ਸੁਖਵਿੰਦਰ ਸਿੰਘ ਭਾਦਲਾ
ਖੰਨਾ, 6 ਮਈ : ਪਿਛਲੇ ਲੰਮੇ ਸਮੇਂ ਤੋਂ ਖੰਨਾ ਹਲਕੇ ਦੇ ਵਿੱਚ ਸੰਗੀਤਕ ਪੈੜਾ ਪਾ ਰਹੇ ਲੋਕ ਗਾਇਕ ਸੋਹਣ ਸੁਰੀਲਾ ਵੱਲੋਂ ਖੰਨਾ ਇਲਾਕੇ ਵਿੱਚ ਨਵੇਂ ਉਭਰਦੇ ਗਾਇਕ ਅਤੇ ਸੰਗੀਤਕ ਪ੍ਰੇਮੀਆਂ ਨੂੰ ਸਿੱਖਿਆ ਦੇਣ ਲਈ ਅੱਜ ਖੰਨਾ ਦੇ ਲਲਹੇੜੀ ਰੋਡ ਉੱਪਰ ਸੰਗੀਤਕ ਅਕੈਡਮੀ ਦਾ ਸ਼ੁਰੂਆਤ ਕੀਤੀ ਗਈ ਹੈ ।ਇਸ ਸੰਗੀਤ ਅਕੈਡਮੀ ਦਾ ਉਦਘਾਟਨ ਲੋਕ ਗਾਇਕ ਬਿੱਟੂ ਖੰਨੇ ਵਲਾ ਅਤੇ ਪ੍ਰਸਿੱਧ ਗੀਤਕਾਰ ਜਸਵਿੰਦਰ ਸਿੰਘ ਭੱਟੀ ਭੜੀ ਵਾਲਾ ਵੱਲੋਂ ਸਾਂਝੇ ਤੌਰ ਤੇ ਕੀਤਾ ਗਿਆ। ਇਸ ਸਮੇਂ ਲੋਕ ਗਾਇਕ ਬਿੱਟੂ ਖੰਨੇ ਵਾਲਾ ਸੰਗੀਤਕਾਰ ਸ਼ਮਸ਼ੇਰ ਸਿੰਘ ਸ਼ੇਰ ਅਤੇ ਗੀਤਕਾਰ ਭੱਟੀ ਭੜੀ ਵਾਲਾ ਨਾਲ ਗੱਲ ਕਰਨ ਤੇ ਉਹਨਾਂ ਕਿਹਾ ਕਿ ਸਾਡੇ ਪੰਜਾਬੀ ਵਿਰਾਸਤੀ ਸਾਜ਼ ਜਿਹੜੇ ਕਿ ਅਲੋਪ ਹੋ ਰਹੇ ਹਨ। ਇਹਨਾਂ ਸਾਜ਼ਾ ਵਾਰੇ ਉਭਰ ਰਹੇ ਗਾਇਕ ਅਤੇ ਸੰਗੀਤਕਾਰਾਂ ਨੂੰ ਇਹਨਾਂ ਸਾਜਾਂ ਦੀ ਵਾਰੇ ਜਾਣਕਾਰੀ ਦੇਣੀ ਅੱਜ ਸਮੇਂ ਦੀ ਮੁੱਖ ਲੋੜ ਹੈ। ਗਾਇਕ ਸੋਹਣ ਸੁਰੀਲੇ ਵੱਲੋਂ ਸਾਡੇ ਪੰਜਾਬ ਦੀ ਵਿਰਾਸਤੀ ਸਾਜਾਂ ਨੂੰ ਅੱਜ ਦੀ ਨੌਜਵਾਨ ਪੀੜ੍ਹੀ ਨੂੰ ਇਨਾ ਬਰਾਸਤੀ ਸਾਜ਼ਾਂ ਪ੍ਰਤੀ ਉਤਸਾਹ ਕਰਨਾ ਖੰਨੇ ਇਲਾਕੇ ਲਈ ਬਹੁਤ ਵੱਡੇ ਮਾਨ ਵਾਲੀ ਗੱਲ ਹੈ। ਇਸ ਸਮੇਂ ਗੁਰਚਰਨ ਸਿੰਘ ਮਾਨ , ਲੋਕ ਗਾਇਕ ਕੇਸਰ ਮਾਣਕੀ ,ਢਾਡੀ ਮਹਿੰਦਰ ਸਿੰਘ ਜੋਸ਼ੀਲਾ ,ਗੀਤਕਾਰ ਅਵਤਾਰ ਚਾਨਾਂ, ਗੀਤਕਾਰ ਮੀਤ ਕਲੇਰਾਂ ਵਾਲਾਂ ,ਢਾਡੀ ਬਲਵੰਤ ਸਿੰਘ ਸਫਰੀ, ਸੰਗੀਤਕਾਰ ਦਰਸ਼ਨ ਸਿੰਘ ਨੂਰ ,ਚਰਨ ਸਿੰਘ ਭੱਟੀ, ਸੰਗੀਤਕਾਰ ਰਣਜੀਤ ਰਾਣਾ , ਰੁਪਿੰਦਰ ਸਿੰਘ ਭੱਟੀ ,ਜਸਪਾਲ ਸਿੰਘ ਚਾਪੜਾ ਆਦਿ ਹਾਜਰ ਸਨ