ਮੁੱਲਾਂਪੁਰ ਦਾਖਾ, 24 ਮਈ (ਸਤਿਨਾਮ ਬੜੈਚ) : ਥਾਣਾ ਦਾਖਾ ਦੀ ਪੁਲਿਸ ਨੇ ਮਹਿਲਾ ਨੂੰ ਰਾਹ ਵਿੱਚ ਘੇਰ ਕੇ ਉਸਦੀ ਕੁੱਟਮਾਰ ਕਰਨ ਦੇ ਦੋਸ਼ ਤਹਿਤ ਇੱਕੋਂ ਪਰਿਵਾਰ ਦੇ 6 ਜੀਆਂ ਸਮੇਤ 7 ਵਿਅਕਤੀਆਂ ਖਿਲਾਫ ਕੇਸ ਦਰਜ ਕਰਕੇ ਅਗਲੇਰੀ ਕਾਰਵਾਈ ਆਰੰਭ ਕਰ ਦਿੱਤੀ ਹੈ।
ਕੇਸ ਦੀ ਪੜਤਾਲ ਕਰ ਰਹੇ ਏ.ਐਸ.ਆਈ.ਰਾਜਵਰਿੰਦਰਪਾਲ ਸਿੰਘ ਅਨੁਸਾਰ ਜਸਵੀਰ ਕੋਰ ਪਤਨੀ ਸੰਦੀਪ ਸਿੰਘ ਵਾਸੀ ਜਾਂਗਪੁਰ ਨੇ ਦਰਜ ਕਰਵਾਏ ਬਿਆਨਾ ਵਿੱਚ ਦੱਸਿਆ ਕਿ ਜਦੋਂ ਉਹ ਆਪਣੀ ਸਕੂਟਰੀ ’ਤੇ ਸਵਾਰ ਹੋਕੇ ਮੁੱਲਾਂਪੁਰ ਬਾਜਾਰ ਤੋਂ ਸਮਾਨ ਖਰੀਦਣ ਉਪਰੰਤ ਘਰ ਜਾ ਰਹੀ ਸੀ ਤਾਂ ਜਦੋ ਉਹ ਰੇਲਵੇ ਪੁਲ ਵਿਚਕਾਰ ਪੁੱਜੀ ਤਾਂ ਅੱਗ ਇਕ ਕਾਲੇ ਰੰਗ ਦੀ ਸਕਾਰਪੀਉ ਜਿਸ ਵਿੱਚ ਅਵਤਾਰ ਸਿੰਘ ਪੁੱਤਰ ਬੂਟਾ ਸਿੰਘ ਵਾਸੀ ਰਾਏਕੋਟ, ਅਤੇ ਇਸਦੀ ਪਤਨੀ ਸਰਬਜੀਤ ਕੌਰ, ਧੀ ਅੰਜੂ ਤੇ ਇੱਕ ਅਣਪਛਾਤਾ ਵਿਅਕਤੀ ਸਵਾਰ ਸਨ ਅਤੇ ਪਿੱਛੇ ਇੱਕ ਸਵਿਫਟ ਕਾਰ ਜਿਸ ਵਿੱਚ ਅਵਤਾਰ ਸਿੰਘ ਦਾ ਪੁੱਤਰ ਮਨੀ ਅਤੇ ਇਸਦੀ ਘਰਵਾਲੀ ਰੂਬੀ ਤੇ ਸਨੀ ਅਤੇ ਇਸਦੀ ਘਰਵਾਲੀ ਬੱਬੂ ਸਵਾਰ ਸਨ ਨੇ ਉਸਨੂੰ ਘੇਰ ਲਿਆ ਅਤੇ ਐਕਟਿਵਾ ਵਿੱਚ ਲੱਤ ਮਾਰੀ ਤਾਂ ਉਹ ਸੜਕ ’ਤੇ ਡਿੱਗ ਗਈ ਫਿਰ ਇਹਨਾਂ ਸਾਰਿਆਂ ਨੇ ਆਪਣੇ ਹੱਥ ਵਿੱਚ ਫੜੇ ਦਸਤੀ ਹਥਿਆਰਾਂ ਕ੍ਰਿਪਾਨਾ ਅਤੇ ਡੰਡਿਆਂ ਨਾਲ ਉਸ ’ਤੇ ਹਮਲਾ ਕਰ ਦਿੱਤਾ । ਜਦੋਂ ਉਸਨੇ ਮਾਰਤਾ ਮਾਰਤਾ ਦਾ ਰੌਲਾ ਪਾਇਆ ਤਾਂ ਇਹ ਸਾਰੇ ਉਸਨੂੰ ਗੰਦੀਆ ਗਾਲਾਂ ਤੇ ਮਾਰ ਦੇਣ ਦੀਆ ਧਮਕੀਆਂ ਦਿੰਦੇ ਹੋਏ ਹਥਿਆਰਾਂ ਸਮੇਤ ਗੱਡੀਆਂ ਵਿੱਚ ਸਵਾਰ ਹੋਕੇ ਫਰਾਰ ਹੋ ਗਏ।