ਬਨੂੜ, 19 ਜੂਨ (ਅਵਤਾਰ ਸਿੰਘ)
ਬਨੂੜ ਪੁਲਿਸ ਨੇ ਚੋਰੀ ਦੇ ਮੋਟਰਸਾਈਕਲ ਸਮੇਤ ਇੱਕ ਨੌਜਵਾਨ ਨੂੰ ਕਾਬੂ ਕਰਨ ਦਾ ਦਾਅਵਾ ਕੀਤਾ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਸਹਾਇਕ ਥਾਣੇਦਾਰ ਮਹਿੰਦਰ ਸਿੰਘ ਨੇ ਦੱਸਿਆ ਕਿ ਬਨੂੜ ਰਾਜਪੁਰਾ ਕੌਮੀ ਮਾਰਗ ਤੇ ਪੈਂਦੇ ਪਿੰਡ ਜਲਾਲਪੁਰ ਟੀ-ਪੁਆਇੰਟ ਤੇ ਪੁਲਿਸ ਵੱਲੋਂ ਨਾਕਾ ਲਾਇਆ ਹੋਇਆ ਸੀ, ਕਿ ਪੁਲਿਸ ਨੇ ਗੁਪਤਾ ਸੂਚਨਾਂ ਦੇ ਅਧਾਰ ਤੇ ਬਨੂੜ ਵੱਲ ਆਂਉਦੇ ਮੋਟਰਸਾਇਕਲ ਸਵਾਰ ਨੌਜਵਾਨ ਨੂੰ ਰੋਕ ਕੇ ਜਾਂਚ ਕੀਤੀ, ਉਹ ਮੋਟਰਸਾਇਕਲ ਤੇ ਕੋਈ ਕਾਗਜ ਨਹੀ ਵਿਖਾ ਸਕਿਆ ਤੇ ਉਸ ਨੇ ਸਖਤੀ ਨਾਲ ਪੁੱਛਣ ਤੇ ਕਬੂਲੀਆ ਕਿ ਇਹ ਮੋਟਰਸਾਇਕਲ ਚੋਰੀ ਦਾ ਹੈ। ਪੁਲਿਸ ਨੇ ਮੋਟਰਸਾਇਕਲ ਸਮੇਤ ਨੌਜਵਾਨ ਨੂੰ ਮੌਕੇ ਤੇ ਕਾਬੂ ਕਰ ਲਿਆ। ਜਾਂਚ ਅਫਸਰ ਨੇ ਦੱਸਿਆ ਕਿ ਨੌਜਵਾਨ ਦੀ ਪਛਾਣ ਜਰਨੈਲ ਪੁੱਤਰ ਮੋਹਨ ਲਾਲ ਵਾਸੀ 346 ਨੇੜੇ ਬਰਫ ਫੈਕਟਰੀ ਸ਼ਹੀਦ ਊਧਮ ਸਿੰਘ ਕਲੋਨੀ ਰਾਜਪੁਰਾ ਵੱਜੋਂ ਹੋਈ ਹੈ ਤੇ ਧਾਰਾ 303(2) ਬੀਐਨਐਸ ਅਧੀਨ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸੁਰੂ ਕਰ ਦਿੱਤੀ ਹੈ।