ਉਦਯੋਗਿਕ ਸਿਖਲਾਈ ਸੰਸਥਾ ਬਸੀ ਪਠਾਣਾਂ ਵਿਖੇ ਲਗਾਇਆ ਗਿਆ ਰੋਜ਼ਗਾਰ ਮੇਲਾ

ਡਾਇਰੈਕਟਰ ਤਕਨੀਕੀ ਸਿੱਖਿਆ ਅਤੇ ਉਦਯੋਗਿਕ ਸਿਖਲਾਈ ਵਿਭਾਗ,ਪੰਜਾਬ,ਚੰਡੀਗੜ੍ਹ ਦੀਆਂ ਹਦਾਇਤਾਂ ਅਨੁਸਾਰ ਸਰਕਾਰੀ ਉਦਯੋਗਿਕ ਸਿਖਲਾਈ ਸੰਸਥਾ ਬਸੀ ਪਠਾਣਾਂ ਵਿਖੇ ਪ੍ਰਿੰਸੀਪਲ ਹਰਪ੍ਰੀਤ ਸਿੰਘ ਗਿੱਲ ਦੀ ਅਗਵਾਈ ਹੇਠ ਰੋਜ਼ਗਾਰ ਮੇਲਾ ਲਗਾਇਆ ਗਿਆ।ਇਸ ਮੇਲੇ ਵਿੱਚ ਸੈਸ਼ਨ 2023-25 ਅਤੇ 2024-25 ਦੇ ਇੰਜੀਨੀਅਰਿੰਗ ਅਤੇ ਨਾਨ ਇੰਜੀਨੀਅਰਿੰਗ ਟਰੇਡਾਂ ਵੈਲਡਰ,ਫਿਟਰ,ਟਰਨਰ,ਮਸ਼ੀਨਿਸਟ,ਕੋਪਾ,ਇਲੈਕਟ੍ਰੀਸ਼ਨ,ਟਰੈਕਟਰ ਮਕੈਨਿਕ,ਕਾਰਪੇਂਟਰ ਆਦਿ ਦੇ ਫਾਈਨਲ ਪ੍ਰੀਖਿਆ ਵਿੱਚ ਅਪੀਅਰ ਹੋਣ ਜਾ ਰਹੇ ਸਿਖਿਆਰਥੀਆਂ ਨੇ ਨੌਕਰੀ ਲਈ ਪ੍ਰਸਿੱਧ ਅਦਾਰਿਆਂ ਜਿਨ੍ਹਾਂ ਵਿੱਚ ਮਾਧਵ ਸਟੈਲਕੋ,ਕਿਸਕੋ ਕਾਸਟਿੰਗ,ਰੌਕ ਪੈਕਰ,ਸਵਰਾਜ,ਅਲੈਨਾ ਆਟੋ ਇੰਡਸਟਰੀਜ਼,ਮੌਡਰਨ ਆਟੋਮੋਟਿਵਸ,ਹੁਸ਼ਿਆਰਪੁਰ ਆਟੋਮੋਬਾਈਲਜ਼,ਸੁਵੀ ਇੰਡਸਟਰੀਜ਼,ਪੀ.ਐਸ. ਰੋਲਜ਼,ਗੌਦਰੇਜ਼,ਗੋਬਿੰਦ ਕੋਚ ਦੇ ਨਾਮ ਸ਼ਾਮਲ ਹਨ ਤੋਂ ਆਏ ਨੁਮਾਇੰਦਿਆਂ ਨੂੰ ਇੰਟਰਵਿਊ ਦਿੱਤੀ ਗਈ।ਜਿਸ ਵਿੱਚ ਸਬੰਧਿਤ ਅਦਾਰਿਆਂ ਨੇ ਸਿਖਿਆਰਥੀਆਂ ਦੇ ਤਕਨੀਕੀ ਗਿਆਨ 'ਤੇ ਸੰਤੁਸ਼ਟੀ ਪ੍ਰਗਟਾਉਂਦਿਆਂ ਭਵਿੱਖ ਵਿੱਚ ਫਾਈਨਲ ਪ੍ਰੀਖਿਆ ਤੋਂ ਬਾਅਦ ਨੌਕਰੀ ਦਾ ਭਰੋਸਾ ਦਵਾਇਆ।ਇਸ ਮੇਲੇ ਵਿੱਚ ਸਰਕਾਰੀ ਆਈ.ਟੀ.ਆਈ. ਭਗੜਾਣਾ,ਸਰਕਾਰੀ ਆਈ.ਟੀ.ਆਈ. ਭਗਵਾਨਪੁਰਾ ਅਤੇ ਹੋਰ ਉਦਯੋਗਿਕ ਸਿਖਲਾਈ ਸੰਸਥਾਵਾਂ ਦੇ ਕਰੀਬ 300 ਸਿਖਿਆਰਥੀਆਂ ਨੇ ਭਾਗ ਲਿਆ।ਆਈ.ਟੀ.ਆਈ. ਬਸੀ ਪਠਾਣਾਂ ਦੇ ਪ੍ਰਿੰਸੀਪਲ ਹਰਪ੍ਰੀਤ ਸਿੰਘ ਗਿੱਲ ਨੇ ਦੱਸਿਆ ਕਿ ਇਸ ਰੋਜ਼ਗਾਰ ਮੇਲੇ ਨੂੰ ਸਫਲ ਬਣਾਉਣ ਵਿੱਚ ਸ਼ਰਨਪ੍ਰੀਤ ਸਿੰਘ ਟਰਨਰ ਇੰਸਟਰਕਟਰ,ਹਰਸ਼ਨਪ੍ਰੀਤ ਸਿੰਘ ਕਲੇਰ,ਹੇਮੰਤ ਭਾਰਗਵ ਅਤੇ ਸਮੂਹ ਸਟਾਫ ਦਾ ਵਿਸ਼ੇਸ਼ ਸਹਿਯੋਗ ਰਿਹਾ।