ਸੁਭਾਸ਼ ਚੰਦਰ
ਸਮਾਣਾ/30 ਅਪ੍ਰੈਲ : ਮਵੀ ਕਲਾਂ ਪੁਲਿਸ ਨੇ ਨਸ਼ਾ ਛਡਾਊ ਮੁਹਿੰਮ ਤਹਿਤ ਪਿੰਡ ਮਰੋੜੀ ਵਿਖੇ ਇੱਕ ਕੈਂਪ ਲਗਾਇਆ। ਜਿਸ ਵਿੱਚ ਮਵੀ ਚੌਂਕੀ ਮੁੱਖੀ ਸਰਬਜੀਤ ਸਿੰਘ ਨੇ ਲੋਕਾਂ ਨੂੰ ਸੰਬੋਧਨ ਕਰਦਿਆਂ ਨਸ਼ਾ ਬਣਾ ਕੇ ਵੇਚਣ ਅਤੇ ਨਸ਼ਾ ਕਰਨ ਦੇ ਮਾੜੇ ਪ੍ਰਭਾਵਾਂ ਬਾਰੇ ਜਾਣੂ ਕਰਵਾਇਆ, ਤੇ ਦੱਸਿਆ ਕਿ ਨਸ਼ਾ ਕਰਨ ਤੇ ਵੇਚਣ ਵਾਲਿਆਂ ਖਿਲਾਫ ਸਮਾਜ ਵਿੱਚ ਬਹੁਤ ਮਾੜੀ ਦਿਖ ਹੁੰਦੀ ਹੈ। ਸਮਾਜ ਦੇ ਚੰਗੇ ਲੋਕ ਇਹਨਾਂ ਨੂੰ ਪਸੰਦ ਨਹੀਂ ਕਰਦੇ। ਜਿਸ ਕਾਰਨ ਇਹ ਲੋਕ ਸਮਾਜ ਨਾਲੋਂ ਕੱਟ ਜਾਂਦੇ ਹਨ। ਇਸ ਮੁਹਿੰਮ ਤਹਿਤ ਪਿੰਡ ਦੇ ਛੇ ਲੋਕਾਂ ਨਰਾਤਾ ਰਾਮ, ਗੁਰਮੁਖ ਸਿੰਘ, ਮੰਗਾ ਸਿੰਘ, ਸੁੱਖਾ ਸਿੰਘ, ਕਰਨੈਲ ਸਿੰਘ ਤੇ ਪਰਮਜੀਤ ਸਿੰਘ ਪੰਮਾ ਜੋ ਕਿ ਸ਼ਰਾਬ ਕਸੀਦ ਕਰਕੇ ਵੇਚਣ ਦੇ ਆਦੀ ਹਨ। ਜਿਨਾਂ ਖਿਲਾਫ ਐਕਸਾਈਜ਼ ਐਕਟ ਦੀਆਂ ਧਰਾਵਾਂ ਦੇ ਕਈ ਮਾਮਲੇ ਵੀ ਦਰਜ ਹਨ, ਨੇ ਪੁਲਿਸ ਨੂੰ ਯਕੀਨ ਦਵਾ ਕੇ ਅੱਗੇ ਤੋਂ ਨਸ਼ਾ ਵੇਚਣ ਤੇ ਨਸ਼ਾ ਨਾਂ ਕਰਨ ਦਾ ਭਰੋਸਾ ਦਿੱਤਾ।