ਸ੍ਰੀ ਫ਼ਤਹਿਗੜ੍ਹ ਸਾਹਿਬ/24 ਅਪ੍ਰੈਲ :
(ਰਵਿੰਦਰ ਸਿੰਘ ਢੀਂਡਸਾ)
ਪ੍ਰਗਤੀਸ਼ੀਲ ਲੇਖਕ ਸੰਘ ਫਤਿਹਗੜ੍ਹ ਸਾਹਿਬ ਵੱਲੋਂ ਪ੍ਸਿੱਧ ਲੇਖਕ ਗੁਰਬਚਨ ਸਿੰਘ ਵਿਰਦੀ ਦੁਆਰਾ ਲਿਖਿਤ ਵਾਰਤਕ ਪੁਸਤਕ '' ਤੀਸਰੀ ਅੱਖ " ਤੇ ਵਿਚਾਰ ਚਰਚਾ ਕੀਤੀ ਗਈ ਜਿਸ ਵਿੱਚ ਡਾ. ਹਰਚੰਦ ਸਿੰਘ ਸਰਹਿੰਦੀ ਦਾ ਪਰਚਾ ਮਾਸਟਰ ਹਰਜੀਤ ਸਿੰਘ ਤਰਖਾਣ ਮਾਜਰਾ ਅਤੇ ਸੁਲੱਖਣ ਸਿੰਘ ਸਰਹੱਦੀ ਦਾ ਪੇਪਰ ਬਲਵਿੰਦਰ ਸਿੰਘ ਭੱਟੀ ਨੇ ਪੜ੍ਹਿਆ। ਇਸ ਵਿਚਾਰ ਚਰਚਾ ਦੇ ਪ੍ਰਧਾਨਗੀ ਮੰਡਲ ਵਿੱਚ ਮੁੱਖ ਮਹਿਮਾਨ ਸੁਰਜੀਤ ਜੱਜ, ਮਨਮੋਹਨ ਸਿੰਘ ਦਾਉ, ਡਾ. ਅਨੰਦ ਗੁਪਤਾ,ਡਾ. ਕੁਲਦੀਪ ਸਿੰਘ ਦੀਪ, ਗੁਰਬਚਨ ਸਿੰਘ ਵਿਰਦੀ, ਪ੍ਰੋ. ਅੱਛਰੂ ਸਿੰਘ ਸਾਮਿਲ ਸਨ। ਪੁਸਤਕ ਤੇ ਚਰਚਾ ਕਰਦਿਆਂ ਬੁਲਾਰਿਆਂ ਨੇ ਜਿਥੇ ਪ੍ਰਸੰਸਾ ਕਰਦਿਆਂ ਇਸ ਨੂੰ ਇਤਿਹਾਸ ਤੇ ਸਮਾਜਿਕ ਜੀਵਨ ਨੂੰ ਸੇਧ ਦੇਣ ਲਈ ਵਧੀਆ ਸਰੋਤ ਦੱਸਿਆ। ਉਥੇ ਕੁਝ ਬੁਲਾਰਿਆਂ ਨੇ ਪੁਸਤਕ 'ਚ ਆਏ ਵਿਖਿਆਨ ਦੇ ਸਰੋਤ ਜਰੂਰ ਦੱਸਣ ਦੀ ਗੱਲ ਕਹੀ।ਸਾਰੀ ਗੱਲ ਨੂੰ ਸਮੇਟਦੇ ਹੋਏ ਮੁੱਖ ਮਹਿਮਾਨ ਸੁਰਜੀਤ ਜੱਜ ਨੇ ਕਿਹਾ ਕਿ ਹਰ ਕਿਤਾਬ ਸੰਪੂਰਨ ਨਹੀ ਹੁੰਦੀ ਪਰ ਇਤਿਹਾਸ ਨੂੰ ਤੀਸਰੀ ਅੱਖ ਹੀ ਅੰਦਰਲੇ ਹਾਫ ਭਾਵ ਨੂੰ ਕਮਲ ਚੁੱਕ ਕੇ ਅੱਖਰਾਂ ਨਾਲ ਪਰੋ ਕੇ ਪੇਸ਼ ਕਰਨਾ ਸੌਖਾ ਨਹੀ ਹੁੰਦਾ ਪਰ ਲੇਖਕ ਗੁਰਬਚਨ ਸਿੰਘ ਵਿਰਦੀ ਨੇ ਇਹ ਕਰਕੇ ਦਿਖਾ ਦਿੱਤਾ। ਇਸ ਮੌਕੇ ਦਲਜੀਤ ਸਿੰਘ,ਸਤਨਾਮ ਸਿੰਘ,ਅਨਵਰ ਖਾਨ,ਉਰਮਿਲਾ, ਇਕਬਾਲ ਸਿੰਘ,ਵੀਨਾ ਵਰਮਾ, ਅਰਸ਼ਦੀਪ ਕੇੈਲੇ ਅਤੇ ਸਹਿਜ ਪ੍ਰੀਤ ਸਿੰਘ ਵੀ ਹਾਜ਼ਰ ਸਨ।