ਸ੍ਰੀ ਫ਼ਤਹਿਗੜ੍ਹ ਸਾਹਿਬ/10 ਅਗਸਤ:
(ਰਵਿੰਦਰ ਸਿੰਘ ਢੀਂਡਸਾ)
ਰੋਟਰੀ ਕਲੱਬ ਦੀ ਸਰਹਿੰਦ ਸ਼ਾਖਾ ਜੋ ਕਿ ਦੁਨੀਆਂ ਭਰ ਵਿੱਚ ਸਮਾਜ ਸੇਵਾ ਦੇ ਕਾਰਜਾਂ ਲਈ ਮਸ਼ਹੂਰ ਹੈ, ਦੀਆਂ ਮਹਿਲਾ ਮੈਂਬਰਾਂ ਨੇ ਸਰਹਿੰਦ ਦੇ ਪ੍ਰਸਿੱਧ ਹੋਟਲ ਰਿਆਸਤ-ਏ-ਰਾਣਾ ਵਿਖੇ ਤੀਆਂ ਦਾ ਤਿਉਹਾਰ ਬੜੀ ਧੂਮਧਾਮ ਨਾਲ ਮਨਾਇਆ। ਤੀਆਂ ਦੇ ਤਿਉਹਾਰ ਦੀ ਪ੍ਰੋਜੈਕਟ ਇੰਚਾਰਜ ਡਾ. ਦਿਵਿਆ ਢਿੱਲੋਂ ਅਤੇ ਡਾ. ਨੇਹਾ ਢੰਡ ਵੱਲੋਂ ਸਟੇਜ ਦਾ ਸੰਚਾਲਨ ਬਹੁਤ ਹੀ ਸੁਚੱਜੇ ਢੰਗ ਨਾਲ ਕੀਤਾ ਗਿਆ। ਸਮਾਗਮ ਵਿੱਚ ਸ਼ਾਮਲ ਮਹਿਲਾਵਾਂ ਵਲੋਂ ਵੱਖ ਵੱਖ ਤਰ੍ਹਾਂ ਦੀਆਂ ਖੇਡਾਂ ਖੇਡ ਕੇ ਅਤੇ ਨੱਚ ਟੱਪ ਕੇ ਤੀਆਂ ਦਾ ਤਿਉਹਾਰ ਮਨਾਇਆ ਗਿਆ।ਇਸ ਮੌਕੇ ਕਰਵਾਏ ਗਏ ਮਨੋਰੰਜਕ ਮੁਕਾਬਲਿਆਂ ਦੇ ਜੇਤੂਆਂ ਨੂੰ ਇਨਾਮ ਵੀ ਵੰਡੇ ਗਏ। ਇਸ ਮੌਕੇ ਨਿਰਮਲਾ, ਰਜਨੀ ਸੂਦ, ਰਜਨੀ ਵਰਮਾ ਨੇ ਤੀਆਂ ਨਾਲ ਸਬੰਧਤ ਪੰਜਾਬੀ ਗੀਤ ਵੀ ਗਾਏ। ਡਾ: ਦੀਪਿਕਾ ਸੂਰੀ ਨੇ ਮੋਨਿਕਾ ਸ਼ਰਮਾ ਅਤੇ ਸੀਮਾ ਬੈਕਟਰ ਦਾ ਉਨ੍ਹਾਂ ਦੇ ਮਹੱਤਵਪੂਰਨ ਸਹਿਯੋਗ ਲਈ ਧੰਨਵਾਦ ਕੀਤਾ। ਤੀਜ ਰਾਣੀ ਦਾ ਖਿਤਾਬ ਸ਼ਿਖਾ ਸ਼ਰਮਾ ਨੂੰ ਦਿੱਤਾ ਗਿਆ ਤੇ ਆਏ ਹੋਏ ਸਾਰੇ ਮੈਂਬਰਾਂ ਨੂੰ ਵੱਖ-ਵੱਖ ਤੋਹਫੇ ਦਿੱਤੇ ਗਏ। ਸਮਾਗਮ ਵਿੱਚ ਸ਼ਾਮਲ ਹੋਈਆਂ ਮਹਿਲਾਵਾਂ ਨੇ ਹੋਟਲ ਰਿਆਸਤ ਏ ਰਾਣਾ ਦੇ ਲਜ਼ੀਜ਼ ਪਕਵਾਨਾਂ ਦਾ ਆਨੰਦ ਵੀ ਮਾਣਿਆ। ਇਸ ਮੌਕੇ ਕਲੱਬ ਦੇ ਸੀਨੀਅਰ ਮੈਂਬਰ ਕਿਰਨ ਬੈਕਟਰ, ਪ੍ਰਵੇਸ਼ ਸ਼ਰਮਾ, ਨੰਦਿਤਾ, ਸੂਦ, ਸੁਰਿੰਦਰ ਬਿੰਬਰਾ, ਰਸ਼ਮੀ ਬਿੰਬਰਾ,ਕੀਰਤੀ ਬਿੰਬਰਾ, ਨੀਲਮ ਬਿੰਬਰਾ, ਵੀਨੂੰ ਵਰਮਾ, ਬੀ. ਸੋਭਨਾ ਮਲਹੋਤਰਾ ਆਦਿ ਨੇ ਵੀ ਟੀਮ ਮੈਂਬਰਾਂ ਨੂੰ ਤੀਆਂ ਦੇ ਤਿਉਹਾਰ ਦੀ ਵਧਾਈ ਦਿੱਤੀ।