ਤਪਾ ਮੰਡੀ 5 ਜੂਨ(ਯਾਦਵਿੰਦਰ ਸਿੰਘ ਤਪਾ,ਅਜਯਪਾਲ ਸਿੰਘ ਸੂਰੀਯਾ)-
ਨਗਰ ਕੌਸਲ ਤਪਾ ਦੇ ਪ੍ਰਧਾਨ ਡਾ.ਸੋਨਿਕਾ ਬਾਂਸਲ ਆਗਾਮੀ ਮੌਨਸੂਨ ਦੇ ਸੀਜਨ ਨੂੰ ਦੇਖਦਿਆਂ ਸਫਾਈ ਮੁਹਿੰਮ ਕੀਤੀ ਗਈ ਹੈ ਜਿਸ ਵਿੱਚ ਸਾਰੇ ਸਫਾਈ ਕਾਮਿਆਂ ਵੱਲੋਂ ਨਾਮਦੇਵ ਮਾਰਗ ‘ਤੇ 2 ਦਰਝਨ ਦੇ ਕਰੀਬ ਸਫਾਈ ਸੇਵਕਾਂ ਨੇ ਸੜਕ ਤੇ ਬਿਖਰੇ ਪਏ ਕੂੜੇ ਨੂੰ ਇੱਕ ਥਾਂ ਤੇ ਇਕੱਠਾ ਕਰਕੇ ਨਗਰ ਕੌਸਲ ਦੀ ਟਰਾਲੀ ਨਾਲ ਚੁੱਕਕੇ ਕੂੜ ਡੰਪ ਤੇ ਸੁਟਿਆਂ ਜਾ ਰਿਹਾ ਹੈ। ਇਸ ਸਮੇਂ ਪ੍ਰਧਾਨ ਸੋਨਿਕਾ ਬਾਂਸਲ ਨੇ ਦੱਸਿਆ ਕਿ ਸਫਾਈ ਦੇ ਨਾਲ-ਨਾਲ ਨਾਲੇ ਨਾਲੀਆਂ ਦੇ ਖੇਤਰਾਂ ਦੀ ਸਫਾਈ ਵੀ ਕਰਨੀ ਹੈ ਤਾਂਕਿ ਬਾਰਿਸ਼ ਦੇ ਸਮੇਂ ਪਾਣੀ ਨਿਕਾਸੀ ਵਿੱਚ ਕੋਈ ਮੁਸ਼ਕਲ ਨਾ ਹੋਵੇ। ਪ੍ਰਧਾਨ ਸੋਨਿਕਾ ਬਾਂਸਲ ਦੇ ਹੁਕਮਾਂ ਤੇ ਸੈਨਟਰੀ ਇੰਸਪੈਕਟਰ ਅਤੇ ਸਫਾਈ ਸੇਵਕ ਯੂਨੀਅਨ ਦੇ ਪ੍ਰਧਾਨ ਰਾਜ ਕੁਮਾਰ ਰਫੀ ਦੀ ਅਗਵਾਈ ‘ਚ ਚੱਲ ਰਹੇ ਸਫਾਈ ਅਭਿਆਨ ਵਿੱਚ ਲੱਗੇ ਹੋਏ ਹਨ। ਉਨ੍ਹਾਂ ਦੱਸਿਆ ਕਿ ਕੇਵਲ ਮੌਸਮੀ ਸਫਾਈ ਦੇ ਨਾਲ-ਨਾਲ ਆਮ ਰੂਟੀਨ ਦੀ ਸਫਾਈ ਦਾ ਕੰਮ ਵੀ ਜੌਰਾਂ ਤੇ ਚੱਲ ਰਿਹਾ ਹੈ। ਉਨ੍ਹਾਂ ਲੋਕਾਂ ਨੂੰ ਅਪੀਲ ਕੀਤੀ ਕਿ ਪਲਾਸਟਿਕ ਦੀ ਵੇਸਟੇਜ ਅਤੇ ਕੂੜਾ ਕਰਕਟ ਨੂੰ ਨਾਲਿਆਂ ‘ਚ ਸੁੱਟਣ ਤੋਂ ਪਰਹੇਜ ਕੀਤਾ ਜਾਵੇ ਕਿਉਂਕਿ ਇਸ ਨਾਲ ਸੀਵਰੇਜ ਬੰਦ ਹੋਣ ਨਾਲ ਸੀਵਰੇਜ ਦਾ ਗੰਦਾ ਪਾਣੀ ਓਵਰਫਲੋ ਹੋਕੇ ਸੜਕਾਂ ਤੇ ਖੜ੍ਹ ਜਾਂਦਾ ਹੈ।