ਸ਼ਰਾਬ ਦੀ ਬੋਤਲ ਵਿੱਚੋਂ ਨਿਕਲਿਆ ਪਾਣੀ: ਹੋਰ ਬੋਤਲ ਦੇ ਕੇ ਮਾਮਲਾ ਕੀਤਾ ਠੱਪ

ਠੇਕੇ ਵਾਲਿਆਂ ਨੇ ਬੋਤਲ ਉਨਾਂ ਦੇ ਠੇਕੇ ਦੀ ਨਾ ਹੋਣ ਦੀ ਗੱਲ ਆਖੀ

ਬਨੂੜ, 29 ਅਪ੍ਰੈਲ (ਅਵਤਾਰ ਸਿੰਘ) :  ਰਿਸ਼ਤੇ-ਨਾਤਿਆਂ ਨੂੰ ਤਿਲਾਜ਼ਲੀ ਦੇ ਕੇ ਪੈਸੇ ਇਕੱਠ ਕਰਨ ਦੀ ਲੱਗੀ ਦੌੜ ਵਿੱਚ ਬਨੂੜ ਸ਼ਰਾਬ ਦੇ ਠੇਕਿਆਂ ਵਾਲਿਆਂ ਨੇ ਸ਼ਰਾਬ ਦੀ ਥਾਂ ਪਾਣੀ ਵੇਚਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਸ਼ਰਾਬ ਦੀ ਸੀਲਬੰਦ ਬੋਤਲ ਵਿੱਚ ਨਿਕਲੇ ਪਾਣੀ ਦੀ ਵੀਡਿਓ ਅੱਜ ਕੱਲ ਸ਼ੋਸਲ ਮੀਡੀਆਂ ਤੇ ਵਾਇਰਲ ਹੋ ਰਹੀ ਹੈ। ਜੋ ਪਿਆਕੜਾਂ ਨੂੰ ਚਕੌਨੇ ਹੋਣ ਲਈ ਪ੍ਰੇਰ ਰਹੀ ਹੈ।

ਸ਼ਰਾਬ ਖਰੀਦਣ ਵਾਲੇ ਬਨੂੜ ਦੇ ਨੌਜਵਾਨਾਂ ਨੇ ਦੱਸਿਆ ਕਿ ਉਨਾਂ ਬਨੂੜ ਬੈਰੀਅਰ ਚੌਂਕ ਵਿੱਚ ਸਥਿਤ ਸ਼ਾਰਬ ਦੇ ਠੇਕੇ ਤੇ ਬਲੈਕ ਐਂਡ ਵਾਇਟ ਦੀ 1200 ਰੁਪਏ ਦੀ ਬੋਤਲ ਖਰੀਦੀ ਤੇ ਆਪਣੇ ਹੋਰਨਾਂ ਦੋਸਤਾਂ ਨਾਲ ਠੇਕੇ ਦੇ ਨੇੜੇ ਆਪਣੀ ਦੁਕਾਨ ਵਿੱਚ ਬੈਠ ਕੇ ਪੀਣ ਲੱਗੇ। ਬੋਤਲ ਖਤਮ ਹੋਣ ਤੇ ਉਨਾਂ ਦੂਜੀ ਬੋਤਲ ਲਈ। ਉਨਾਂ ਦੱਸਿਆ ਕਿ ਦੂਜੀ ਬੋਤਲ ਵਿੱਚੋਂ ਅਜੇ ਇੱਕ ਇੱਕ ਪੈੱਗ ਪਾਇਆ ਸੀ, ਕਿ ਸੀਲਬੰਦ ਬੋਤਲ ‘ਚੋਂ ਪਾਣੀ ਨਿਕਲਿਆ। ਉਨਾਂ ਠੇਕੇ ਤੇ ਤਾਇਨਾਤ ਕਰਿੰਦੇ ਨੂੰ ਵੀ ਵਿਖਾਇਆ ਗਿਆ ਤੇ ਪਰ ਕਰਿੰਦੇਂ ਦੇ ਨਾ ਮੰਨਣ ਕਾਰਨ ਤਕਰਾਰ ਹੋ ਗਿਆ। ਭਾਂਵੇ ਰੋਲ੍ਹਾ ਪੈਣ ਤੇ ਠੇਕੇ ਵਾਲਿਆਂ ਨੇ ਦੂਜੀ ਬੋਤਲ ਦੇ ਕੇ ਮਾਮਲਾ ਖਤਮ ਕਰ ਦਿੱਤਾ, ਪਰ ਸ਼ੋਸਲ ਮੀਡੀਆਂ ਤੇ ਵਾਇਰਲ ਹੋਈ ਵੀਡਿਓ ਕਈ ਤਰਾਂ ਦੇ ਵਾਲ ਖੜੇ ਕਰ ਰਹੀ ਹੈ। ਜੋ ਉੱਚ ਪੱਧਰੀ ਜਾਂਚ ਦੀ ਮੰਗ ਕਰਦੀ ਹੈ।
ਦੂਜੇ ਪਾਸੇ ਠੇਕੇ ਦੇ ਇਨਚਾਰਜ ਮਿੰਟੂ ਨੇ ਸਪਸ਼ਟ ਕਰਦੇ ਹੋਏ ਕਿਹਾ ਕਿ ਬੋਤਲ ਦੀ ਟੁੱਟੀ ਹੋਈ ਸੀਲ ਤੋਂ ਬਾਅਦ ਕੋਈ ਗਰੰਟੀ ਨਹੀ ਤੇ ਨਾ ਹੀ ਉਹ ਬੋਤਲ ਉਨਾਂ ਦੇ ਸਟਾਕ ਵਿੱਚੋਂ ਦੀ ਹੈ। ਉਨਾਂ ਮੀਡੀਆ ਵਿੱਚ ਹੋਈ ਬਦਨਾਮੀ ਦਾ ਜਰੂਰ ਨੋਟਿਸ ਲੈਣ ਦੀ ਗੱਲ ਆਖੀ ਹੈ। ਫੋਟੋ ਕੈਪਸ਼ਨ:-ਸ਼ਰਾਬ ਦੀ ਬੋਤਲ ਵਿੱਚ ਨਿਕਲੇ ਪਾਣੀ ਨੂੰ ਵਿਖਾਂਉਦੇ ਹੋਏ ਨੌਜਵਾਨ