ਸਮਾਣਾ11 ਜੂਨ (ਸੁਭਾਸ਼ ਚੰਦਰ/ਪੱਤਰ ਪ੍ਰੇਰਕ)
ਡਿਪਟੀ ਕਮਿਸ਼ਨਰ ਦੇ ਹੁਕਮਾਂ ਅਤੇ ਐਸ.ਐਸ.ਪੀ ਪਟਿਆਲਾ ਵਲੋ ਦਿਤੀਆ ਹਦਾਇਤਾਂ ਅਨੁਸਾਰ ਬੁੱਧਵਾਰ ਨੂੰ ਸਥਾਨਕ ਟਰੈਫਿਕ ਪੁਲਸ ਮੁੱਖੀ ਏ.ਐਸ.ਆਈ ਝਿਰਮਿਲ ਸਿੰਘ ਦੀ ਅਗਵਾਈ ’ਚ ਬਾਬਾ ਬੰਦਾ ਸਿੰਘ ਬਹਾਦੁਰ ਚੌਂਕ ’ਚ ਕੀਤੀ ਨਾਕਾਬੰਦੀ ਦੌਰਾਨ ਦੋ ਟਿੱਪਰ, ਇੱਕ ਟਰਾਲੀ ਤੇ 12 ਟਰੱਕ- ਟਰਾਲਿਆਂ ਨੂੰ ਬਾਉਂਡ ਕਰਕੇ ਉਹਨਾਂ ਦੇ ਟਰੈਫਿਕ ਨਿਯਮਾਂ ਦੀ ਉਲੰਘਣਾ ਕਰਨ ਤੇ ਚਲਾਨ ਕੱਟੇ ਗਏ ਹਨ। ਇਸ ਮੌਕੇ ਟਰੈਫਿਕ ਪੁਲਸ ਮੁੱਖੀ ਝਿਰਮਿਲ ਸਿੰਘ ਨੇ ਦੱਸਿਆ ਕਿ ਉੱਚ ਅਫਸਰਾਂ ਦੀਆਂ ਹਦਾਇਤਾਂ ਅਨੁਸਾਰ ਜੋ ਵੀ ਕੋਈ ਵਾਹਨ ਬਿਨਾਂ ਕਾਗਜਾਂ ਤੋਂ ਓਵਰਲੋਡ ਜਾਂ ਮਾਈਨਿੰਗ ਕਰਕੇ ਸਮਾਨ ਲਿਆਂਦਾ ਹੈ, ਜਾਂ ਨੋ ਐਂਟਰੀ ਵਿੱਚ ਵਾਹਨ ਸੜਕ ਤੇ ਚਲਾਉਂਦਾ ਹੈ। ਉਹਨਾਂ ਵਾਹਨਾਂ ਨੂੰ ਬਾਉਂਡ ਕਰਕੇ ਚਲਾਨ ਕੱਟੇ ਜਾ ਰਹੇ ਹਨ। ਜਿਸ ਤਹਿਤ ਅੱਜ ਉਕਤ ਗਿਣਤੀ ਵਾਹਨਾਂ ਨੂੰ ਬਾਊਂਡ ਕਰਕੇ ਚਲਾਨ ਕੱਟੇ ਗਏ ਹਨ। ਉਹਨਾਂ ਵਾਹਨ ਚਾਲਕਾਂ ਨੂੰ ਅਪੀਲ ਕੀਤੀ ਕਿ ਉਹ ਟੈਰੈਫਿਕ ਨਿਯਮਾਂ ਦੀ ਪਾਲਣਾ ਕਰਦੇ ਹੋਏ ਅਤੇ ਉੱਚ ਅਫਸਰਾਂ ਵੱਲੋਂ ਮਿਲੇ ਨਵੇਂ ਹੁਕਮਾਂ ਨੂੰ ਧਿਆਨ ’ਚ ਰੱਖਦੇ ਹੋਏ ਪਸਿਆਣਾ ਤੋਂ ਪਾਤੜਾਂ ਤੱਕ ਵਾਹਨ ਕਾਨੂੰਨ ਅਨੁਸਾਰ ਹੀ ਚਲਾਉਣ। ਉਹਨਾ ਇਹ ਵੀ ਦੱਸਿਆ ਕਿ ਇਹ ਮੁਹਿਮ ਲਗਾਤਾਰ ਜਾਰੀ ਰਹੇਗੀ।