ਤਪਾ ਮੰਡੀ 5 ਜੂਨ(ਯਾਦਵਿੰਦਰ ਸਿੰਘ ਤਪਾ,ਅਜਯਪਾਲ ਸਿੰਘ ਸੂਰੀਯਾ)-
ਇਲਾਕੇ ਦੀ ਪ੍ਰਸਿੱਧ ਸਮਾਜਸੇਵੀ ਸੰਸਥਾ ਹੈਪੀ ਕਲੱਬ ਤਪਾ ਵਲੋ 29ਵਾਂ ਅੱਖਾਂ ਦਾ ਮੁਫ਼ਤ ਚੈੱਕ ਅੱਪ ਅਤੇ ਆਪਰੇਸ਼ਨ ਕੈਂਪ ਸੌਰਵ ਬਾਂਸਲ ਕਨੇਡਾ ਵਾਸੀ ਵਲੋਂ ਆਪਣੇ ਜਨਮ ਦਿਨ ਮੌਕੇ ਰਾਹੀਂ ਮੋਹਨ ਲਾਲ ਮੰਗਤ ਰਾਏ, ਤਿਰਲੋਕ ਚੰਦ ਤਾਜੋ ਵਾਲਿਆਂ ਦੇ ਸਹਿਯੋਗ ਨਾਲ ਅੱਗਰਵਾਲ ਧਰਮ ਸ਼ਾਲਾ ਤਪਾ ਵਿਖੇ ਲਾਇਆ ਜਾ ਰਿਹਾ ਹੈ। ਇਸ ਕੈਂਪ ‘ਚ ਡਾਕਟਰ ਕਰਨ ਸਰਵਾਲ ਰਾਮਪੁਰਾ ਵਾਲੇ ਅੱਖਾਂ ਦੀ ਚੈੱਕ ਅਪ ਕਰਨਗੇ ਜਿਸ ਉਪਰੰਤ ਡਾਕਟਰ ਸਾਰਵਾਲ ਵਲੋਂ ਆਪਰੇਸ਼ਨ ਲਈ ਚੁਣੇ ਗਏ ਮਰੀਜ਼ਾਂ ਦੇ ਆਪਰੇਸ਼ਨ ਉਹਨਾਂ ਦੇ ਰਾਮਪੁਰਾ ਸਥਿਤ ਹਸਪਤਾਲ ਵਿਖੇ ਕੀਤੇ ਜਾਣਗੇ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਕਲੱਬ ਦੇ ਪ੍ਰਧਾਨ ਰਾਕੇਸ਼ ਬਾਂਸਲ, ਸਕਤੱਰ ਜਨਰਲ ਸੁਰਿੰਦਰ ਮਿੱਤਲ, ਚੇਅਰਮੈਨ ਸੁਨੀਲ ਸ਼ੈਲੀ ਨੇ ਦੱਸਿਆ ਕਿ ਮਰੀਜ਼ਾਂ ਨੂੰ ਦਵਾਈ ਮੁਫ਼ਤ ਮਿਲੇਗੀ ਅਤੇ ਅਪ੍ਰੇਸ਼ਨ ਯੋਗ ਮਰੀਜ਼ਾਂ ਨੂੰ ਹਸਪਤਾਲ ਲਿਜਾਣ, ਲਿਆਉਣ ਅਤੇ ਲੰਗਰ ਚਾਹ ਆਦਿ ਦਾ ਪ੍ਰਬੰਧ ਕਲੱਬ ਵਲੋਂ ਕੀਤਾ ਜਾਵੇਗਾ। ਇਸ ਮੌਕੇ ਕਲੱਬ ਦੇ ਕੈਸ਼ੀਅਰ ਰਾਕੇਸ਼ ਜਿੰਦਲ, ਸਲਾਹਕਾਰ ਹਰਮੇਸ਼ ਬਾਂਸਲ,ਪੀ ਆਰ ਓ ਸਾਹਿਲ ਗਰਗ, ਅਨਿਲ ਸਿੰਗਲਾ, ਰੌਚਕ ਸਿੰਗਲਾ, ਕਰਨ ਗਰਗ ਸੁਨੀਲ ਗੋਇਲ,ਵਨਿਤ ਗਰਗ, ਰੌਚਕ ਸਿੰਗਲਾ, ਰਾਹੁਲ ਮਿੱਤਲ ਮੈਂਬਰ ਮੌਜੂਦ ਸਨ।