ਪੀ.ਪੀ. ਵਰਮਾ
ਪੰਚਕੂਲਾ, 7 ਸਤੰਬਰ
ਹਰਿਆਣਾ ਪਬਲਿਕ ਹੈਲਥ ਕਰਮਚਾਰੀ ਸੰਘ ਦਾ ਇੱਕ ਵਫ਼ਦ ਆਪਣੀਆਂ ਮੰਗਾਂ ਸਬੰਧੀ ਚੀਫ਼ ਇੰਜੀਨੀਅਰ ਨੂੰ ਮਿਲਿਆ। ਯੂਨੀਅਨ ਦੇ ਸਟੇਟ ਪ੍ਰਧਾਨ ਚਾਂਦਰਾਮ ਚਹਿਲ, ਜਨਰਲ ਸੈਕਟਰੀ ਵਿਨੋਦ ਸ਼ਰਮਾ ਨੇ ਦੱਸਿਆ ਕਿ ਵਿਭਾਗ ਦੇ ਚੀਫ਼ ਇੰਜੀਨੀਅਰ ਨਾਲ 20 ਸੂਤਰੀ ਮੰਗ ਪੱਤਰ ਬਾਰੇ ਗੱਲਬਾਤ ਹੋਈ। ਕਰਮਚਾਰੀਆਂ ਨੂੰ ਕੈਸ਼ਲੈਸ ਮੈਡੀਕਲ ਸਹੂਲਤਾਂ ਵਿੱਚ ਆ ਰਹੀਆਂ ਸਮੱਸਿਆਵਾਂ ਨੂੰ ਦੂਰ ਕੀਤਾ ਜਾਵੇ। ਕੱਚੇ ਮੁਲਾਜ਼ਮਾਂ ਨੂੰ ਚਿਰਾਯੂੰ ਯੋਜਨਾ ਤਹਿਤ ਲਾਭ ਦਿੱਤਾ ਜਾਵੇ। ਮੀਟਰ ਰੀਡਰ, ਬਿਲ ਕਲਰਕ ਅਤੇ ਹੋਰ ਕਈ ਅਜਿਹੀਆਂ ਅਸਾਮੀਆਂ ਵਾਲਿਆਂ ਨੂੰ ਤਰੱਕੀ ਦਿੱਤੀ ਜਾਵੇ। ਇਸ ਵਫ਼ਦ ਵਿੱਚ ਭਾਰਤੀ ਮਜਦੂਰ ਸੰਘ ਦੇ ਸਟੇਟ ਮਹਾਂਮੰਤਰੀ ਹਵਾ ਸਿੰਘ, ਖੇਤਰੀ ਪ੍ਰਧਾਨ ਚਾਂਦ ਰਾਮ, ਮੁਲਾਜ਼ਮ ਨੇਤਾ ਵਿਨੋਦ ਸ਼ਰਮਾ, ਦਲਵੀਰ ਸਿੰਘ, ਸੰਦੀਪ ਪੰਨੂ, ਨੀਰਜ ਕੁਮਾਰ, ਜੈ ਕੁਮਾਰ, ਓਮ ਪ੍ਰਕਾਸ਼ ਸ਼ਾਸਤਰੀ, ਇੰਦਰ ਸਿੰਘ ਅਤੇ ਪੰਚਕੂਲਾ ਜ਼ਿਲ੍ਹਾ ਪ੍ਰਧਾਨ ਸ਼ੰਭੂ ਨਾਥ ਸ਼ਾਮਲ ਸਨ।