ਏਜੰਸੀਆਂ
ਲਖ਼ੀਮਪੁਰ ਖੀਰੀ/19 ਅਪ੍ਰੈਲ : ਸ਼ੁੱਕਰਵਾਰ ਨੂੰ ਦੁਧਵਾ ਬਫ਼ਰ ਜ਼ੋਨ ਦੇ ਧੌਰਹਰਾ ਰੇਂਜ ਖੇਤਰ ਦੇ ਧੌਰਹਰਾ ਤਹਿਸੀਲ ਦੇ ਟਾਂਡਪੁਰਵਾ ਪਿੰਡ ਦੇ ਨੇੜੇ ਇਕ ਗੰਨੇ ਦੇ ਖੇਤ ’ਚ 2 ਚੀਤੇ ਮਰੇ ਮਿਲੇ। ਦੁਧਵਾ ਟਾਈਗਰ ਰਿਜ਼ਰਵ (ਡੀਟੀਆਰ) ਫੀਲਡ ਨਿਰਦੇਸ਼ਕ ਲਲਿਤ ਵਰਮਾ ਨੇ ਦੱਸਿਆ ਕਿ ਆਪਣੀ ਹੱਦ ਨੂੰ ਲੈ ਕੇ ਹੋਈ ਲੜਾਈ ’ਚ 2 ਨਰ ਚੀਤੇ ਮਾਰੇ ਗਏ। ਇਨ੍ਹਾਂ ਦੀ ਉਮਰ ਲਗਭਗ 2 ਸਾਲ ਸੀ। ਅਧਿਕਾਰੀਆਂ ਨੇ ਦੱਸਿਆ ਕਿ ਮਾਰੇ ਗਏ ਦੋਵੇਂ ਚੀਤਿਆਂ ਦੇ ਸ਼ਰੀਰ ’ਤੇ ਵੱਡੀਆਂ ਬਿੱਲੀਆਂ ਵੱਲੋਂ ਕੀਤੇ ਗਏ ਹਮਲੇ ਦੇ ਜ਼ਖ਼ਮਾਂ ਦੇ ਨਿਸ਼ਾਨ ਮਿਲੇ ਹਨ। ਵਰਮਾ ਨੇ ਕਿਹਾ ਕਿ ਦੋਵੇਂ ਚੀਤਿਆਂ ਦਾ ਪੋਸਟਮਾਰਟਮ ਨੈਸ਼ਨਲ ਟਾਈਗਰ ਕੰਸਰਵੇਸ਼ਨ ਅਥਾਰਟੀ (ਐਨਟੀਸੀਏ) ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਧੌਰਾਹੜਾ ਰੇਂਜ ਹੈਡਕੁਆਰਟਰ ਵਿਖੇ ਕੀਤਾ ਗਿਆ। ਉਨ੍ਹਾਂ ਕਿਹਾ ਕਿ ਪੋਸਟਮਾਰਟ ਰਿਪੋਰਟਾਂ ’ਚੋਂ ਜੋ ਸਿੱਟਾ ਕੱਢਿਆ ਗਿਆ ਹੈ, ਉਸ ਅਨੁਸਾਰ ਦੋਵੇਂ ਚੀਤਿਆਂ ਦੀ ਮੌਤ ਆਪਸੀ ਲੜਾਈ ਕਾਰਨ ਹੋਈ ਹੈ।