ਫਿਰੋਜ਼ਪੁਰ 5 ਅਕਤੂਬਰ (ਅਸ਼ੋਕ ਭਾਰਦਵਾਜ)
ਇਕੱਤਰ ਕੀਤੀ ਜਾਣਕਾਰੀ ਮੁਤਾਬਕ ਫਿਰੋਜ਼ਪੁਰ ਨਾਲ ਸੰਬੰਧਤ ਪਿੰਡ ਖਲਚੀਆਂ ਕਦੀਮ ਦੇ 35 ਸਾਲਾਂ ਨੋਜਵਾਨ ਰਵੀ ਕੁਮਾਰ ਪੁੱਤਰ ਰਾਜ ਕੁਮਾਰ ਨੂੰ ਆਪਣੇ ਘਰ ਦੇ ਗੇਟ ਦੇ ਬਾਹਰ ਹੀ ਗੋਲੀਆਂ ਮਾਰ ਕੇ ਮੋਤ ਦੇ ਘਾਟ ਉਤਾਰ ਦਿੱਤਾ ਗਿਆ। ਮੀਡੀਆ ਨਾਲ ਜਾਣਕਾਰੀ ਸਾਂਝੀ ਕਰਦਿਆ ਮਿ੍ਰਤਕ ਦੇ ਵਾਰਸਾਂ ਨੇ ਦੱਸਿਆ ਕਿ ਬੀਤੀ 23 ਅਕਤੂਬਰ ਨੂੰ ਛੋਟੇ ਬੱਚਿਆ ਨੂੰ ਲੈ ਕੇ ਗੁਆਂਢੀਆਂ ਨਾਲ ਰਵੀ ਦੀ ਲੜਾਈ ਹੋਈ ਸੀ ਜੋ ਕਿ ਬਾਅਦ ਵਿੱਚ ਮੋਹਤਬਰ ਬੰਦਿਆ ਦੀ ਮੋਜੂਦਗੀ ਵਿੱਚ ਰਾਜੀਨਾਮਾ ਹੋ ਗਿਆ ਸੀ ਜਿਸ ਦੀ ਰੰਜਿਸ਼ ਆਪਣੇ ਦਿਲ ਚ ਰੱਖ ਕੇ ਗੁਆਂਢੀਆਂ ਨੇ ਰਵੀ ਦੇ ਘਰ ਦੇ ਬਾਹਰ ਖੜੇ ਨੂੰ ਲਲਕਾਰੇ ਮਾਰ ਕੇ ਉਸ ਦੇ ਉਪਰ ਤਾਬੜ ਤੋੜ ਗੋਲੀਆਂ ਚਲਾ ਦਿੱਤੀਆਂ ਜਿਸ ਕਾਰਨ ਰਵੀ ਕੁਮਾਰ ਦੀ ਮੌਤ ਹੋ ਗਈ। ਜਿਸ ਦੀ ਦੇਹ ਨੂੰ ਪੋਸਟਮਾਰਟਮ ਲਈ ਸਿਵਲ ਹਸਪਤਾਲ ਫਿਰੋਜ਼ਪੁਰ ਦੀ ਮੋਰਚਰੀ ਚ ਰਖਵਾਇਆ ਗਿਆ ਹੈ। ਮਿ੍ਰਤਕ ਰਵੀ ਆਪਣੇ ਪਿੱਛੇ 3 ਬੱਚੇ ਤੇ ਘਰਵਾਲੀ ਤੇ ਪਰਿਵਾਰ ਨੂੰ ਰੋਦੇ ਕੁਰਲਾਉਂਦ ਛੱਡ ਗਿਆ।