ਵਿਧਾਨ ਸਭਾ ਹਲਕਿਆਂ ’ਚ ਵਰਕਰਜ਼ ਮੀਟਿੰਗਾਂ ਕਰਨ ਦਾ ਫੈਸਲਾ
ਰੋਗਿਜ਼ ਸੋਢੀ
ਜਲੰਧਰ/29 ਅਪ੍ਰੈਲ : ਲੋਕ ਸਭਾ ਹਲਕਾ ਜਲੰਧਰ ਤੋਂ ਸੀਪੀਆਈ (ਐਮ) ਅਤੇ ਸੀਪੀਆਈ ਦੇ ਸਾਂਝੇ ਉਮੀਦਵਾਰ ਮਾਸਟਰ ਪਰਸ਼ੋਤਮ ਲਾਲ ਬਿਲਗਾ ਦੀ ਚੋਣ ਮੁਹਿੰਮ ਨੂੰ ਹੋਰ ਤੇਜ਼ ਕਰਨ ਲਈ ਪਾਰਟੀ ਦੇ ਜ਼ਿਲ੍ਹਾ ਆਗੂਆਂ ਦੀ ਸਾਂਝੀ ਮੀਟਿੰਗ ਕਾਮਰੇਡ ਹਰਜਿੰਦਰ ਸਿੰਘ ਮੌਜੀ ਤੇ ਕਾਮਰੇਡ ਮੂਲ ਚੰਦ ਸਰਹਾਲੀ ਦੀ ਪ੍ਰਧਾਨਗੀ ’ਚ ਹੋਈ । ਮੀਟਿੰਗ ਵਿੱਚ ਹਾਜ਼ਰ ਆਗੂਆਂ ਨੇ ਚੋਣ ਸਬੰਧੀ ਹੋਈ ਵਿਚਾਰ ਚਰਚਾ ਵਿੱਚ ਹਿੱਸਾ ਲਿਆ । ਮੀਟਿੰਗ ਵਿੱਚ ਫੈਸਲਾ ਕੀਤਾ ਗਿਆ ਕਿ ਜਲੰਧਰ ਸੀਟ ਤੋਂ ਦਲ ਬਦਲੂ ਉਮੀਦਵਾਰਾਂ ਨੂੰ ਭਾਂਜ ਦਿੱਤੀ ਜਾਵੇਗੀ, ਫ਼ਿਰਕੂ-ਕਾਰਪੋਰੇਟ ਗੱਠਜੋੜ ਨੂੰ ਨਿਖੇੜਿਆ ਤੇ ਹਰਾਇਆ ਜਾਵੇਗਾ, ‘ਆਪ’ ਦੀ ਪੰਜਾਬ ਸਰਕਾਰ ਤੇ ਕੇਂਦਰ ਵਿੱਚ ਮੋਦੀ ਦੀ ਸਰਕਾਰ ਲੋਕਾਂ ਨਾਲ ਕੀਤੇ ਵਾਅਦੇ ਪੂਰੇ ਕਰਨ ਵਿੱਚ ਸਫਲ ਨਹੀਂ ਹੋ ਸਕੀਆਂ । ਮਹਿੰਗਾਈ, ਬੇਰੁਜ਼ਗਾਰੀ , ਨਸ਼ਾ ਤਸਕਰੀ ਤੇ ਆਮ ਲੋਕਾਂ ਦੀਆਂ ਮੁਸ਼ਕਿਲਾਂ ਵਿੱਚ ਭਾਰੀ ਵਾਧਾ ਹੋਇਆ ਹੈ ।
ਸੀਪੀਆਈ ਅਤੇ ਸੀਪੀਆਈ (ਐਮ) ਦੇ ਸਾਥੀਆਂ ਵੱਲੋਂ ਫੈਸਲਾ ਕੀਤਾ ਗਿਆ ਕਿ ਦੋਵਾਂ ਪਾਰਟੀਆਂ ਦੇ ਆਗੂ ਸਾਥੀਆਂ ਦੀਆਂ ਵਿਧਾਨ ਸਭਾ ਹਲਕਿਆਂ ਅੰਦਰ ਸਾਂਝੀਆਂ ਕਮੇਟੀਆਂ ਦਾ ਗਠਿਤ ਕਰਕੇ ਚੋਣ ਮੁਹਿੰਮ ਨੂੰ ਹੋਰ ਤੇਜ਼ ਕੀਤਾ ਜਾਵੇਗਾ। ਇਸ ਸਬੰਧੀ ਹਲਕਾ ਕਰਤਾਰਪੁਰ ਵਿਖੇ ਵਰਕਰ ਮੀਟਿੰਗ 2 ਮਈ ਨੂੰ , ਹਲਕਾ ਆਦਮਪੁਰ ਵਿਖੇ 2 ਮਈ ਬਾਅਦ ਦੁਪਹਿਰ, ਹਲਕਾ ਫਿਲੌਰ ਵਿਖੇ 3 ਮਈ ਦੁਪਹਿਰ ਤੋਂ ਪਹਿਲਾਂ, ਹਲਕਾ ਸ਼ਾਹਕੋਟ ਵਿਖੇ 5 ਮਈ ਨੂੰ ਦੁਪਹਿਰ ਤੋਂ ਪਹਿਲਾਂ, ਹਲਕਾ ਨਕੋਦਰ ਦੇ ਕਸਬਾ ਮਹਿਤਪੁਰ ਵਿਖੇ 5 ਮਈ ਨੂੰ ਬਾਅਦ ਦੁਪਹਿਰ, ਹਲਕਾ ਜਲੰਧਰ ਕੈਂਟ ਦੇ ਕਸਬਾ ਜੰਡਿਆਲਾ ਮੰਜਕੀ ਵਿਖੇ 6 ਮਈ ਨੂੰ ਦੁਪਹਿਰ ਤੋਂ ਪਹਿਲਾਂ ਅਤੇ ਹਲਕਾ ਜਲੰਧਰ ਪੱਛਮੀ, ਜਲੰਧਰ ਕੇਂਦਰੀ ਤੇ ਹਲਕਾ ਜਲੰਧਰ ਉੱਤਰੀ ਦੀਆਂ ਮੀਟਿੰਗਾਂ ਜਲੰਧਰ ਪਾਰਟੀ ਦਫਤਰ ਵਿਖੇ 1 ਮਈ ਨੂੰ ਮਜ਼ਦੂਰ ਦਿਵਸ ਮੌਕੇ 11 ਵਜੇ ਸਵੇਰੇ ਕਰਕੇ ਅਗਲਾ ਚੋਣ ਮੁਹਿੰਮ ਪ੍ਰੋਗਰਾਮ ਤੈਅ ਕੀਤਾ ਜਾਵੇਗਾ ।
ਇਨ੍ਹਾਂ ਮੀਟਿੰਗਾਂ ਨੂੰ ਉਮੀਦਵਾਰ ਮਾਸਟਰ ਪਰਸ਼ੋਤਮ ਲਾਲ ਬਿਲਗਾ, ਪਾਰਟੀਆਂ ਦੇ ਸੂਬਾਈ ਅਤੇ ਜ਼ਿਲ੍ਹਾ ਆਗੂ ਸੰਬੋਧਨ ਕਰਨਗੇ । ਸਾਂਝੀ ਮੀਟਿੰਗ ਨੂੰ ਚੋਣ ਮੁਹਿੰਮ ਕਮੇਟੀ ਦੇ ਕਨਵੀਨਰ ਤੇ ਸੀਪੀਆਈ (ਐਮ) ਦੇ ਜ਼ਿਲ੍ਹਾ ਸਕੱਤਰ ਕਾਮਰੇਡ ਸੁਖਪ੍ਰੀਤ ਸਿੰਘ ਜੌਹਲ, ਸੀਪੀਆਈ ਦੇ ਜ਼ਿਲ੍ਹਾ ਸਕੱਤਰ ਕਾਮਰੇਡ ਰਸ਼ਪਾਲ ਕੈਲੇ ਅਤੇ ਲੋਕ ਸਭਾ ਚੋਣ ਲਈ ਉਮੀਦਵਾਰ ਮਾਸਟਰ ਪਰਸ਼ੋਤਮ ਬਿਲਗਾ ਵੱਲੋਂ ਸੰਬੋਧਨ ਕੀਤਾ ਗਿਆ ।
ਪਾਰਟੀ ਆਗੂਆਂ ਨੇ ਕਿਹਾ ਕਿ ਪੰਜਾਬ ਦੀਆਂ 4 ਲੋਕ ਸਭਾ ਸੀਟਾਂ ਜਲੰਧਰ, ਅੰਮ੍ਰਿਤਸਰ , ਖਡੂਰ ਸਾਹਿਬ ਅਤੇ ਫ਼ਰੀਦਕੋਟ ਵਿਖੇ ਸੀਪੀਆਈ ਅਤੇ ਸੀਪੀਆਈ (ਐਮ) ਵੱਲੋਂ ਸਾਂਝੀ ਚੋਣ ਮੁਹਿੰਮ ਚਲਾਈ ਜਾਵੇਗੀ।
ਕਾਮਰੇਡ ਸਿਕੰਦਰ ਸੰਧੂ ਮਹਿਤਪੁਰ, ਕਾਮਰੇਡ ਪਰਵਿੰਦਰ ਸਿੰਘ ਫਲਪੋਤਾ, ਕਾਮਰੇਡ ਸਤਪਾਲ ਬੰਬੀਆਂਵਾਲ, ਕਾਮਰੇਡ ਸ਼ੀਤਲ ਸਿੰਘ ਸੰਘਾ, ਕਾਮਰੇਡ ਵਰਿੰਦਰ ਪਾਲ ਸਿੰਘ ਕਾਲਾ ਸ਼ਾਹਕੋਟ, ਕਾਮਰੇਡ ਪ੍ਰਵੀਨ ਕੁਮਾਰ ਫਗਵਾੜਾ, ਕਾਮਰੇਡ ਸੋਢੀ ਲਾਲ ਉੱਪਲ ਭੂਪਾ, ਕਾਮਰੇਡ ਵੀਰ ਕੁਮਾਰ ਕਰਤਾਰਪੁਰ , ਕਾਮਰਡ ਨਰਿੰਦਰ ਸਿੰਘ ਜੌਹਲ , ਕਾਮਰੇਡ ਪ੍ਰਕਾਸ਼ ਕਲੇਰ, ਕਾਮਰੇਡ ਸੁਖਬੀਰ ਸਿੰਘ ਸੰਘੋਵਾਲ, ਕਾਮਰੇਡ ਸ਼ਮਿੰਦਰ ਕੁਮਾਰ ਬਿੰਦੀ, ਕਾਮਰੇਡ ਮਹਿੰਦਰ ਸਿੰਘ ਜਲੰਧਰ ਤੇ ਕਾਮਰੇਡ ਵੀ. ਵੀ ਐਂਥਨੀ ਆਦਿ ਪਾਰਟੀ ਆਗੂ ਮੀਟਿੰਗ ’ਚ ਵਿਸ਼ੇਸ਼ ਤੌਰ ’ਤੇ ਹਾਜ਼ਰ ਸਨ ।