿਮ ਚੋਣ ਲਈ ਰਾਸ਼ਟਰਪਤੀ ਦਰੋਪਦੀ ਮੁਰਮੂ ਨੂੰ ਨਾਮ ਭੇਜੇ ਗਏ ਸਨ। ਪ੍ਰੋਫੈਸਰ ਮੁਜ਼ੱਫਰ ਉਰੂਜ ਰੱਬਾਨੀ, ਸਾਬਕਾ ਡੀਨ, ਮੈਡੀਸਨ ਫੈਕਲਟੀ, ਏਐਮਯੂ ਅਤੇ ਪ੍ਰੋਫੈਸਰ ਫੈਜ਼ਾਨ ਮੁਸਤਫਾ, ਵੀਸੀ, ਚਾਣਕਿਆ ਨੈਸ਼ਨਲ ਲਾਅ ਯੂਨੀਵਰਸਿਟੀ, ਪਟਨਾ, ਇਸ ਅਹੁਦੇ ਲਈ ਹੋਰ ਮੋਹਰੀ ਸਨ।