ਲੋਕ ਸਾਹਿਤ ਸੰਗਮ ਦੀ ਸਾਹਿਤਕ ਬੈਠਕ ਵਿਚ ਅੰਤਾਂ ਦੀ ਗਰਮੀ ਵਿਚ ਧੁਰ ਅੰਦਰ ਨੂੰ ਠਾਰਿਆ

ਨਵਿਆਂ ਵਿਦਿਆਰਥੀਆਂ ਨੂੰ ਸਾਹਿਤਕ ਸੇਧ ਦੇਣੀ ਜਰੂਰੀ। ..ਡਾ ਅਮਨ

ਰਾਜਪੁਰਾ, 6 ਮਈ (ਡਾ ਗੁਰਵਿੰਦਰ ਅਮਨ) :  ਲੋਕ ਸਾਹਿਤ ਸੰਗਮ (ਰਜਿ.) ਰਾਜਪੁਰਾ ਦੀ ਸਾਹਿਤਕ ਬੈਠਕ ਡਾ ਗੁਰਵਿੰਦਰ ਅਮਨ ਦੀ ਪ੍ਰਧਾਨਗੀ ਹੇਠ ਰੋਟਰੀ ਭਵਨ ਵਿਖੇ ਹੋਈ। ਜਿਸ ਵਿਚ ਸਭਾ ਦਾ ਆਗਾਜ਼ ਲੋਕ ਕਵੀ ਕਰਮ ਸਿੰਘ ਹਕੀਰ ਦੇ ਗੀਤ 'ਵਿਚ ਪ੍ਰਦੇਸ਼ਾਂ ਦੇ ਨਾ ਜਾਇਓ ਮੇਰੇ ਵੀਰ ' ਸੁਣਾਕੇ ਪੰਜਾਬ ਦੀ ਤ੍ਰਾਸਦੀ ਨੂੰ ਉਜਗਾਰ ਕੀਤਾ। ਰਣਜੀਤ ਸਿੰਘ ਫ਼ਤਹਿਗੜ੍ਹ ਸਾਹਿਬ ਨੇ 'ਜੇ ਰੱਬਾ ' ਸੁਣਾਕੇ ਰੱਬ ਨੂੰ ਤਰਲਾ ਕੀਤਾ ਮਨਜੀਤ ਸਿੰਘ ਨਾਗਰਾ ਨੇ ਹਿੰਦੀ ਗੀਤ ' ਸਮਝੌਤਾ ਗ਼ਮੋਂ ਸੇ ਕਰਲੋ ' ਸੁਣਾਇਆ। ਇੰਦਰਜੀਤ ਸਿੰਘ ਲਾਂਬਾ ਨੇ ਮਧੁਰ ਆਵਾਜ਼ ਵਿਚ ਮਿੱਟੀ ਦਾ ਕਲਬੂਤ ਬਣਾਕੇ ' ਸੁਣਾਇਆ। ਸੁਰਿੰਦਰ ਸਿੰਘ ਸੋਹਣਾ ਰਾਜੇਮਾਜਰੀਆ ਨੇ ' ਮੈ ਰੁਜਗਾਰ ਮੰਗਦਾ 'ਸੁਣਾਕੇ ਚੰਗਾ ਰੰਗ ਬੰਨਿਆ। ਕਰਮ ਸਿੰਘ ਟਿਵਾਣਾ ਨੇ 'ਹਰ ਪਾਸੇ ਖੁਸ਼ਹਾਲੀ ਹੋਵੇ ,ਥਾਂ ਥਾਂ ਤੇ ਹਰਿਆਲੀ ਹੋਵੇ 'ਸਮੇਂ ਦੀ ਲੋੜ ਨੂੰ ਉਭਾਰਿਆ। ਹਰਪਾਲ ਸਿੰਘ ਨੇ 'ਆ ਕੇ ਨੀਹਾਂ ਵਿਚ ਖਲੋ ਗਏ ਦੋਵੇਂ ਬਾਲਕੇ 'ਸੁਣਾਕੇ ਸਾਹਿਬਜਾਦਿਆਂ ਦੀ ਸ਼ਹਾਦਤ ਨੂੰ ਨੱਕ ਮਸਤਕ ਕਰਵਾਇਆ। ਪੰਜਾਬੀ ਯੂਨੀਵਰਸਿਟੀ ਦੇ ਵਿਦਿਆਰਥੀ ਹਰਸੂਬੇਗ ਸਿੰਘ ਨੇ 'ਭੁੱਲੇ ਭੱਟਕੇ ਨੂੰ ਰਾਹ ਦਿਖਾਉਣ ਜੁਗਨੂੰ " ਸੁਣਾਕੇ ਦੰਗ ਕਰ ਦਿੱਤਾ। ਵਿਦਿਆਰਥੀ ਜੈਸਮੀਨ ਕੌਰ ਨੇ ਗ਼ਮ ਏ ਦਿਲ ਸੁਣਾਨੇ ਕੋ ਦਿਲ ਚਾਹਤਾ ਹੈ ' ਸੁਣਾਇਆ। ਅਭੈ ਰਾਵਤ ਨੇ ਵੀ ਅਭਿਵਾਗ ਸੁਣਾਇਆ। ਬੁਲੰਦ ਆਵਾਜ਼ ਦੀ ਮਾਲਿਕ ਸੁਰਿੰਦਰ ਕੌਰ ਬਾੜਾ ਨੇ ਸੂਫੀਆ ਕਲਾਮ 'ਰਾਂਝਣ ਢੂੰਡਣ ਮੈ ਗਈ ,ਰਾਂਝਣ ਮੇਰੇ ਨਾਲ ' ਸੁਣਾਇਆ। ਸ਼ਰਤ ਚੰਦਰ ਭਾਵੂਕ ਨੇ ਸ਼ੇਅਰ ਸੁਣਾਕੇ ਵਾਹ ਵਾਹ ਖੱਟੀ। ਅਵਤਾਰ ਸਿੰਘ ਪੁਆਰ ਨੇ ਰਾਜਨੀਤੀ ਦੇ ਅਜ਼ੀਬ ਛਲਾਵੀਂਆਂ ਦੀ ਰੁੱਤ ' ਸੁਣਾਕੇ ਅਜੋਕੀ ਰਾਜਨੀਤੀ ਤੇ ਵਿਅੰਗ ਕੀਤਾ। ਸੰਗਮ ਦੇ ਪ੍ਰਧਾਨ ਡਾ ਗੁਰਵਿੰਦਰ ਅਮਨ ਨੇ 'ਕੁਲ ਕਾਇਨਾਤ ਬਦਲੀ ਏ ਜ਼ਮਾਨੇ ਦੇ ਨਾਲ 'ਸੁਣਾਕੇ ਅਜੋਕੇ ਤੰਤਰ ਤੇ ਵਿਅੰਗ ਕੱਸਿਆ। ਚੇਅਰਮੈਨ ਡਾ ਹਰਜੀਤ ਸਿੰਘ ਸੱਧਰ ਨੇ ਤਰੰਨੁਮ ਵਿਚ 'ਜਿੰਦਰਾ ਅਕਲ ਨੂੰ ਲਾ ਲਿਆ ਇਸ ਤੱਰਕੀ ਨੇ' ਸੁਣਾਕੇ ਸਭਾ ਨੂੰ ਸ਼ਿਖਰਾਂ ਤੇ ਪਹੁੰਚਾ ਦਿੱਤਾ। ਸੀਨੀਅਰ ਸਿਟੀਜ਼ਨ ਕੌਂਸਿਲ ਰਾਜਪੁਰਾ ਦੇ ਪ੍ਰਧਾਨ ਰਤਨ ਸ਼ਰਮਾ ਨੇ ਵਿਸ਼ੇਸ਼ ਸ਼ਿਰਕਤ ਕੀਤੀ। ਅਵਤਾਰ ਪੁਆਰ ਨੇ ਸਭਾ ਦੀ ਕਾਰਵਾਈ ਬਖੂਬੀ ਨਿਭਾਈ।