ਲੁਧਿਆਣਾ ਦੀ ਆਦਿੱਤੀ 100 ਪ੍ਰਤੀਸ਼ਤ ਅੰਕ ਲੈ ਕੇ ਰਹੀ ਅੱਵਲ
ਲੁਧਿਆਣਾ ਦੀ ਹੀ ਅਲੀਸ਼ਾ ਸ਼ਰਮਾ ਦੂਜੇ ਤੇ ਬਾਬਾ ਬਕਾਲਾ ਦੀ ਕਰਮਨਪ੍ਰੀਤ ਕੌਰ ਆਈ ਤੀਜੇ ਸਥਾਨ ’ਤੇ
ਹਰਬੰਸ ਬਾਗੜੀ
ਮੋਹਾਲੀ/18 ਅਪ੍ਰੈਲ : ਪੰਜਾਬ ਸਕੂਲ ਸਿੱਖਿਆ ਬੋਰਡ ਨੇ ਭਾਰਤ ਵਿੱਚ ਸਭ ਤੋਂ ਪਹਿਲਾਂ 10ਵੀਂ ਸ਼੍ਰੇਣੀ ਦਾ ਨਤੀਜਾ ਐਲਾਨ ਕੇ ਬਾਜ਼ੀ ਮਾਰ ਲਈ ਹੈ। ਬੋਰਡ ਵੱਲੋਂ ਘੋਸ਼ਿਤ ਦਸਵੀਂ ਸ੍ਰੇਣੀ ਦੇ ਨਤੀਜੇ ਵਿੱਚ ਤੇਜਾ ਸਿੰਘ ਸੁਤੰਤਰ ਮੈਮੋਰੀਅਲ ਸੀਨੀਅਰ ਸੈਕੰਡਰੀ ਸਕੂਲ ਸਿਮਲਾ ਪੁਰ ਲੁਧਿਆਣਾ ਦੀ ਆਦਿਤੀ ਪੁਤਰੀ ਅਜੈ ਕੁਮਾਰ ਨੇ 650 ਅੰਕਾਂ ਵਿੱਚ 650 ਅੰਕ ਪ੍ਰਾਪਤ ਕਰਕੇ ਪੰਜਾਬ ਵਿੱਚ ਪਹਿਲਾ ਸਥਾਨ ਅਤੇ ਇਸ ਸਕੂਲ ਦੀ ਅਲੀਸ਼ਾ ਸ਼ਰਮਾ ਪੁਤਰੀ ਮਹਿੰਦਰ ਸ਼ਰਮਾ ਨੇ 645 ਅੰਕ ਪ੍ਰਾਪਤ ਕਰਕੇ ਦੂਜਾ ਸਥਾਨ ਪ੍ਰਾਪਤ ਕੀਤਾ । ਕਰਮਨਪ੍ਰੀਤ ਕੌਰ ਪੁਤਰੀ ਜਗਰੂਪ ਸਿੰਘ, ਅੰਬਰ ਪਬਲਿਕ ਸੀਨ ਸੈਕੰਡਰੀ ਸਕੂਲ ਨਵਾਂ ਤਨੇਲ ਬਾਬਾ ਬਕਾਲਾ ਨੇ 645 ਅੰਕ ਪ੍ਰਾਪਤ ਕਰਕੇ ਤੀਜਾ ਅਸਥਾਨ ਪ੍ਰਾਪਤ ਕੀਤਾ । ਅੱਜ ਪੰਜਾਬ ਸਕੂਲ ਸਿੱਖਿਆ ਬੋਰਡ ਦੇ ਮੀਤ ਪ੍ਰਧਾਨ ਡਾ ਪਰੇਮ ਕੁਮਾਰ ਵੱਲੋਂ ਦਸਵੀਂ ਸ੍ਰੇਣੀ ਦਾ ਨਤੀਜਾ ਐਲਾਨਿਆ ਗਿਆ। ਇਸ ਮੌਕੇ ਉਨ੍ਹਾਂ ਦੇ ਨਾਲ ਉਪ ਸਕੱਤਰ ਦਸਵੀਂ ਡਾ ਗੁਰਮੀਤ ਕੌਰ, ਉਪ ਸਕੰਤਰ ਕੰਡਕਟ ਮਨਮੀਤ ਸਿੰਘ ਭੱਠਲ ਅਤੇ ਸਹਾਇਕ ਸਕੱਤਰ ਦਸਵੀਂ ਸ੍ਰੀ ਮਤੀ ਰਣਜੀਤ ਕੌਰ ਹੰਸ ਹਾਜਿਰ ਸਨ । ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਡਾ ਪਰੇਮ ਕੁਮਾਰ ਨੇ ਕਿਹਾ ਕਿ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਅਤੇ ਸਿੱਖਿਆ ਮੰਤਰੀ ਹਰਜੋਤ ਸਿੰਘ ਬੈਂਸ ਦੇ ਦਿਸਾ ਨਿਰਦੇਸਾਂ ਤੇ ਸਿੱਖਿਆ ਬੋਰਡ ਦੀ ਚੇਅਰਪਰਸਨ ਡਾ ਸਤਿਬੀਰ ਬੇਦੀ ਦੀ ਅਗਵਾਈ ਵਿੱਚ ਸਿੱਖਿਆ ਬੋਰਡ ਦੇ ਇਤਹਾਸ ਵਿੱਚ ਸਮੂਚੇ ਭਾਰਤ ਦੇ ਸਿੱਖਿਆ ਬੋਰਡ ਨਾਲੋ. ਪਹਿਲਾਂ ਨਤੀਜ਼ਾ ਘੋਸਿਤ ਕਰਕੇ ਬਾਜੀ ਮਾਰੀ ਹੈ। ਪ੍ਰੀਖਿਆਰਥੀਆਂ ਦੇ ਪੂਰੇ ਵੇਰਵੇ ਅਤੇ ਨਤੀਜਾ ਮਿਤੀ 19 ਅ੍ਰਪੈਲ 2024 ਦਿਨ ਸ਼ੁਕਰਵਾਰ ਨੂੰ ਸਵੇਰੇ 10:00 ਤੋਂ ਬਾਅਦ ਪੰਜਾਬ ਸਕੂਲ ਸਿੱਖਿਆ ਬੋਰਡ ਦੀ ਵੈਬਸਾਈਟ ਤੇ ਉਪਲਬਧ ਹੋਣਗੇ।