ਏਜੰਸੀਆਂ
ਅਹਿਮਦਾਬਾਦ/6 ਮਈ : ਗੁਜਰਾਤ ’ਚ ਅਹਿਮਦਾਬਾਦ ਦੇ 10 ਸਕੂਲਾਂ ਨੂੰ ਬੰਬ ਨਾਲ ਉਡਾਉਣ ਦੀ ਧਮਕੀ ਮਿਲੀ ਹੈ। ਇਸ ਨਾਲ ਸੋਮਵਾਰ ਸਵੇਰੇ ਤੋਂ ਵਿਦਿਆਰਥੀਆਂ ਅਤੇ ਉਨ੍ਹਾਂ ਮਾਪਿਆਂ ’ਚ ਡਰ ਦਾ ਮਾਹੌਲ ਬਣਿਆ ਹੋਇਆ ਹੈ। ਈ-ਮੇਲ ਮਿਲਣ ਤੋਂ ਬਾਅਦ ਬੰਬ ਡਿਸਪੋਜਲ ਸਕੁਆਇਡ ਅਤੇ ਪੁਲਿਸ ਅਧਿਕਾਰੀਆਂ ਦੀਆਂ ਟੀਮਾਂ ਨੇ ਸਕੂਲਾਂ ਦੀ ਤਲਾਸ਼ੀ ਲਈ। ਹਾਲਾਂਕਿ ਉਨ੍ਹਾਂ ਨੂੰ ਕੁਝ ਬਰਾਮਦ ਨਹੀਂ ਹੋਇਆ। ਅਧਿਕਾਰੀਆਂ ਨੇ ਕਿਹਾ ਕਿ ਇਹ ਧਮਕੀ ਇਕ ਅਫ਼ਵਾਹ ਲੱਗ ਰਹੀ ਹੈ, ਜਿਸ ਤੋਂ ਘਬਰਾਉਣ ਦੀ ਕੋਈ ਲੋੜ ਨਹੀਂ ਹੈ। ਜ਼ਿਕਰਯੋਗ ਹੈ ਕਿ ਹਾਲ ਹੀ ’ਚ ਦਿੱਲੀ-ਐਨਸੀਆਰ ਦੇ 100 ਸਕੂਲਾਂ ਨੂੰ ਈ-ਮੇਲ ਰਾਹੀਂ ਬੰਬ ਨਾਲ ਉਡਾਉਣ ਦੀ ਧਮਕੀ ਮਿਲੀ ਸੀ। ਜਾਂਚ ’ਚ ਪਤਾ ਲੱਗਾ ਕਿ ਧਮਕੀ ਰੂਸੀ ਸਰਵਰ ਰਾਹੀਂ ਭੇਜੀ ਗਈ ਸੀ। ਓਐਨਜੀਸੀ ਕੇਂਦਰੀ ਸਕੂਲ, ਚਾਂਦਖੇੜਾ ਜ਼ੋਨ-2, ਏਸ਼ੀਆ ਇੰਗਲਿਸ਼ ਸਕੂਲ, ਵਸਤਰਾਪੁਰ ਜ਼ੋਨ-1, ਅੰਮ੍ਰਿਤਾ ਸਕੂਲ, ਘਾਟਲੋਡੀਆ ਜ਼ੋਨ-1, ਕਾਲੋਰੈਕਸ ਸਕੂਲ, ਘਾਟਲੋਡੀਆ ਜ਼ੋਨ-1, ਸੈਨਾ ਛਾਉਣੀ ਸਕੂਲ ਅਹਿਮਦਾਬਾਦ ਗ੍ਰਾਮੀਣ ਸਕੂਲਾਂ ਨੂੰ ਧਮਕੀ ਭਰੇ ਈ-ਮੇਲ ਮਿਲੇ ਹਨ।