ਰਮਨ ਜੋਸ਼ੀ
ਪਾਤੜਾਂ / 6 ਮਈ : ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਉਗਰਾਹਾਂ ਦੀ ਮੀਟਿੰਗ ਬਲਾਕ ਪ੍ਰਧਾਨ ਅਮਰੀਕ ਸਿੰਘ ਘੱਗਾ ਦੀ ਅਗਵਾਈ ਹੇਠ ਗੁਰਦੁਆਰਾ ਸ਼੍ਰੀ ਗੁਰੂ ਤੇਗ ਬਹਾਦਰ ਸਾਹਿਬ ਪਾਤੜਾਂ ਵਿਖੇ ਹੋਈ ਜਿਸ ਵਿੱਚ ਜਥੇਬੰਦੀ ਦੇ ਜਿਲ੍ਹਾ ਪ੍ਰਧਾਨ ਜਸਵਿੰਦਰ ਸਿੰਘ ਨੇ ਵਿਸ਼ੇਸ਼ ਤੌਰ ਤੇ ਸ਼ਮੂਲੀਅਤ ਕੀਤੀ। ਮੀਟਿੰਗ ਦੌਰਾਨ ਕਿਸਾਨਾਂ ਦੀਆਂ ਮੁਸ਼ਕਿਲਾਂ ਤੇ ਮੌਜੂਦਾ ਸਮੇਂ ਦੌਰਾਨ ਕੀਤੇ ਜਾਣ ਵਾਲੇ ਵੱਖ-ਵੱਖ ਕੰਮਾਂ ਉੱਤੇ ਵਿਚਾਰ ਵਟਾਂਦਰਾ ਕਰਦਿਆਂ ਅਜੋਕੇ ਹਾਲਾਤ ਦਾ ਜਾਇਜ਼ਾ ਲਿਆ ਗਿਆ। ਮੀਟਿੰਗ ਵਿੱਚ ਕੀਤੇ ਗਏ ਫੈਸਲੇ ਅਨੁਸਾਰ ਲੋਕ ਸਭਾ ਹਲਕਾ ਪਟਿਆਲਾ ਤੋਂ ਭਾਰਤੀ ਜਨਤਾ ਪਾਰਟੀ ਦੀ ਉਮੀਦਵਾਰ ਪਰਨੀਤ ਕੌਰ ਨੂੰ ਕਿਸੇ ਵੀ ਪਿੰਡ ਵਿੱਚ ਆਉਣ ਉਤੇ ਸਵਾਲ ਜਵਾਬ ਕੀਤੇ ਜਾਣ ਅਤੇ ਸਬ ਡਿਵੀਜ਼ਨ ਪਾਤੜਾਂ ਅਧੀਨ ਆਉਂਦੇ ਪਿੰਡ ਦੁਗਾਲ ਦੀ ਕੋਆਪਰੇਟਿਵ ਸੁਸਾਇਟੀ ਵਿਚ ਕਰੋੜਾਂ ਰੁਪਏ ਦੇ ਘਪਲੇ ਕਰਨ ਵਾਲੇ ਸੈਕਟਰੀ ਖਿਲਾਫ ਪੁਲਿਸ ਕਾਰਵਾਈ ਨਾ ਕੀਤੀ ਜਾਣ ਦੇ ਰੋਸ ਵਜੋਂ 15 ਮਈ ਤੱਕ ਪੁਲਿਸ ਕੇਸ ਦਰਜ ਨਾ ਕੀਤੇ ਜਾਣ ਦੀ ਸੂਰਤ ਵਿੱਚ 16 ਮਈ ਨੂੰ ਥਾਣਾ ਪਾਤੜਾਂ ਦੇ ਬਾਹਰ ਵਿਸ਼ਾਲ ਰੋਹ ਭਰਪੂਰ ਮੁਜ਼ਾਰਾ ਕਰਨ ਦਾ ਐਲਾਨ ਕੀਤਾ ਗਿਆ।
ਮੀਟਿੰਗ ਵਿੱਚ ਅਵਤਾਰ ਸਿੰਘ ਬੂਰੜ ਬਲਾਕ ਸਕੱਤਰ, ਗੁਰਮੁੱਖ ਸਿੰਘ ਕਲਵਾਨੂੰ, ਤੇਜਪਾਲ ਸਿੰਘ ਭੂਤਗੜ, ਬੱਲਮ ਸਿੰਘ ਨਿਆਲ, ਹਰਮਿੰਦਰ ਸਿੰਘ ਦੁਗਾਲ, ਅਤੇ ਲਾਭ ਸਿੰਘ ਬਰਾਸ ਤੋਂ ਬਲਾਕ ਆਗੂਆ ਤੋਂ ਇਲਾਵਾ ਇਕਾਈ ਪ੍ਰਧਾਨ ਬਲਕਾਰ ਸਿੰਘ ਕਲਵਾਨੂੰ, ਜਸਵਿੰਦਰ ਸਿੰਘ ਬੂਟਾ ਸਿੰਘ ਵਾਲਾ, ਗੁਰਜੰਟ ਸਿੰਘ ਨਨਹੇੜਾ, ਚਰਨਜੀਤ ਸਿੰਘ ਖੇੜੀ, ਦਰਸ਼ਨ ਸਿੰਘ ਦਫਤਰੀ ਵਾਲਾ, ਭਗਵਾਨ ਸਿੰਘ ਬੂਰੜ, ਨਛੱਤਰ ਸਿੰਘ ਹਾਮਝੇੜੀ, ਕਰਨੈਲ ਸਿੰਘ ਦੁਗਾਲ, ਮਾਘ ਸਿੰਘ ਬਣਵਾਲਾ, ਭੂਪਿੰਦਰ ਸਿੰਘ ਹਰਿਆਉ ਖੁਰਦ, ਨਿੱਕਾ ਸਿੰਘ ਹਰਿਆਉ ਕਲਾਂ, ਸੱਤਪਾਲ ਸਿੰਘ ਭੂਤਗੜ, ਸੋਨੀ ਸਿੰਘ ਭੈਣੀ ਤੋਂ ਇਲਾਵਾ ਵਰਿੰਦਰ ਸਿੰਘ ਜੈਖਰ ਹਾਜ਼ਰ ਸਨ।