ਚੰਡੀਗੜ੍ਹ, 4 ਅਪ੍ਰੈਲ -
ਹਰਿਆਣਾ ਤੋਂ ਨਸ਼ੇ ਦੇ ਖਾਤਮੇ ਲਈ ਕੱਲ 5 ਅਪ੍ਰੈਲ ਨੂੰ ਹਿਸਾਰ ਤੋਂ ਸੂਬਾ ਪੱਧਰੀ ਨਸ਼ਾ ਮੁਕਤ ਹਰਿਆਣਾ ਸਾਈਕਲੋਥਾਨ 2.0 ਮੁਹਿੰਮ ਦੀ ਸ਼ੁਰੂਆਤ ਕੀਤੀ ਜਾਵੇਗੀ। ਇਸ ਜਾਗਰੁਕਤਾ ਮੁਹਿੰਮ ਦੀ ਸ਼ੁਰੂਆਤ ਹਰਿਆਣਾ ਦੇ ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਕਰਣਗੇ।
ਇੱਕ ਸਰਕਾਰੀ ਬੁਲਾਰੇ ਨੇ ਇਸ ਬਾਰੇ ਵਿੱਚ ਜਾਣਕਾਰੀ ਦਿੰਦੇ ਹੋਏ ਦਸਿਆ ਕਿ ਨਸ਼ਾ ਮੁਕਤ ਹਰਿਆਣਾ ਸਾਈਕਲੋਥਾਨ 2.0 ਮੁਹਿੰਮ ਲਈ ਚੌਧਰੀ ਚਰਣ ਸਿੰਘ ਹਰਿਆਣਾ ਖੇਤੀਬਾੜੀ ਯੂਨੀਵਰਸਿਟੀ ਹਿਸਾਰ ਦੇ ਗੇਟ ਨੰਬਰ ਇੱਕ ਤੋਂ ਫਲੇਚਰ ਭਵਨ (ਐਚਏਯੂ ਪ੍ਰਸਾਸ਼ਨਿਕ ਬਲਾਕ) ਦਾ ਮਾਰਗ ਚੁਣਿਆ ਗਿਆ ਹੈ। ਉਨ੍ਹਾਂ ਨੇ ਦਸਿਆ ਕਿ ਹਿਸਾਰ ਜਿਲ੍ਹਾ ਪ੍ਰਸਾਸ਼ਨ ਵੱਲੋਂ ਰਾਜ ਪੱਧਰੀ ਸਾਈਕਲੋਥਾਨ ਦੇ ਪ੍ਰਬੰਧ ਲਈ ਸਾਰੀ ਤਿਆਰੀਆਂ ਪੂਰੀ ਕਰ ਲਈਆਂ ਗਈਆਂ ਹਨ।
ਉਨ੍ਹਾਂ ਨੇ ਦਸਿਆ ਕਿ ਹਿਸਾਰ ਤੋਂ ਸ਼ੁਰੂ ਹੋ ਕੇ ਇਹ ਯਾਤਰਾ ਭਿਵਾਨੀ ਜਿਲ੍ਹੇ ਵਿੱਚ ਦਾਖਲ ਹੋਵੇਗੀ। ਉਨ੍ਹਾਂ ਨੇ ਕਿਹਾ ਕਿ ਇਹ ਸਾਈਕਲੋਥਾਨ ਮਹਿਜ ਇੱਕ ਖੇਡ ਜਾਂ ਇਵੇਂਟ ਨਹੀਂ ਹੈ, ਸਗੋ ਇਹ ਇੱਕ ਸਮਾਜਿਕ ਬੁਰਾਈ ਦੀ ਸ਼ੁਰੂਆਤ ਹੈ, ਜਿਸ ਵਿੱਚ ਹਜਾਰਾਂ ਦੀ ਗਿਣਤੀ ਵਿੱੀ ਨੌਜੁਆਨ, ਵਿਦਿਆਰਥੀ, ਪੁਲਿਸ, ਸੇਨਾ, ਐਨਸੀਸੀ, ਐਨਐਸਐਸ ਅਤੇ ਸਮਾਜ ਦੇ ਸਾਰੇ ਵਰਗਾਂ ਤੋਂ ਲੋਕ ਹਿੱਸਾ ਲੈਣਗੇ। ਉਨ੍ਹਾਂ ਨੇ ਕਿਹਾ ਕਿ ਇਹ ਪ੍ਰਬੰਧ ਹਰਿਆਣਾ ਨੂੰ ਨਸ਼ਾ ਮੁਕਤ ਬਨਾਉਣ ਦੀ ਦਿਸ਼ਾ ਵਿੱਚ ਇੱਕ ਇਤਿਹਾਸਕ ਕਦਮ ਸਾਬਤ ਹੋਵੇਗਾ।
ਬੁਲਾਰੇ ਨੇ ਦਸਿਆ ਕਿ ਹੁਣ ਤੱਕ ਇਸ ਸਾਈਕਲੋਥਾਨ ਵਿੱਚ ਹਿਸਾਰ ਜਿਲ੍ਹੇ ਤੋਂ 43 ਹਜਾਰ ਤੋਂ ਵੱਧ ਸਾਈਕਲਿਸਟ ਜੁੜ ਚੁੱਕੇ ਹਨ ਅਤੇ ਇਸ ਜਿਲ੍ਹੇ ਵਿੱਚ ਆਂਕੜਾ ਲਗਾਤਾਰ ਵੱਧਦਾ ਜਾ ਰਿਹਾ ਹੈ। ਲੋਕਾਂ ਦੀ ਇਹ ਸਹਿਭਾਗਤਾ ਸਾਨੂੰ ਰਿਕਾਰਡ ਦੀ ਦਿਸ਼ਾ ਵਿੱਚ ਲੈ ਜਾ ਰਹੀ ਹੈ। ਕੱਲ ਦਾ ਪ੍ਰਬੰਧ ਪੂਰੇ ਸੂਬੇ ਵਿੱਚ ਇੱਕ ਨਵੀਂ ਉਰਜਾ ਅਤੇ ਪ੍ਰੇਰਣਾ ਦਾ ਸੰਚਾਰ ਕਰੇਗਾ।
ਹਿਸਾਰ ਤੋਂ ਸ਼ੁਰੂ ਹੋਣ ਵਾਲੀ ਇਹ ਯਾਦਰਾ 27 ਅਪ੍ਰੈਲ ਤੱਕ ਚੱਲੇਗੀ ਅਤੇ ਰਾਜ ਦੇ ਵੱਖ-ਵੱਖ ਜਿਲ੍ਹਿਆਂ ਤੋਂ ਲੰਘਦੇ ਹੋਏ ਸਿਰਸਾ ਵਿਚ ਖਤਮ ਹੋਵੇਗੀ। ਕੱਲ ਯਾਤਰਾ ਹਿਸਾਰ ਤੋਂ ਭਿਵਾਨੀ ਜਿਲ੍ਹੇ ਵੱਲ ਵਧੇਗੀ ਅਤੇ ਲਾਡਵਾ, ਸੁਲਤਾਨਪੁਰ, ਉਮਰਾ, ਰਤੇਰਾ, ਢਾਣੀ ਕਿਰਵਾਰ, ਤੋਸ਼ਾਮ, ਸਾਗਬਾਨ ਤੇ ਬਾਪੋੜ ਹੁੰਦੇ ਹੋਏ ਅੱਗੇ ਵਧੇਗੀ।