11,ਜੁਲਾਈ
ਭਾਰਤੀ ਜਨਤਾ ਪਾਰਟੀ ਦੇ ਸੀਨੀਅਰ ਆਗੂ ਅਤੇ ਪਠਾਨਕੋਟ ਤੋਂ ਵਿਧਾਇਕ ਸ਼੍ਰੀ ਅਸ਼ਵਨੀ ਸ਼ਰਮਾ ਨੂੰ ਹਾਲ ਹੀ ਵਿੱਚ ਭਾਜਪਾ ਪੰਜਾਬ ਦਾ ਕਾਰਜਕਾਰੀ ਪ੍ਰਦੇਸ਼ ਪ੍ਰਧਾਨ ਨਿਯੁਕਤ ਕੀਤਾ ਗਿਆ ਹੈ। ਉਹ ਆਉਣ ਵਾਲੇ 13 ਜੁਲਾਈ, ਐਤਵਾਰ ਸਵੇਰੇ 11 ਵਜੇ, ਚੰਡੀਗੜ੍ਹ ਵਿਖੇ ਭਾਜਪਾ ਦੇ ਪ੍ਰਦੇਸ਼ ਦਫ਼ਤਰ ਵਿੱਚ ਆਪਣਾ ਅਧਿਕਾਰਿਕ ਤੌਰ 'ਤੇ ਕਾਰਜਭਾਰ ਸੰਭਾਲਣਗੇ।
ਇਸ ਇਤਿਹਾਸਕ ਮੌਕੇ ਉੱਤੇ ਸੂਬੇ ਭਰ ਤੋਂ ਭਾਜਪਾ ਦੇ ਕਰਯਕਰਤਾ ਚੰਡੀਗੜ੍ਹ ਪਹੁੰਚ ਰਹੇ ਹਨ। ਪਾਰਟੀ ਵਿਚਕਾਰ ਖ਼ਾਸ ਜੋਸ਼ ਹੈ ਅਤੇ ਇਹ ਸਮਾਗਮ ਸੰਗਠਨ ਦੀ ਏਕਤਾ ਅਤੇ ਉਰਜਾ ਦਾ ਪ੍ਰਤੀਕ ਬਣ ਕੇ ਉਭਰੇਗਾ।
ਭਾਜਪਾ ਦੀ ਲੀਗਲ ਸੈਲ ਵਿਚ ਵੀ ਵਿਸ਼ੇਸ਼ ਉਤਸ਼ਾਹ ਵੇਖਣ ਨੂੰ ਮਿਲ ਰਿਹਾ ਹੈ। ਲੀਗਲ ਸੈਲ ਨਾਲ ਜੁੜੇ ਵਕੀਲਾਂ ਵਿਚ ਇਹ ਨਿਯੁਕਤੀ ਨੂੰ ਲੈ ਕੇ ਖ਼ੁਸ਼ੀ ਦੀ ਲਹਿਰ ਹੈ। ਇਸ ਸੰਬੰਧ ਵਿਚ ਭਾਜਪਾ ਲੀਗਲ ਸੈਲ ਪੰਜਾਬ ਦੇ ਸੰਯੋਜਕ ਸ਼੍ਰੀ ਐਨ. ਕੇ. ਵਰਮਾ ਨੇ ਦੱਸਿਆ ਕਿ ਸ਼੍ਰੀ ਅਸ਼ਵਨੀ ਸ਼ਰਮਾ ਦੇ ਸਵਾਗਤ ਲਈ ਪੰਜਾਬ ਭਰ ਤੋਂ ਵਕੀਲ ਵੱਡੀ ਗਿਣਤੀ ਚ ਭਾਜਪਾ ਪ੍ਰਦੇਸ਼ ਦਫ਼ਤਰ ਪਹੁੰਚ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਇਹ ਸੰਗਠਨ ਪ੍ਰਤੀ ਵਕੀਲ ਭਾਈਚਾਰੇ ਦੀ ਨਿਸ਼ਠਾ ਅਤੇ ਸਰਗਰਮ ਭਾਗੀਦਾਰੀ ਦਾ ਸੰਕੇਤ ਹੈ।
ਸ਼੍ਰੀ ਵਰਮਾ ਨੇ ਕਿਹਾ ਕਿ ਵਕੀਲ ਭਾਈਚਾਰੇ ਨੂੰ ਸ਼੍ਰੀ ਸ਼ਰਮਾ ਤੋਂ ਵੱਡੀਆਂ ਉਮੀਦਾਂ ਹਨ। ਉਨ੍ਹਾਂ ਦੇ ਨੇਤ੍ਰਤਵ ਹੇਠ ਲੀਗਲ ਸੈਲ ਨੂੰ ਵੀ ਨਵੀਂ ਦਿਸ਼ਾ ਅਤੇ ਰਫ਼ਤਾਰ ਮਿਲੇਗੀ।
ਭਾਜਪਾ ਨੇਤ੍ਰਤਵ ਨੇ ਸਾਰੇ ਕਾਰਯਕਰਤਾਵਾਂ ਅਤੇ ਅਹੁਦੇਦਾਰਾਂ ਨੂੰ ਐਤਵਾਰ ਨੂੰ ਸਮੇਂ ਸਿਰ ਪਹੁੰਚਣ ਅਤੇ ਸ਼ਿਸ਼ਟਤਾ ਨਾਲ ਸਵਾਗਤ ਸਮਾਰੋਹ ਵਿੱਚ ਭਾਗ ਲੈਣ ਦੀ ਅਪੀਲ ਕੀਤੀ ਹੈ।