ਏਜੰਸੀਆਂ
ਗੜ੍ਹਚਿਰੌਲੀ/6 ਮਈ : ਮਹਾਰਾਸ਼ਟਰ ਦੇ ਗੜ੍ਹਚਿਰੌਲੀ ਜ਼ਿਲ੍ਹੇ ਦੇ ਇਕ ਪਹਾੜੀ ਇਲਾਕੇ ’ਚ ਪÇੁਲਸ ਨੇ ਸੋਮਵਾਰ ਨੂੰ ਨਕਸਲੀਆਂ ਵੱਲੋਂ ਲਗਾਏ ਗਏ 9 ‘ਇੰਪ੍ਰੋਵਾਈਜ਼ਡ ਐਕਸਪਲੋਸਿਵ ਡਿਵਾਈਸ’ (ਆਈਈਡੀ) ਅਤੇ ਹੋਰ ਵਿਸਫ਼ੋਟਕ ਸਮੱਗਰੀਆਂ ਨੂੰ ਨਸ਼ਟ ਕਰ ਦਿੱਤਾ। ਇਹ ਜਾਣਕਾਰੀ ਇੱਕ ਸੀਨੀਅਰ ਅਧਿਕਾਰੀ ਨੇ ਦਿੱਤੀ। ਗੜ੍ਹਚਿਰੌਲੀ ਦੇ ਪÇੁਲਸ ਸੁਪਰਡੈਂਟ ਨੀਲੋਤਪਲ ਨੇ ਦੱਸਿਆ ਕਿ ਪੁਲਿਸ ਨੂੰ ਟੀਪਾਗੜ੍ਹ ਖੇਤਰ ’ਚ ਵਿਸਫ਼ੋਟਕਾਂ ਬਾਰੇ ਸੂਚਨਾ ਮਿਲੀ, ਜਿਸ ਤੋਂ ਬਾਅਦ ਬੰਬ ਨਿਰੋਧਕ ਅਤੇ ਬੰਬ ਦਾ ਪਤਾ ਲਗਾਉਣ ਵਾਲੇ 2 ਦਸਤੇ, ਇਕ ਤੁਰੰਤ ਕਾਰਵਾਈ ਦਲ ਅਤੇ ਕੇਂਦਰੀ ਰਿਜ਼ਰਵ ਪੁਲਸ ਫ਼ੋਰਸ (ਸੀ.ਆਰ.ਪੀ.ਐੱਫ.) ਕੇ.ਸੀ.-60 ਨੂੰ ਵਿਸਫ਼ੋਟਕਾਂ ਦੀ ਭਾਲ ਕਰਨ ਅਤੇ ਲੋੜ ਪੈਣ ’ਤੇ ਮੌਕੇ ’ਤੇ ਹੀ ਨਸ਼ਟ ਕਰਨ ਲਈ ਰਵਾਨਾ ਕੀਤਾ ਗਿਆ। ਜਾਣਕਾਰੀ ਮਿਲੀ ਸੀ ਕਿ ਮਾਓਵਾਦੀਆਂ ਨੇ ਲੋਕ ਸਭਾ ਚੋਣਾਂ ਦੌਰਾਨ ਆਈਈਡੀ ਵਿਸਫ਼ੋਟਕ ਕਰਨ ਦੀ ਸਾਜਿਸ਼ ਰਚੀ ਹੈ। ਉਨ੍ਹਾਂ ਦੱਸਿਆ ਕਿ ਸੂਚਨਾ ’ਚ ਸਥਾਨ ਬਾਰੇ ਜਾਣਕਾਰੀ ਨਹੀਂ ਮਿਲ ਸੀ, ਇਸ ਲਈ ਪੂਰੇ ਖੇਤਰ ’ਚ ਵਿਆਪਕ ਮੁਹਿੰਮ ਚਲਾਈ ਗਈ ਅਤੇ ਹਮਲਿਆਂ ਨੂੰ ਰੋਕਣ ਲਈ ਸੁਰੱਖਿਆ ਫ਼ੋਰਸਾਂ ਦੀ ਭਾਰੀ ਤਾਇਨਾਤੀ ਕੀਤੀ ਗਈ।
ਅਧਿਕਾਰੀ ਨੇ ਦੱਸਿਆ ਕਿ ਐਤਵਾਰ ਨੂੰ ਪੁਲਸ ਨੂੰ ਸੂਚਨਾ ਮਿਲੀ ਕਿ ਟੀਪਾਗੜ੍ਹ ’ਚ ਵਿਸਫ਼ੋਟਕ ਲਗਾਏ ਗਏ ਹਨ ਅਤੇ ਇਲਾਕੇ ਦੀ ਤਲਾਸ਼ੀ ਲਈ ਬੰਬ ਨਿਰੋਧਕ ਦਸਤੇ ਅਤੇ ਸੀ.ਆਰ.ਪੀ.ਐੱਫ. ਜਵਾਨਾਂ ਦੀ ਇਕ ਟੀਮ ਨੂੰ ਰਵਾਨਾ ਕੀਤਾ ਗਿਆ। ਉਨ੍ਹਾਂ ਦੱਸਿਆ ਕਿ ਟੀਮ ਨੇ 9 ਆਈਆਈਡੀ, ਤਿੰਨ ‘ਕਲੇਮੋਰ’ ਪਾਈਪ, ਵਿਸਫ਼ੋਟਕਾਂ ਅਤੇ ਡੇਟੋਨੇਟਰ ਨਾਲ ਭਰੇ 6 ਪ੍ਰੈਸ਼ਰ ਕੁੱਕਰ ਅਤੇ ਵਿਸਫ਼ੋਟਕਾਂ ਅਤੇ ਛਰਰਿਆਂ ਨਾਲ ਭਰੇ ਤਿੰਨ ਅਤੇ ਕਲੇਮੋਰ ਪਾਈਪ ਬਰਾਮਦ ਕੀਤੇ। ਅਧਿਕਾਰੀ ਨੇ ਦੱਸਿਆ ਕਿ ਹਾਦਸੇ ਵਾਲੀ ਥਾਂ ਤੋਂ ਬਾਰੂਦ ਨਾਲ ਭਰਿਆ ਇਕ ਪਲਾਸਟਿਕ ਬੈਗ, ਕੁਝ ਦਵਾਈਆਂ ਅਤੇ ਕੰਬਲ ਵੀ ਬਰਾਮਦ ਕੀਤੇ ਗਏ ਹਨ। ਉਨ੍ਹਾਂ ਦੱਸਿਆ ਕਿ ਬੰਬ ਨਿਰੋਧਕ ਦਸਤੇ ਨੇ 9 ਆਈਆਈਡੀ ਅਤੇ ਤਿੰਨ ਕਲੇਮੋਰ ਪਾਈਪ ਨੂੰ ਉੱਥੇ ਹੀ ਨਸ਼ਟ ਕਰ ਦਿੱਤਾ। ਬਾਕੀ ਸਮੱਗਰੀ ਮੌਕੇ ’ਤੇ ਹੀ ਸਾੜ ਦਿੱਤੀ ਗਈ।