ਅਸੰਧ, 5 ਜੂਨ ਗੁਰਨਾਮ ਸਿੰਘ
ਰਾਮਗੜੀਆ ਟੀਬੀ ਮੁਕਤ ਭਾਰਤ ਅਭਿਆਨ ਤਹਿਤ ਖੇੜੀ ਸ਼ਰਫਾਲੀ ਗੁਰਦੁਆਰੇ ਵਿਖੇ ਐਕਸ-ਰੇ ਕੈਂਪ ਲਗਾਇਆ ਗਿਆ। ਡਿਪਟੀ ਸਿਵਲ ਸਰਜਨ ਡਾ. ਸਿੰਮੀ ਕਪੂਰ, ਡਾ. ਪ੍ਰਦੀਪ ਅਤੇ ਸੀਨੀਅਰ ਮੈਡੀਕਲ ਅਫਸਰ ਅਸੰਧ ਡਾ. ਜੈਪਾਲ ਚਾਹਲ ਨੇ ਇਸ ਵਿੱਚ ਹਿੱਸਾ ਲਿਆ। ਡਾ. ਸਿੰਮੀ ਕਪੂਰ ਨੇ ਲੋਕਾਂ ਨੂੰ ਟੀਬੀ ਬਾਰੇ ਵਿਸਥਾਰ ਵਿੱਚ ਦੱਸਿਆ। ਇਸ ਦੌਰਾਨ 5 ਟੀਬੀ ਮਰੀਜ਼ਾਂ ਨੂੰ ਪੋਸ਼ਣ ਕਿੱਟਾਂ ਵੰਡੀਆਂ ਗਈਆਂ। ਕੈਂਪ ਵਿੱਚ 115 ਲੋਕਾਂ ਦੀ ਜਾਂਚ ਕੀਤੀ ਗਈ ਜਿਸ ਵਿੱਚ 56 ਐਕਸ-ਰੇ, 62 ਐੱਚਆਈਵੀ ਅਤੇ 62 ਸ਼ੂਗਰ ਟੈਸਟ ਕੀਤੇ ਗਏ। ਸੀਨੀਅਰ ਟ੍ਰੀਟਮੈਂਟ ਸੁਪਰਵਾਈਜ਼ਰ ਸਤੀਸ਼ ਕੁਮਾਰ, ਆਈਸੀਟੀਸੀ ਕੌਂਸਲਰ ਰੰਗੀਰਾਮ ਵਰਮਾ, ਐਲਟੀ ਪ੍ਰੀਤੀ, ਸੀਐਚਓ ਰੂਬੀ, ਐਮਪੀਐਚਡਬਲਯੂ ਮਮਤਾ, ਪ੍ਰੇਮ, ਮਨਜੀਤ, ਮਨਪ੍ਰੀਤ, ਰਿਤੂ, ਪਰਮਜੀਤ ਆਸ਼ਾ ਵਰਕਰ ਨੇ ਇਸ ਪ੍ਰੋਗਰਾਮ ਵਿੱਚ ਹਿੱਸਾ ਲਿਆ।