ਮੁੱਲਾਂਪੁਰ ਦਾਖਾ, 24 ਮਈ (ਸਤਿਨਾਮ ਬੜੈਚ) : ਥਾਣਾ ਦਾਖਾ ਦੀ ਪੁਲਿਸ ਨੇ ਦੋ ਟਰੈਕਟਰਾਂ ਦੀ ਲਪੇਟ ਵਿੱਚ ਆਏ ਮੋਟਰਸਾਇਕਲ ਚਾਲਕ ਦੀ ਹੋਈ ਮੌਤ ਦੇ ਮਾਮਲੇ ਵਿੱਚ ਕਾਰਵਾਈ ਕਰਦਿਆਂ ਲਾਪ੍ਰਵਾਹੀ ਵਰਤਣ ਵਾਲੇ ਦੋਵਾਂ ਚਾਲਕਾਂ ਖਿਲਾਫ ਕੇਸ ਦਰਜ ਕੀਤਾ ਹੈ।
ਕੇਸ ਦੀ ਪੜਤਾਲ ਕਰ ਰਹੇ ਏ.ਐਸ.ਆਈ. ਗੁਰਸੇਵਕ ਸਿੰਘ ਅਨੁਸਾਰ ਪੁਲਿਸ ਕੋਲ ਦਰਜ਼ ਕਰਵਾਏ ਬਿਆਨਾ ਵਿੱਚ ਸਰਬਜੀਤ ਸਿੰਘ ਪੁੱਤਰ ਸਵ: ਗੁਰਮੁੱਖ ਸਿੰਘ ਵਾਸੀ ਪਿੰਡ ਦਾਖਾ ਨੇ ਦੱਸਿਆ ਕਿ ਉਸਦੀ ਵੱਡਾ ਭਰਾ ਬੂਟਾ ਸਿੰਘ ਆਪਣੇ ਸੀ.ਟੀ.100 ਮੋਟਰ ਸਾਈਕਲ ’ਤੇ ਸਵਾਰ ਹੋ ਕੇ ਘਰ ਜਾ ਰਿਹਾ ਸੀ ਤਾਂ ਰਾਏਕੋਟ ਵੱਲੋਂ ਦੋ ਨੀਲੇ ਰੰਗ ਦੇ ਸੋਨਾਲਿਕਾ ਟਰੈਕਟਰ ਜਿੰਨਾ ਨੂੰ ਟੋਚਨ ਪਾ ਕੇ ਜੁਆਇੰਟ ਕੀਤਾ ਹੋਇਆ ਸੀ ਬੜੀ ਤੇਜੀ ਨਾਲ ਆ ਰਹੇ ਸਨ ਨੇ ਟਰੈਕਟਰ ਉਸਦੇ ਭਰਾ ਦੇ ਮੋਟਰਸਾਇਕਲ ਵਿੱਚ ਮਾਰਿਆ ਤਾਂ ਸੜਕ ਵਿਚਕਾਰ ਡਿੱਗ ਪਿਆ । ਫਿਰ ਉਸਨੇ ਰਾਹਗੀਰਾਂ ਦੀ ਮੱਦਦ ਨਾਲ ਉਸਨੂੰ ਪੰਡੋਰੀ ਹਸਪਤਾਲ ਮੁੱਲਾਂਪੁਰ ਲੈ ਗਏ, ਸੱਟਾਂ ਜਿਆਦਾ ਸੱਟਾ ਹੋਣ ਕਰਕੇ ਉਸਨੂੰ ਮੁੱਢਲੀ ਸਹਾਇਤਾ ਦੇਣ ਉਪਰੰਤ ਗੋਲਬਲ ਹਾਰਟ ਹਸਪਤਾਲ ਲੁਧਿਆਣਾ ਭੇਜ ਦਿੱਤਾ ਜਿੱਥੇ ਉਸਦੀ ਮੌਤ ਹੋ ਗਈ । ਪੁਲਿਸ ਨੇ ਬਿਆਨਾ ਦੇ ਆਧਾਰ ’ਤੇ ਕਾਰਵਾਈ ਕਰਦਿਆਂ ਚਾਲਕ ਭੁਪਿੰਦਰਜੀਤ ਪੁੱਤਰ ਪ੍ਰਭਦਿਆਲ ਸਿੰਘ ਵਾਸੀ ਖਿੱਲਚੀਆਂ (ਜਲੰਧਰ) ਅਤੇ ਹਰਭਜਨ ਸਿੰਘ ਪੁੱਤਰ ਅਜੀਤ ਵਾਸੀ ਫਤਿਹਗੜ ਨਿਆੜਾ (ਹੁਸ਼ਿਆਰਪੁਰ) ਖਿਲਾਫ ਕੇਸ ਦਰਜ ਕਰ ਲਿਆ ਹੈ।