ਡਿਪਟੀ ਕਮਿਸ਼ਨਰ ਡਾ. ਸੋਨਾ ਥਿੰਡ ਵੱਲੋਂ ਨਸ਼ਾ ਵਿਰੋਧੀ ਜਾਗਰੂਕਤਾ ਮੈਰਾਥਨ ਦੀ ਟੀ-ਸ਼ਰਟ ਦਾ ਉਦਘਾਟਨ

 

ਨਸ਼ਿਆਂ ਦੇ ਵਿਰੁੱਧ ਜਾਗਰੂਕਤਾ ਵਧਾਉਣ ਵੱਲ ਇਕ ਮਹੱਤਵਪੂਰਨ ਕਦਮ ਚੁੱਕਦਿਆਂ, ਜ਼ਿਲ੍ਹਾ ਫਤਿਹਗੜ੍ਹ ਸਾਹਿਬ ਦੀ ਡਿਪਟੀ ਕਮਿਸ਼ਨਰ ਡਾ. ਸੋਨਾ ਥਿੰਡ ਨੇ ਅੱਜ “ ਰਨ ਫਾਰ ਲਾਈਫ” ਨਸ਼ਾ ਵਿਰੋਧੀ ਜਾਗਰੂਕਤਾ ਮੈਰਾਥਨ ਲਈ ਅਧਿਕਾਰਿਕ ਟੀ-ਸ਼ਰਟ ਦਾ ਉਦਘਾਟਨ ਕੀਤਾ। ਇਹ ਮੈਰਾਥਨ ਰੋਟਰੀ ਕਲੱਬ ਸਰਹਿੰਦ ਅਤੇ ਜ਼ਿਲ੍ਹਾ ਪ੍ਰਸ਼ਾਸਨ ਫਤਿਹਗੜ੍ਹ ਸਾਹਿਬ ਵੱਲੋਂ ਮਿਲ ਕੇ ਕਰਵਾਈ ਜਾ ਰਹੀ ਹੈ।ਇਹ ਟੀ-ਸ਼ਰਟ ਨਸ਼ਿਆਂ ਖਿਲਾਫ ਲੜਾਈ ਦਾ ਪ੍ਰਤੀਕ ਹੈ ਅਤੇ ਇੱਕ ਸਿਹਤਮੰਦ, ਨਸ਼ਾ-ਮੁਕਤ ਸਮਾਜ ਵੱਲ ਸੱਦਾ ਹੈ। ਡਾ. ਸੋਨਾ ਥਿੰਦ ਨੇ ਇਸ ਪਹਿਲ ਦੀ ਪ੍ਰਸ਼ੰਸਾ ਕਰਦੇ ਹੋਏ ਆਖਿਆ ਕਿ ਨੌਜਵਾਨਾਂ ਅਤੇ ਆਮ ਲੋਕਾਂ ਨੂੰ ਅਜਿਹੀਆਂ ਸਕਾਰਾਤਮਕ ਸਰਗਰਮੀਆਂ ਰਾਹੀਂ ਜੁੜਨ ਲਈ ਉਤਸ਼ਾਹਤ ਕਰਨਾ ਅਤਿ ਜ਼ਰੂਰੀ ਹੈ ਤਾਂ ਜੋ ਨਸ਼ਿਆਂ ਵਿਰੁੱਧ ਸੰਦੇਸ਼ ਦਿੱਤਾ ਜਾ ਸਕੇ ਅਤੇ ਸਿਹਤਮੰਦ ਜੀਵਨਸ਼ੈਲੀ ਨੂੰ ਹੋਰ ਪ੍ਰੋਤਸਾਹਨ ਮਿਲ ਸਕੇ। ਮੈਰਾਥਨ ਸੰਬੰਧੀ ਦਿੱਤੀ ਗਈ ਜਾਣਕਾਰੀ ਮੁਤਾਬਕ, “ ਰਨ ਫੋਰ ਲਾਈਫ” ਨਸ਼ਾ ਵਿਰੋਧੀ ਮੈਰਾਥਨ 18 ਮਈ 2025 ਨੂੰ ਸਵੇਰੇ 6:00 ਵਜੇ ਆਯੋਜਿਤ ਕੀਤੀ ਜਾਵੇਗੀ। ਇਹ ਦੌੜ ਰੋਟਰੀ ਕਲੱਬ, ਆਮ ਖਾਸ ਬਾਗ, ਸਰਹਿੰਦ ਤੋਂ ਸ਼ੁਰੂ ਹੋਵੇਗੀ। ਇਸ ਵਿੱਚ ਜ਼ਿਲ੍ਹੇ ਭਰ ਤੋਂ ਨਾਗਰਿਕਾਂ, ਨੌਜਵਾਨਾਂ ਅਤੇ ਸਮਾਜਿਕ ਸੰਸਥਾਵਾਂ ਦੀ ਭਾਗੀਦਾਰੀ ਰਹੇਗੀ।ਇਸ ਮੈਰਾਥਨ ਨੂੰ ਸਹਿਯੋਗ ਦੇਣ ਵਾਲਿਆਂ ਵਿੱਚ ਬਾਬੂ ਜਗਦੀਸ਼ ਜਵੇਲਰਜ਼,

ਮਾਧਵ ਕੇਆਰਜੀ ਗਰੁੱਪ,ਬੀ ਟਾਊਨ ਬਿਲਡਰਜ਼,ਮਾਈਂਡ ਕੇਅਰ ਹਸਪਤਾਲ ਦੇ ਨਾਮ ਸ਼ਾਮਿਲ ਹਨ।ਡਾ. ਹਿਤੇਂਦਰ ਸੂਰੀ, ਪ੍ਰਧਾਨ, ਰੋਟਰੀ ਕਲੱਬ ਸਰਹਿੰਦ; ਰੋਟੇਰੀਅਨ ਵੀਨਿਤ ਸ਼ਰਮਾ, ਸਕੱਤਰ; ਰੋਟੇਰੀਅਨ ਸੁਨੀਲ ਬੈਕਟਰ, ਖ਼ਜ਼ਾਨਚੀ ਅਤੇ ਰੋਟੇਰੀਅਨ ਸਤਪਾਲ ਗਰਗ, ਪ੍ਰਾਜੈਕਟ ਇੰਚਾਰਜ ਨੇ ਡਾ. ਥਿੰਦ ਅਤੇ ਸਾਰੇ ਸਪਾਂਸਰਾਂ ਦਾ ਧੰਨਵਾਦ ਕਰਦਿਆਂ ਲੋਕਾਂ ਨੂੰ ਅਪੀਲ ਕੀਤੀ ਕਿ ਵੱਡੀ ਗਿਣਤੀ ਵਿੱਚ ਇਸ ਮੈਰਾਥੋਨ ਵਿੱਚ ਸ਼ਾਮਲ ਹੋਣ।