ਗੜਸ਼ੰਕਰ 3 ਜੁਲਾਈ
ਬਹੁਜਨ ਪਾਰਟੀ ਦੇ ਸੂਬਾ ਪ੍ਰਧਾਨ ਜਸਵੀਰ ਸਿੰਘ ਗੜੀ ਨੇ ਅੱਜ ਵਿਧਾਨ ਸਭਾ ਗੜਸ਼ੰਕਰ ਅਤੇ ਵਿਧਾਨ ਸਭਾ ਚੱਬੇਵਾਲ ਦੀ ਲੀਡਰਸ਼ਿਪ ਨਾਲ। ਇਸ ਮੌਕੇ ਗੜਸ਼ੰਕਰ ਵਿਧਾਨ ਸਭਾ ਦੀ ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਪੰਜਾਬ ਸਰਕਾਰ ਤੇ ਹੱਲਾ ਬੋਲਦੇ ਕਿਹਾ ਕਿ ਪੰਜਾਬ ਦੀ ਤਰੱਕੀ ਦਾ ਮਾਡਲ ਲਾਗੂ ਕਰਨ ਵਿੱਚ ਆਮ ਆਦਮੀ ਪਾਰਟੀ ਦੀ ਸਰਕਾਰ ਫੇਲ ਹੋ ਚੁੱਕੀ ਹੈ। ਜਿਸ ਵੀ ਤਾਜ਼ਾ ਉਦਾਹਰਣ ਅੱਠ ਸਰਕਾਰੀ ਕਾਲਜਾਂ ਨੂੰ ਆਟੋਨੋਮਸ ਬਣਾਉਣ ਸਬੰਧੀ ਜਾਰੀ ਹੋਇਆ ਪੱਤਰ ਹੈ, ਜਿਸ ਨਾਲ ਸਿੱਖਿਆ ਪ੍ਰੇਮੀਆਂ ਤੇ ਸਰਕਾਰੀ ਸਿੱਖਿਆ ਅਦਾਰਿਆਂ ਨਾਲ ਜੁੜੇ ਹੋਏ ਹਜ਼ਾਰਾਂ ਕਰਮਚਾਰੀਆਂ ਤੇ ਅਧਿਕਾਰੀਆਂ ਵਿੱਚ ਡਰ ਦਾ ਮਾਹੌਲ ਹੈ। ਰੰਗ ਰੋਗਨ ਤੇ ਸੀਮੈਂਟ ਸਰੀਏ ਦੀ ਵਰਤੋਂ ਕਰਕੇ ਹੀ ਸਕੂਲਾਂ ਦੇ ਰੰਗ ਬਦਲੇ ਜਾ ਰਹੇ ਹਨ। ਰੰਗ ਬਦਲੇ ਸਕੂਲਾਂ ਦਾ ਨਾਮ ਹੈਪੀਨੈਸ ਬਰਿਲੀਅਂਸ ਤੇ ਐਮੀਨੈਂਸ ਰੱਖੇ ਜਾ ਰਹੇ ਹਨ। ਸਿੱਖਿਆ ਤੰਤਰ ਦਾ ਹਾਲ ਇਹ ਹੈ ਕਿ ਆਮ ਆਦਮੀ ਕਲੀਨਿਕਾਂ ਵਿੱਚ ਸਰਕਾਰ ਪਰਚੀ ਤੱਕ ਨਹੀਂ ਕੱਟ ਰਹੀ ਹੈ ਜਿਸ ਨਾਲ ਇਲਾਜ ਕਰਾਉਣ ਵਾਲਿਆਂ ਦਾ ਕੋਈ ਵੀ ਡਾਟਾ ਸਾਹਮਣੇ ਨਹੀਂ ਆ ਰਿਹਾ। ਗਰੀਬੀ ਦੇ ਹਾਲਾਤ ਇਹ ਹਨ ਕਿ ਪੰਜਾਬ ਵਿੱਚ 87 ਲੱਖ ਆਯੁਸ਼ਮਾਨ ਕਾਰਡ ਜਾਰੀ ਹੋ ਚੁੱਕੇ ਹਨ ਅਤੇ ਗਰੀਬਾਂ ਦੀ ਦੁਰਗਤੀ ਇਹ ਹੈ ਕਿ ਇਲਾਜ ਕਰਾਉਣ ਵਾਲੇ ਹਸਪਤਾਲਾਂ ਦੀ ਸੂਚੀ ਬਹੁਤ ਛੋਟੀ ਹੈ। ਆਟਾ ਦਾਲ ਦੀ ਸਕੀਮ ਪੰਜਾਬ ਵਿੱਚ ਡੇਢ ਕਰੋੜ ਦੇ ਲਗਭਗ ਗਰੀਬਾਂ ਨੂੰ ਮਿਲ ਰਹੀ ਹੈ ਤਾਂ ਆਯੂਸ਼ਮਾਨ ਕਾਰਡ ਡੇਢ ਕਰੋੜ ਲੋਕਾਂ ਦਾ ਅੱਜ ਤੱਕ ਸਰਕਾਰ ਕਿਉਂ ਨਹੀਂ ਬਣਾ ਸਕੀ। ਪਿਛਲੇ ਸਾਲ ਆਏ ਹੋਏ ਹੜਾਂ ਦੇ ਕਾਰਨ ਹੋਏ ਨੁਕਸਾਨ ਅਤੇ ਮੁਆਵਜ਼ੇ ਸਬੰਧੀ ਵੀ ਕਿਸਾਨਾਂ ਤੇ ਮਜ਼ਦੂਰਾਂ ਨਾਲ ਧੱਕਾ ਹੋਇਆ ਹੈ ਜਦੋਂ ਪੰਜਾਬ ਸਰਕਾਰ ਕੇਂਦਰ ਕੋਲ ਪੰਜਾਬ ਵਿੱਚ ਹੜਾਂ ਦੇ ਆਉਣ ਤੋਂ ਇਨਕਾਰੀ ਹੋਈ ਹੈ। ਨਸ਼ੇ ਅਤੇ ਗੈਂਗਸਟਰਵਾਦ ਦੀ ਦਿੱਤੀ ਛੇ ਮਹੀਨਿਆਂ ਦੀ ਗਰੰਟੀ ਪੂਰੀ ਕਰਨ ਵਿੱਚ ਆਮ ਆਦਮੀ ਪਾਰਟੀ ਫੇਲ ਹੋ ਚੁੱਕੀ ਹੈ, ਪੰਜਾਬ ਨਸ਼ਿਆਂ ਅਤੇ ਗੈਂਗਸਟਰਵਾਦ ਦਾ ਦੂਜਾ ਘਰ ਬਣ ਚੁੱਕਾ ਹੈ। ਨਸ਼ਿਆਂ ਦੇ ਵਪਾਰ, ਆਮ ਲੋਕਾਂ ਨਾਲ ਹੋ ਰਹੀ ਲੁੱਟ ਖੋਹ, ਡਕੈਤੀ ਤੇ ਫਰੋਤੀ ਨਾਲ ਸੰਬੰਧਿਤ ਖਬਰਾਂ ਦੀਆਂ ਘਟਨਾਵਾਂ ਨਾਲ ਪੰਜਾਬ ਦੇ ਅਖਬਾਰ ਭਰੇ ਪਏ ਹਨ ਜਿਸ ਵਿੱਚ ਔਰਤਾਂ ਬੱਚਿਆਂ ਤੇ ਬਜ਼ੁਰਗਾਂ ਨੂੰ ਨਿਸ਼ਾਨਾ ਬਣਾਇਆ ਜਾਂਦਾ ਹੈ। ਮੁੱਖ ਮੰਤਰੀ ਭਗਵੰਤ ਮਾਨ ਦੇ ਵਰਤਾਓ ਤੇ ਵਿਵਹਾਰ ਦਾ ਪੱਧਰ ਵਿਰੋਧੀ ਪਾਰਟੀਆਂ ਦੇ ਲੀਡਰਾਂ ਨਾਲ ਹੀ ਨਹੀਂ ਸਗੋਂ ਆਪਣੇ ਵਿਧਾਇਕਾਂ ਅਤੇ ਮੰਤਰੀਆਂ ਨਾਲ ਵੀ ਬਹੁਤ ਹਲਕੇ ਪੱਧਰ ਦਾ ਹੈ ਜੋ ਕਿ ਨਿੰਦਣ ਯੋਗ ਹੈ।
ਸ ਗੜ੍ਹੀ ਨੇ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਬਹੁਜਨ ਸਮਾਜ ਪਾਰਟੀ ਪੰਜਾਬ ਵਿੱਚ ਆਮ ਆਦਮੀ ਪਾਰਟੀ ਦੀਆਂ ਨੀਤੀਆਂ ਦੇ ਖਿਲਾਫ ਲੋਕਾਂ ਨੂੰ ਲਾਮਬੰਦ ਕਰਨ ਲਈ ਮਜਬੂਤ ਸੰਗਠਨ ਦਾ ਨਿਰਮਾਣ ਕਰ ਰਹੀ ਹੈ ਜਿਸ ਲੜੀ ਵਿੱਚ ਪਿਛਲੇ ਦਿਨੀ ਉਹਨਾਂ ਵੱਲੋਂ ਮਾਝਾ ਹੁਸ਼ਿਆਰਪੁਰ ਰੋਪੜ ਜਲੰਧਰ ਪਟਿਆਲਾ ਸੰਗਰੂਰ ਬਠਿੰਡਾ ਅਤੇ ਕੋਟਕਪੂਰਾ ਵਿਖੇ ਬਸਪਾ ਲੀਡਰਸ਼ਿਪ ਨੂੰ ਲਾਮਬੰਦ ਕਰਨ ਲਈ ਮੀਟਿੰਗਾਂ ਕੀਤੀਆਂ ਗਈਆਂ। ਇਸ ਲੜੀ ਵਿੱਚ ਅਗਲੀ ਮੀਟਿੰਗ ਸੂਬਾ ਪੱਧਰੀ 4 ਅਗਸਤ ਨੂੰ ਜਲੰਧਰ ਪਾਰਟੀ ਦਫਤਰ ਵਿਖੇ ਕੀਤੀ ਜਾ ਰਹੀ ਹੈ। ਜਿਸ ਦਾ ਏਜੰਡਾ ਬਹੁਜਨ ਸਮਾਜ ਪਾਰਟੀ ਆਉਣ ਵਾਲੇ ਤਿੰਨ ਮਹੀਨੇ ਸੰਗਠਨ ਨੂੰ ਮਜਬੂਤ ਕਰਨ ਤੇ ਲਗਾਏਗੀ ਅਤੇ ਪਾਰਟੀ ਸੰਗਠਨ ਦੇ ਪ੍ਰੋਗਰਾਮ ਦੇਵੇਗੀ। ਇਸ ਮੌਕੇ ਸੂਬਾ ਜਨਰਲ ਸਕੱਤਰ ਗੁਰਲਾਲ ਸੈਲਾ, ਜਿਲ੍ਹਾ ਪ੍ਰਧਾਨ ਦਲਜੀਤ ਰਾਏ, ਹਲਕਾ ਇੰਚਾਰਜ ਰਣਵੀਰ ਬੱਬਰ, ਅਮਰਜੀਤ ਸਿੰਘ ਗੁੱਡੂ ਪ੍ਰਧਾਨ, ਰਾਮ ਯਸ਼ ਵਾਈਸ ਪ੍ਰੈਜ਼ੀਡੈਂਟ, ਰਾਮ ਦਾਸ ਜਨਰਲ ਸਕੱਤਰ, ਸ਼ਿੰਦਰਪਾਲ ਕੈਸ਼ੀਅਰ, ਐਡਵੋਕੇਟ ਬਲਜਿੰਦਰ ਸਿੰਘ ਹਲਕਾ ਆਰਗੇਨਾਈਜ਼ਰ ਸਕੱਤਰ, ਚਰਨਜੀਤ ਸਿੰਘ, ਧਰਮ ਚੰਦ ਜਿਲਾ ਸਕੱਤਰ, ਹਰਦੇਵ ਗੁਲਮਾਰਗ, ਚਰਨ ਭਾਰਤੀ, ਸੁਖਵਿੰਦਰ ਡਘਾਮ ਆਦਿ ਹਾਜ਼ਰ ਸਨ